Doktorê “Nexweşxaneya Muhemed Resûlullah”

Bawer bikin ewqas zanîngeh, profesor, şîrket û dezgehên tendirustîyê belasebeb û bê wate çêbûne. Ewqas mesref û serfkirina pareyên mezin belasebeb in. Ez di şûna wan de bim, ezê...

Bawer bikin ewqas zanîngeh, profesor, şîrket û dezgehên tendirustîyê belasebeb û bê wate çêbûne. Ewqas mesref û serfkirina pareyên mezin belasebeb in. Ez di şûna wan de bim, ezê bê mesref û bê serêşandin wan dezgehan têxim bin desthilatdarîya Mela elî Kelek û ji serêşandina nexweşî û nexweşîyên mirovan xelas bim.

Ma cîhê ku profesor û dokdorekî wek Mela Elî Kelek hebe, pêwistî bi zanîngeh û nexweşxaneyên tendirustîyê heye? Na allahwekîl, na!

Heke bê bîra we, xalê me Mela Elî Kelek zindî di televizyonan de mîza xwe vexwaribû û em behitî hiştibûn. Û niha jî xalê me Kelek nexweşxaneyek bi navê “Nexweşxaneya Muhemed Resûlullah” vekiriye, bi lêdan û lêxistinê mirovan derman dike, cin, pîrebok û şeytan ji laş û bedena wan derdixe û wan sipîsaxlem dişîne malê.

Yanî, nexweş û nexweşîyên ku profesor, zanyar û doktor nikarin derman bikin, Mela Kelek bi lotikekê wan derman dike û qûşê li nexweşîyan diqetîne.

Xalê me Mela Elî Kelek, hevpeyvînek qerase bi lotikvanên Rûdawê re kiriye, çirandiye, dirandiye û serê hefsêr berdaye.

Ya staaarrrrrr, naûz û bîllah!

Law erê meriv diçirîne, ma ewqasî yabo qurban?

Xalê me Kelek gotiye: “Cin ketiye laşê Serokê Amerîkayê  Donald Trump. Ez karim çend daran lêxim û wî ji wan cinan azad bikim” filan û fîstan.

Melayê me bi şeş telaqên bê fitû sûnd dixwe ku “bi sedan rayedarên payebilind hatine cem wî, xwe avêtine tor û bextê wî û wî jî bi daran li wan xistiye û ew derman kiriye”.

Xalê me Kelek, gotiye û bilandiye, bi dîn û îman sûnd xwariye û gotiye: ” Ez çiqas hawar dikim, lê kes guhdarî nake. Hejmarek zêde cin hatine esmanên Iraqê. Şeytan bi xwe jî hatiye Iraqê. Min ev zanyarî hemû ji cinan bihîstin. Cinan Iraq û Sûriyê dagîr kirine. Heke weha berdewam bike, wê rewş xirabtir bibe” û germ bûye.

Li gor xalê me Elî Kelek dibêje, xwdêgiravî ji seranserê dinyayê çi kominîst, çi jî kesên din serdana wî dikin, têr lêxistin dixwin û sipîsaxlem vedigerin welatê xwe.

Lê xalê me Kelek tiştek pir rast gotiye ku bala min jî kişand.

Çi gotiye?

Gotiye: ” Kesên ku evîna pere, kursî û jinan pê re hebin, nexweş in. Nûnerên Kurdan, ji bo pere welatê xwe danîne alîyekî din. Nikarin bibin dengek, îxanetê dikin. Heke bibin yek, ez bawer im emê bibin dewlet” û lotikek rast û xweş avêtiye.

Aha ev lotika dawîn lotikek rast û di cîh de bû.

Erê xalê me Kelek pir çirand û dirand, lê bi vê lotik û gotina rast av li ser xwe zelal kir allahwekîl.

Îcar ez serê we neêşînim gelî nexweşno, heke hûn dixwazin bê derman û bê serêşandina doktor û derzîyan rehet û derman bibin, nesekinin û berê xwe bidin başûrê Kurdistanê cem xalê xwe Elî Kelek.

Bela xalê me Kelek çend şiv û darên hêzeran li qûna we bixe û xelas…

Dudok

 

Categories
NivîskarŞîndar Berwarî
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Sekn û helwesta serek û rêberan

    Di şerê cîhanê yê duyem de nazîyên Hîtler lawê Stalîn ê leşker hêsîr digirin. Rûs jî generalekî almanan hêsîr digirin. Ji bo pevguhertina hêsîran danûsitendin dest pê dikin. Lê...
  • Serok Papa

    Serok Papa siwar hat û peya çû, lê dixan û hicac li pey xwe hişt û çû. Carinan hesabê malê û sûkê li hevdu dernakeve, mixabin û bêhişî û...
  • Rê û rêwîtî û serpêhatîyên şifêran

    Ev du roj in ez rêwî me; ez derketime rêwîtîya peyvan. Heta ev rêwîtî bi dawî bê, ez ê tenê li ser vê rêwîtîyê û serpêhatîyên şifêrên heval binivîsînim....
  • Sernivîs û binnivîs, Arifo hema binivîs!

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...