Ayselka me jî girtin kuro

Pişo Mihemed Belê, şahînşahê Tirkiyê û cewrên hikûmeta wî dest bi girtin û kujtina PKK û HDPî yan kirine û ha ha komele û dezgehên wan digirin. Dibêjin go...

Pişo Mihemed

Belê, şahînşahê Tirkiyê û cewrên hikûmeta wî dest bi girtin û kujtina PKK û HDPî yan kirine û ha ha komele û dezgehên wan digirin. Dibêjin go agir bi daristanê ket ter û hişk tevde dişewitin. Îcar dewleta Tirko Kurd dane ber şeg û pegan û nabêje tu kurê kê yî.

Axir…

Piştî girtina serok û hevserokên HDP, cewr û cewrikên hikûmeta AKP bi tenq û top û reşaşan êrîşî xaltîka me Aysel Tugluk kirin û rebenê girtin, berê wê jî dan girtîxanê.

Rebena xaltîka me Aysel Tugluk, kir û nekir nikarîbû xwe li ber dilê dewleta Tirko şîrîn bike. Kezîkurê bi salan pesnê beton Misto da, lê fêde nekir. Bi salan berê Kurdan da Kemalîzmê û serê Kurdên xwelîser bi fikir û ramanên Atavirqo dagirt, lê dîsa fêde nekir. Got: „Atatirk serokekî mezin e, nemir e, stûna netewa Tirk e, ew mûcîze ye“ filan û fîstan, lê dîsa fêde nekir.  Mejîyê bi hezaran keç û xortên Kurd bi Kemalîzmê şûşt û ew kirin Kemalîst, dîsa fêde nekir.

Aha Tirkên te ev in ha xaltîka Aysel!

Aha brayên te yên Tirk, ewên ku we di ber wan û welatê wan de mala Kurdan şewitand, ev in.

Werhasilî kelam, emê bêjin „de belkî di girtîxanê de biaqil bibin û hişê wan bê serê wan“ lê bawer nakim. Bawer nakim, ji ber go Hetîb Şeqşeq jî gava ketibû girtîxanê biaqil û hişê wî li serê wî bû.

Lê gava derket?

Kurdistan avêt ser sergo û teneka zibil bi serê xwe dakir.

Îcar bi rastî ez meraq dikim lo.

Xetîb Şeqşeqê me piştî derketina ji hepsê Kurdistan avêt nav teneka zibil û xwelîya heft gundan li serê xwe jî, li serê Kurdên xwelîser jî kir.

Gelo gava Selo, Fîgo û Ayselka me ji hepsê derkevin ewê Kurdistanê bavêjin ku û têxin kîjan qulê?

 

Amed

Categories
KadînNivîskarPişo Mihemed
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Ruhê koletîyê Kurdan diduruvîne

    Sîrac Oguz Neyarên Kurd û Kurdistanê, dîsa dest bi fen û fêlbazîyên dîrokî dikin. Dixwezin di nav milletê Kurd da, dubendî û îxanetên mezin pêk bînin. Gava ku milletê...
  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Tu yeman bûyî yabo

    Sal 1980 ye. Eskerîyê darbe kirîye, agir bi erdê ketîye. Şerê çepgir û rastgir û kurdgiran e. Li kuçe û sikak û kolanan, mîna mişk û pisîkê, xort li...
  • Metrobus

    Ez di dîn û dîyaneta Stenbolê nim. Û piçika mixê meriv hebe, meriv tenê deqeyekê jî li Stenbolê nasekine. Qey hema xalê min Xwedê çeneke baran bi ser Stenbolê...
  • Mesangera li kadînê…

    Cimûeta li kadînê: Silêmanê Hecî Feyzila bi jina xwe Sînemê re li kadînê ka dikin telîsan, kêfa Silêman diçe ganekê. Silêman dibîne bi dilê Sînemê ye jî, berê wê...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...