Aldarê me got „Konfederasyon“ kuro..

Bavê Cengo Endamê Tevgera Civaka Demokratîk (TEV-DEM) û berpirsek ji yê PYD Aldar Xelîl, ji televizyona NRT re da lotikan û behsa  Başûr û Rojavayê Kurdistanê û konfederasyonê kir....

Bavê Cengo

Endamê Tevgera Civaka Demokratîk (TEV-DEM) û berpirsek ji yê PYD Aldar Xelîl, ji televizyona NRT re da lotikan û behsa  Başûr û Rojavayê Kurdistanê û konfederasyonê kir.

Qeraseyê zilaman û mêrê bi sed mêrî xalê me Aldar Xelîl, berî niha ji pêşmergeyên Kurdistanê re digot „çete“ û bi mîrkutan radibû ser serê PDK û Barzanîyan. Lê xuyaye piştî go mêrê sê jinan xalê me Donald Trûmp çekên giran dane wan, kêfa Aldarê me li cî ye û xweş diaxive, lotikên xweş davêje.

Axir…

Aldarê me simbêl ba dan û ji televizyona NRT re got: „Bi namûsa mêrê berê, Herêma Kurdistanê û Kurdistana Rojava (Bakurê Sûrîyê) karin di bin sîya konfederasyonê de bên cem hev. Guhertina sînorên Iraq û Sûrîyê ji dibe ku di xêra Kurdan de be. Em karin di bin sîwana konfederasyonê de bên cem hev. Guhertina sînoran tiştekî din e. Lê belê heke guhertina van sînoran gengaz û mimkin be, helbet wê ev ji bo Kurdan û ji bo Kurdistanê pêşketinek berhemdar be. Lê çareserîya van sînorên paraztî jî heye, ew jî yekîtîya di bin sîstema konfederalîyê de ye“ filan û bêvan û kiras û xeftan.

Aha wilo xwedê jê razîyo!

Ha wilo behsa tiştên xweş bikin law.

Behsa konfederasyona Kurdan bikin, behsa yekîtîya Kurdistnê bikin, behsa rakirina sînorên Kurdistanê bikin. Ma heta kengî wê dirî û strîyên wan sînoran di qûna me de rabin babam, wey..

Yabo ka hûn werin cem hev bavo, hûn dixwazin di bin konfederasyonê de têncem hev, di bin Kurdistanek serbixwe de tên cem hev, di bin konekî koçeran de tên cem hev, ne xem e.

Werin cem hev werin werin..

Werin cem hev û çayekê, qehweyekê bi hev re vexwin, goştê mirîşk û elokan bi hev re bixwin, çend cîxareyan ji tûtina qaçax bipêçin û bidin hev, ma çi ji dûrketin û neyartîyê derdikeve xalo can…

Qamişlo

 

 

Z.B

Beş
Bavê CengoKadîn

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

Zêdetir

  • Hesab

    Xêrxwaza Dêrikî Dema em ji serboriyan sûde wernegrin têkçûyîn û windakirin ne dereng e, lewra heke em li xwe werneqilin û neponijin ji vebal, bedel û gunehan berpirsiyar em...
  • Li welatê ku aqil ji seriyan koç kiriye

    Li welatê ku aqil ji seriyan koç kiriye, sohbet û şevbuhêrk hemû li ser siyasetê û dîn e. Wê şevê em li malekê mêvan bûn. Ji xêndî me du...
  • Zikê têr hay ji zikê birçî tuneye.!

    Xêrxwaza Dêrikî Ezê qala salên borîn, zilm û zorê, bedel û têkçûyînê nekim, êdî qala peyvên qelew û kilasîk jî nekim. Çimkî ji dîrokê û virde bi hezaran şîret...
  • MAL NÎNE KERXANE YE!

    Cejna Remezanê derbas bû, çavên zarokan li şekir û peran bû. Dest maç kirin şekir û pere berhev kirin. Ev jî rengînîya cejnê ye. Kevneşopîya bav û kalane ku...
%d Bloggern gefällt das: