Bi 6 telaqan sûnd xwar û got: Wê Kurdistan ava bibe

Kurd ber bi dewletbûnê ve hespên xwe dajon û dibezin. Her çiqasî dewletbûna Kurdistanê ji hinek Kurdên xwelîser re heram û paşverûtî be jî, xuyaye wê ev tira wan...

Kurd ber bi dewletbûnê ve hespên xwe dajon û dibezin. Her çiqasî dewletbûna Kurdistanê ji hinek Kurdên xwelîser re heram û paşverûtî be jî, xuyaye wê ev tira wan di qûna wan de bibe fis û bixwazin nexwazin, Kurdistan dibe dewlet. Êdî ne ew Kurdên xwelîser û çeqilmast, ne Nûrî Malikî, ne sofîk û melayên Îranê û ne jî dewşîrmeyên Tirk karin rê li ber dewletbûna Kurdistanê bigrin.

Avabûna dewleta Kurdistanê êdî ji gellek siyasetmedar û rêvebirên cîhana medenî re wek mirêka (eynika) erd û ezmên zelal û eşkere bûye, bûye rastî. Her çiqas rayedarên dewletên dagîrkerên Kurdistanê li qûna xwe zor tînin û naxwazin rastîya avabûna dewleta Kurdistanê qebûl bikin jî, wek dibêjin “Şam dûr e, lê mişar ne dûr e”.

Kevnewezîrê derve yê Tirkiyê û diplomatê ku herî zêde li Rojhilata Navîn lotik avêtine Yaşar Yakiş, di derbarê avabûna dewleta Kurdistanê de ji çapemenîya Tirko re axivî û da lotikan.

Yaşar Yakiş abêmiz yekem wezîrê derve yê desthilata AK Partî bû. Yakiş, destnîşankir ku divê dewleta Tirk dev ji serhişkîyan berde,  têkilîyên xwe bi Kurdan re xweştir bike û divê vê rastiyê bide ber çav ku ew bixwaze nexwaze dewletek Kurd ava bibe.

Yakiş, di dewamîya axavtina xwe de got: „ Kurd karin dewleta xwe jî ava bikin û wek federasyon jî bimînin. Karin tirşikê jî bixwin, savarê jî. Ji kê re çi babam?  Di her halûkarê de ya rast ew e ku Tirkiye rêzê ji vê iradeyê re bigre qardaşim” û pêde çû.

Yaşar Yakiş abêmiz, anî zimên û dîsa got: “Bi şeş telaqên jinberdanê,  civata navnetewî zane ku 35-40 milyon Kurd neteweyek herî mezin e û bê dewlet e. Em bixwazin nexwazin rojekê wê dewletek Kurd bê damezirandin û wê ew pêvajo berdewam bike. Divê em pelûla germ bi serê xwe danekin û vê realiteyê bibînin cîgerim” û keserek kişand.

Werhasilî kelam, êdî siyasetmedarên Tirk jî rastîya dewleta Kurdistanê dibînin û hesabê xwe û Kurdan dikin. Lê çi hikmet be hinek Kurdên xwelîser û çeqilmast çavên xwe ji vê rastîyê re digrin, xwe kerr û lal û kor dikin û li dijî dewletbûna Kurdistanê derdikevin.

Law oxlim, vaye yekî wek Yaşar Yakiş jî pelûla germ bi serê xwe danake û rastîyê qebûl dike.

Ma hema pelûla “Xelkên Xwelîser”  bi serê we de rijiyaye heval!

Mêrdîn

Categories
KadînNivîskarPîrkemal
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Sekn û helwesta serek û rêberan

    Di şerê cîhanê yê duyem de nazîyên Hîtler lawê Stalîn ê leşker hêsîr digirin. Rûs jî generalekî almanan hêsîr digirin. Ji bo pevguhertina hêsîran danûsitendin dest pê dikin. Lê...
  • Serok Papa

    Serok Papa siwar hat û peya çû, lê dixan û hicac li pey xwe hişt û çû. Carinan hesabê malê û sûkê li hevdu dernakeve, mixabin û bêhişî û...
  • Rê û rêwîtî û serpêhatîyên şifêran

    Ev du roj in ez rêwî me; ez derketime rêwîtîya peyvan. Heta ev rêwîtî bi dawî bê, ez ê tenê li ser vê rêwîtîyê û serpêhatîyên şifêrên heval binivîsînim....
  • Sernivîs û binnivîs, Arifo hema binivîs!

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...