Qebûl dike jî ew zane, qebûl nake jî ew zane

Mele go, „Alahuekber! Alahuekber!..“ azan da.

Xalê Birahîm rabû ser xwe çû tuwaletê, li ser kevirê tuwaletê şipiya sekinî, qayîşa pantorê xwe vekir û bû pijepija wî mîst.

Xwarziyê wî Hûço bi baldarî lê dinêrî.

Xalê Birahîm piştî mîza xwe kir derbasî ber mislixa avê bû.

Destmêja xwe girt û çû şujda xwe raxist.

Her du destên xwe bir ber guhên xwe ku bibêje, „Alahuekber“ Hûço go, „Xalo ma te şipiya mîst û tew wek tişt nebûye tu dikî nimêj bikî. Ma Xwedê qebûl dike?“

Xalê Birahîm bi hêrs fitilî ser Hûço, go, „Çi bi serê te ketiye, layê min. A vaye ez ê bikim û qebûl dike jî ew zane, qebûl nake jî ew zane…“

About The Author