Roja şer û êrîşan be, Mihemed li pêş e…

Dibêjin ku rojekê li Şamê di cihekî leşkerî de, pêşwaziyê li serleşkerekî payebilind dikin. Ji bo vê yekê kêfekê çêdikin, kursiyan rêzdikin û haziriya pêşwaziyê dikin. Helbet rêzên pêşî...

Dibêjin ku rojekê li Şamê di cihekî leşkerî de, pêşwaziyê li serleşkerekî payebilind dikin. Ji bo vê yekê kêfekê çêdikin, kursiyan rêzdikin û haziriya pêşwaziyê dikin. Helbet rêzên pêşî ji bo serleşkeran in û leşker jî li dawî rûdinên.

Mihemed, leşkerekî sade û nexwende bû, li gor zanebûna xwe çû di rêza pêşî de rûnişt û ling danî ser ling. Yê berpirsê wê pêşwaziyê hat û jêre got: rabe rabe biçe li dawî rûnê, ev der ne cihê te ye! Mihemed lê nerî û gotê: (yewmil kon wel harb Mihemed la cidam, we yewmil regis wel debçe Mihemed la wera) ango (Roja şer û êrîşan Mihemed li pêş be û roja kêf û semayê Mihemed li paş be! Bi serê te û serokê te ez ji cihê xwe nalivim).

Gelo ev buyer çima hate bîra min? di 2014 an de dema Daişên qûnreş û mejî hov û qirêj êrîşî kurdan kirin û nêzîkî Hewlêr bûbûn, di Mexmûrê de, gerîla li hemberî wan rawestiyan û pozên wan şikandin, Serokê Herêma Kurdistanê çû Mexmûrê li ser cilika gerîla rûnişt û sipasiya wan kir. Ji alîkî din ve, di fisbûk û misbûkan de qêr û hawar bû û digotin ku kurd hemî yek in, pêşmerge û gerîla yek in, bijî yekîtiya kurdan û serî li hev mezin kirin.

Piştî ku pêşmerge û gerîla xaka Başûr ji wan dêleguran paqijkirin û terkên bergîlên Licyan li dê û xwehên wan qelibandin, piştî ku tirsa cîlreşan kêm bû, gelek ji berpirsên Başûrê dest bi gefan kirin û hebûna gerîla di Başûr de ji bo wan bû kelem û daxwaza derketina wan dikirin, ango roja kêf û semayê bera gerîla paşvegere. Di van rojan de, careke din ji hawîrdor êrîş têne ser Başûr û tirsa şer heye, lê vê carê ji alîyê hikûmeta Îraqê û Heşda keran de ye, ew jî ji bo mesela rêferandomê ye.

Ev çend roj in ku bi sedan gerîla li dora Kerkûkê mewzîyên xwe digrin û çeperên xwe asê dikin û soz dane ku eger erebên qûnreş gavekê berbi xaka Başûr ve werin wê kerên wan li kwîrên wan biqelibînin û bi dû Daişan de bişînin dojehê. Piştî van bûyeran, cardî hinek kurdên sade û hinek berpirsên fêlbaz dinivîsînin û dibêjin ku kurd birane, kurd yek in û pêşmerge û gerîla yek in û dilên xwe xweş dikin.

Ê oxlim, ma tenê roja şer û tirsê kurd yek in?

Ez hêvî dikim hûn vî mejiyê xwe biguherin û bera pêşmerge û gerîla di şer û aşitîyê de yek bin, di xweşî û nexweşîyê de yek bin, li hember Tirk, Ereb û Farisan yek bin, ji bo herçar parçeyên Kurdistanê yek bin û hûn sax.

Beş
ArşîvBazê QendîlêKadînNivîskar

Zêdetir

  • Hesab

    Xêrxwaza Dêrikî Dema em ji serboriyan sûde wernegrin têkçûyîn û windakirin ne dereng e, lewra heke em li xwe werneqilin û neponijin ji vebal, bedel û gunehan berpirsiyar em...
  • Li welatê ku aqil ji seriyan koç kiriye

    Li welatê ku aqil ji seriyan koç kiriye, sohbet û şevbuhêrk hemû li ser siyasetê û dîn e. Wê şevê em li malekê mêvan bûn. Ji xêndî me du...
  • Zikê têr hay ji zikê birçî tuneye.!

    Xêrxwaza Dêrikî Ezê qala salên borîn, zilm û zorê, bedel û têkçûyînê nekim, êdî qala peyvên qelew û kilasîk jî nekim. Çimkî ji dîrokê û virde bi hezaran şîret...
  • MAL NÎNE KERXANE YE!

    Cejna Remezanê derbas bû, çavên zarokan li şekir û peran bû. Dest maç kirin şekir û pere berhev kirin. Ev jî rengînîya cejnê ye. Kevneşopîya bav û kalane ku...
%d Bloggern gefällt das: