Arşîv                                                                      info@lotikxane.com                                                                                        lotikxane@hotmail.com          

Xecê Omerî

Rastî tahle

Gabar Çiyan

Êzîdîtî

Adil Dûran

Pepûkên Xwedê

Lokman Polat

Dîroka pêvjoya pirtûkên kurdî

Bavê Ronahî

Milîtano

Lezgîn Şêxo

Ez înzîbat

bûm

Faris Beg

Beşek ji dîrokê-V

Selîm Acar

Ez jî M.

Aydogan im

Bavê Felek

Mahşûqê Kurdistanê

Dilsotî

Du serinc

Bavê Welat

Ker, gur û rovî

                                                            Metelok:  Gotinên êvara dikevin qulê dîwara                                                22/02/2007   

De ma Xwedê!

Cembelîyê Botî-24/02/07-Colemêrg- Dibêjin heyeta DTP serdana partîya KADEPê kiriye û herdu alî bi dîtina hev kêfxweş bûne. Di hevdîtinê de Ahmet Kurd pêwistîya hevkarîya partîyên Kurd anîye zimên û Şerafettîn Elçî jî gotinên wî sediqandiye. Yanî, herdu alî jî dilxwazên hevkarîyê ne û di zanebûna giringîya tifaqê de ne.

   De ma Xwedê û Zerdeştê Kal! Ma bilasebeb gotine “Destê bi tenê deng jê nayê” qurban? Ma ka ji tifaq û hevkarîya Kurdan xweştir? Ma ji vê pêve çare û serketin heye? Na bavo!

   Bi namûs di malekê de jî heger jin û mêr ne bi tifaq bin ew mal xerabeye û hew, wîî!

Cavîdo jî lotikek avêt

Bêrîvan Al-24/02/07-Amed- Wekîlê partîya AKP ê Amedê Cavît Torûn ( ji Çermûkê ye) jî lotikek li xwe xist û di Cemîyeta Rojnamevanên Başûrêrojhilat de got:”Wek hikûmet emê di rojên pêş de bi hikûmeta Kurd a Iraqê re hevdu bibînin. Di dema hikûmeta me de li bakurê Iraqê tevgerek eskerî çênebûye. Partîya me ne alîgirê şer û pevçûnê ye. Tirkiye hertim bi serokên Kurdan re rûniştine, ev eşkere ye.Tu dijminatiyek me li himberî wan tuneye, divê ew jî giringîyê bidin dessasîyetên me.Heger ew nikaribin serî bi terorê re derkevin, wê jibo wan û brayên wan ên li Tirkiyê bibe problem.Heger çalakîyên terorê ranewestin wê Tirkiye dest bi lotikan bike” filan û bêvan.

   De ma Xwedê û Şêx Evdilqadirê Geylanî..Herin bi hikûmeta Kurdistanê re hevdu bibînin, belkî hema Xwedê we bike kêr û artêşa we jî bike penêr….

Zor gîzerê radike

Ehmed Beyan-24/02/07-Enqere-Wek hûn zanin, di mesela başûrê Kurdistanê de dewleta Tirk gellek caran lotik dan xwe, zirt û fort kirin û xwestin çavê Kurdan bitirsînin. Lê piştî helwesta rayedarên Kurdistanê, serdana Amerîkayê û vegera destvala, êdî hêvîşikestî bûn û li ser dûvê xwe rûniştin.

   Sazîya Ewlekarîya Netewî (MGK) di civîna xwe ya vê dawîyê de biryara “berdewamîya dîplomasîyê” da û xuyaye di mijara başûrê Kurdistanê de dixwaze dev ji zirt û fortên hişk berde. Piştî biryara civînê, hinek rayedarên hikûmetê jî anîn zimên ku ewê bi hikûmeta başûrê Kurdistanê re li hev rûnên û bi hevre goştê elokan bixwin.

   Îcar, divê meriv bilind nefire qurban. Mirovên ku bixwazin bilind bifirin her nizim dikevin û tir ji wan tê berdan allahwekîl! Yanî, Tirk ji devê peya bûn û li kerê siwar bûn û hûn sax!

Têr gon xwar û porê xwe bi ser xwe de kur kir

Şemal Amedî-23/02/07-Los Angeles- Erê dinyayêêêê.....Ev pere, deng û şan çi tîne serê meriv û çi nayne, tewwwwww! Allahwekîl meriv ji eyarekî dixe eyarekî din û dawa meriv li serê meriv dipêçe.   

   Werhasil, mijara me Brîtney Spears bû. Erê lo, lotikvana agirpêketî, stranbêja nermik û germik Brîtney Spears li bajarê Los Angelesê razana li navendek ji navendên rehabîlîtasyonê qebûl kir û ewê jibo demekê gon nexwe û lotikan navêje.

   Spears hevqasî di ser xwe re çûbû ku dinya lê mabû ecêbmayî. Xanimê kes nema ku bera ser xwe neda, piştî ji zilaman têr xwar îcar wê û Parîs Hîltona doxînsist hevdu dan ber lotikan.

   Yanî, xanimê hingî bacan û xiyar xwarin dilê wê xeliya, berşoşkî bû û li Los Angelesê porê xwe bi ser xwe de kur kir. Erê lawo, de ka bela perê te tunebana, bê birastî teyê hevqasî zeleta xiyar û bacanan bixwara!

Hooowehhhh kuro! Swêdî mabûn ew jî kirin Tirk!

Cemîlê Çargurçik-23/02/07-Stockholm- Erê lawo, van bêbavên Tirkan talîya talî tilî avêtin Swêdîyan jî û gotin:”Nebe ku Swêdî jî Tirk bin?”

   Mesele çiye? Xwedêgiravî yekî bi navê Abdullah Gurgun pirtûka Prof.Sven Brîng li Pirtûkxana Qralîyetê dîtiye û qaşo Sven Brîng di pirtûka xwe de (1764) gotiye ku “Swêdî ji nîjadê Tirkan û zimanê Swêdî jî ji zimanê Tirkî hatiye” û jehr û ziqûm. Berî çend rojan jî çapemenîya Tirk gundekî Belçîkayê derxistibûn manşetên xwe û gotibûn:”Gundîyên Belçîkî dibêjin em Tirk in û ji dola Asenayê (dêlegura ku Tirk wek dêya xwe dibînin) ne” filan û fîstan.

   Werhasil, de îcar bela kesên ku bi zimanê Swêdî zanin destê xwe deynin ser wîjdanê xwe û bêjin: Madem Tirk dibêjin Swêdî ji Tirkî hatiye, gelo di Swêdî de navên wek “Satilmiş, Dûrmûş, Sîkîlmîş, Tamponcû, Yirtiketek, Arkadelîk, Turk, Ozturk, Asîlturk, Rezîlturk” filan û fîstan hene yan na? Heger di Swêdî de ev nav û gotin hebin, ji xwe Swêdî ji Tirkî hatiye. Na heger tunebin ji xwe Tirk di ser re hatin û hûn sax!

Dr.Mûsa Kaval lotikek bêîman li Tirkan xist

Tacdîn Baran-22/02/07-Almanya- Nûnerê Hevbendîya Demokratîka Kurdên Bakur Dr.Mûsa Kaval biryara ku Dadgeha Sêyemîn a Cezayê Eslî ya Enqerê di derbarê HAK:PARê de dabû şermezar kir û lotikek bêîman li wan xist.

   Di daxuyanîya Dr.Mûsa Kaval de tê gotin ku ev helwesta Dadgeha Tirko di cîhana hemdem de wek lotika kerê ye û rayedarên dadgehê ji serokeşîrên Lûlû û Zûlûyên Afrîkayê jî paşverûtirin, filan û bêvan.

   Wekî din, di daxuyanîyê de tê gotin ku biryara dadgeha Virqo îhanetek mezine jibo 20-25 milyon Kurdên bakur û divê her Kurd bizanibe ku ev biryar li dijî şexsîyet û dîroka wî bêhurmetîyek mezine û wekî din.

   Yanî, bi telaqê Kenan Evrenê Arnavût Dr.Mûsa Kaval tir ji dewleta Tirk berda û hûn sax! Her bijî!

Dîsa bû ya herî seksî

Hesen Almas-21/02/07-Amerîka-Kuro go Xwedê dide nabê tu kur yan keça kêyi brê min! Bi namûs kesê ku şens û siûd pê re tunebe, ew bi devê xwe çûkan jî bigre bêfêdeye.

   Werhasil, em bên ser mijara xwe. Kovara Playboyê lotikvana şekirlêvî Scarlet Johanson wek jina herî seksî, germ û nerm hilbijart. Piştre jî Angelîna Jolîe û Pamela Andersona memikmezin hatin hilbijartin. Birastî jî Johanson wek liba hinarê miz û xweş e. Hem şîrîn e, hem tirş e, hem tehl e û hem tûj û no ye. Lê malxirabê agir bi kezeba meriv dixe haaaa!

   Bi namûsa Tirkên Ewrûpayê heger Johanson bê erê, ezê temamê Sûrî, Îran û Tirkî li ser navê wê tapo bikim û xelas! Bila bi lotikên Scarlet Johanson be û ne bi stuxwarîya ber destê Tirk, Ereb û Eceman be wesselam.

Li kadînê da lotikan!

  Farûqê Devliken-21/02/07-Mêrdîn-  Li gundekî Yozgatê jinikek porkur, xerîtê mêrê xwe di ser kerê di zevt dike…

Wer dibên law, ma hey me ji tilîya xwe bêhn nekirîye; em jî ji hin barûtan dibihîzin. Xêr û guneh di stuyên wan de be.

   Ku porkura jinikê çav wî wêneyê ”Piqasoyî” dikeve, ji jor de tê xwarê; tûjî erdê dibe. Heta ku hişê wê tê serê wê, ne ker dibîne û ne jî kerkut… herdû jî firar dikin.

   Jinik radibe li ser xwe diedile û nahleteke li çavên şeytanê melhûn (leborîna xwe ji Êzdîyan dixwazim) tîne û berê xwe dide qereqolê, li mêrê xwe dide.

  Polîs şopa kerkut digerînin û di demek pir kin de wî zevt dikin. Tiştê ku di kadînê de anîbû serê kerê reben, polîsên wê qereqolê jî tînin serê wî; wek gundorên ser xanîyan yek bi yek di ser wî re derbas dibin; werhasil û kelam brakê me dibe serad...(Dewama nivîsê wêne bitikînin)

Ji xwe tu ji meclîsê kêm mabû!

Dilcan Îzol-20/02/07-Antalya- Piştî ku lehmecûncî Îbo got:”Bi sê telaqan ezê dest bi siyasetê bikim û ji Ruhayê serbixwe têkevim hilbijartinan”, îcar jî lotikvana nêrûmêk Bulent Ersoy got:”Bi serê min û we partîyekê pêşniyaza wekîlbûnê ji min re anîye. Gotine ku, “de were di nav partîya me de lotikan bavêje derûdorê. Ji xwe meclîsa Tirkiyê muhtacî yekî/ya wek te ye. Ji ber ku kesên wek te nêrûmêk di parlamentoyê de tunene karê me nameşe” filan û fîstan.

   Yabo bi serê pîrka min Eyşê xebera wan e! Me jî heta niha digot çima pirsgirêkên Tirkiyê çareser nabin? Weyyyyy!

   Bi namûsa Denîz Baykal, heger çend lib qûnekên wek te têkevin meclîsê, wê ji sedî 50 pirsgirêkên Tirkiyê çareser bibin, wîî! Heta niha we tim ji pêşde lotik tavêtin. Îcar ku bi xêra kesên wek te hûn ji paş de jî lotikan bavêjin, pekkkkk, werin vê xêra mezin!

Em çîzowîzo nizanin!

Cembelîyê Botî-20/02/07-Colemêrg- Hûn zanin, ev Tirk ji rovî konetir û ji çeqelan jî hîlebaztirin. Jibo ku navbera PKK, Amerîka û Kurdên başûr xerabikin serî li her lîztikê dixin. Piştî ku Buyukanit PDK û YNK gunehbar kir ku alîarîya PKK dikin, îcar jî mikurkerekî bi navê Hacî (Îbrahîm Polat) derdixin çapemenîyê û li ser navê wî Amerîkîyan gunehbar dikin ku alîkarîya PKK dikin û herdu alî bi hevre têkildarin.

   Xwedêgiravî Îbrahîm Polat bi salan di nava PKK de xebitiye, piştre poşman bûye hatiye teslîmî dewletê bûye û li têkilîyên navbera PKK û Amerîkîyan mikur tê. Qaşo dibêje:”Her hefte serbazên Amerîkî bi helîkopterê difirin Çiyayê Qendîlê, bi Murat Karayilan re hevdu dibînin û têra wan pere didin wan” filan û bêvan.

   Kuro ewlatlarim, ma wê PKK û Amerîkî bi we bişêwirin ka wê bi hevre têkildarbin yan na hêê? Ma zarokên we ne ûlan? Waweylê! Kuro bi sê telaqan, hûn şîrê şêr di eyarê şêr de jî bînin êdî bêfêdeye loooooo! 

   Em çîzowîzo nizanin, bi telaq hasil di Mûsilê re derketiye, êdî hûn nema karin rê li ber lotikên Kurdan bigrin minminîkno!

Karnevala lotikvanan destpêkir

Antonîo Vega-19/02/07-Rîo De Janeîro- Belê, îsal jî wek hersal karnevala meşhûr a Rîo De Janeîro ya Brezîlyayê destpêkir û dinya bû qîr û qiyamet. Di vê karnevalê de dê weledê xwe avêt. Heçê nedîtibe bila berî mirinekê bê Brezîlyayê û bi çavê serê xwe karnevalê bibîne.

   Bi telaqê bê fitû ev karneval ji kerxanê jî xerabtire! Di vê roja pîroz de jin û mêr hefsarê hev serbest berdidin û dibin wek çêlek û ciwangeyên nav garanê. Hema kê lotikek li kê xist Xwedê dayê.

   Me jî îsal du lotikvanên xwe, Xeto û Remo bera nav karnevalê dabûn da ku ji me re wêneyên xweşik bikşînin. Lê şev nîvê şevê me dît herdu lotikvanên me li kerekê siwar kirine û li ber devê derî avêtin ser sergo. Tu nabê peppûkan bi tequîla û wîskîyê bûne leylan û karneval serûbinê hev kirine. Piştre piştî ku fîşekên wan xelas dibin teslîm dibin û lotikekê dixwin.      

  Werhasil, ji Xeto û Remo pêve kesekî xêr ji  karnevala îsal nedît allahwekîl!

Kirîvo ezê bi Çiyayê Şingalê ketim gelî di gelî da!

Leyla Bamernî-18/02/07-Zaxo- Di vê dem û dewrana ku medenîyet bi pêş ketiye, Kurdên me hîna jî bi kevnemejîyê berî hezarsalî dimeşin, dijminatîya hev dikin û xwe naghînin dereca xelkê. Sed mixabin ku hîna jî nikarin xwe ji bin bandora dîn û mezhebê derxînin û negihane asta ku wek millet xwe nasbikin.

   Her roj bi dehan xeberên dijminatîya malbatî, şexsî û sîyasî dikevin guhê me. Hinek jibo mirîşkekê hevdu dikujin, hinek jiber dîtinên sîyasî, hinek jibo zikreşî û hesûdî û hinek jî jiber meselên dîn û mezhebî.

   Werhasil, niha jî Kurdên me yên misilman û Êzîdî bi hev ketine. Çima? Jiber çi?Jiber evîndarî û hezkirina keç û xortek Kurd!. Keç misilman e û xort jî êzîdî ye. Lê herdu jî Kurd in. Dibêjin li herêma Şêxan keçek Kurda misilman bi polîsekî Kurdê êzîdî re reviyaye û xwe avêtine bext û toraê Mîrê Êzîdîyan Tehsîn Beg. Malbat û eşîra keçikê radibin zilmek nedîtî dikin, mala bavê lêwik dişewitînin, digrin ser Navenda Çandî ya Laleşê û agir pêdixin û derdora mala Mîr Tehsîn Beh dorpêç dikin. Îcar dibêjin hawar û gazî li PDK û YNK daketiye ku herin meselê safî bikin.

    De îcar li me û li Kurdayetîya me binerin jibo Xwedê! Heta bi evîn û hezkirinê jî li me heram kirine. De îcar yabo, em li ku û medenîyeta îro li ku? Em li ku û neteweperwerî li ku? Hema Xwedê aqilekî bide me Kurdan û hûn sax! Ha bêje û ha bêje…Fêde nake bavê min, wîî

Mihyedîn Şêx Elî vegerîya nav zarokên xwe

Bavê Cengo-18/02/07-Qamişlo- Ne hewceye em zêde serê we bêşînin. Wek hûn zanin, heramîyên dewleta Sûriyê lotikek li Sekreterêê Partîya Yekîtîya Demokrata Kurd li Sûriyê (Yekîtî) Mihyedîn Şêx Elî xistibûn û ew kiribûn mêvanê xwe yê heps û zîndanê.

   Hîna kes nizane ka wan bi hevre çend qedeh çayê û qehwe vexwarine, lê îro du rojin tê gotin ku Mihyedîn Şêx Elo qeyd û bendên dewletê qetandine û bi sax û selametî hatiye berdan.

   Werhasil, Xwedê rojek berî rojekê wî bighîne nav zarokên wî rebbî! Êêêê, gepa xweş bi rehetî nayê xwarin brê min! Heta meriv gepa tehl nexwe ya şêrîn jî naxwe...

Nûrî Brîmo bi çi kêmî serokaye?

Narîn Remo: 18/02/07-Hollanda-Waşington. Qamişlo. Hewlêr. Paris. London. Berlîn. Mosko. Bekîn. Efrîn. Amsterdam: nûçegihanên min ên taybet li van paytextan ên ku ez wan xwedî û perwerde dikim, nûçeyên teze ji paytextên biryaran kirîn û li ser baskê ba û çila Meyrê ji min re şandin.

    Nûçegihanan ragihandin ku serokê berê yê Tevgera Rastiya Kurdistanê Nûrî Brîmo dîsa dibe serok. Feqîro piştî partiya xwe yekîtî perçewerçe kir û meh û nîvekê bû serokê Tevgera Rastiya(qaşo) Kurdistanê, bi biryareke bilind û veşartî bi El- Partî re bû yek. Ango feqîro bi tama seroktiyê şa nebû.

   Naka û ji bo ku bibe serokekî timî, nûçegihanên min ên taybet li wan paytextan radighînin ku Nûrî.Brîmo dîsa partiya xwe ya nû perçewerçe dike û dibe serok. Ereb dibêjin; ê ku şerm neke kêfkiriye. Kurd jî dibêjin; kurmê şîrî ta pîrî. Ez jî dibêjim; ne sûncê wî ye, sûncê terî û dûvikên wî ye, dema girafêta wî ba didin.

Zirtînî ji wî jî hat

Ehmed beyan-17/02/07-Enqere- Êdî wilo li serê Tirkan hatiye ku ji devê heryekî ji wan zirt û virtên cuda derdikevin û wek mirîşka gêj li wan hatiye. Rebenan hingî ji her alî ve lotik û pehînan dixwin, êdî ciyekî saxlem di bedena wan de nemaye û ji kera guraxwarî xerabtir hatiye serê wan.

   Werhasil ez serê we neêşînim, dibêjin serekşêwirmendê polîtîka derve yê Werokwezîr Tayyîp Erdogan Ahmet Davûdoglû bi Wezîrê Derve Abdullah Gul re çûye Amerîkayê û kela dilê xwe hênik kiriye.

   Dibêjin li ser pirsa: Gelo bila leşkerên NATO li başûrê Kurdistanê bicîh bibin yan na? Ewî bersivandiye: De herin looo, qûndeno! Çi îş û karê NATO li bakurê Iraqê (Kurdistanê) heye lan? Bela NATO here li Bexdayê lotikên xwe bavêje, ma ji bakurê Iraqê pêve cîh nema?” û xwe li erdê xistiye.

   De îcar li ser bext û namûsa we be; gava şêwirmendê serokwezîrekî hevqasî zircahil be, gelo wê serokwezîr çiqasî biaqil be? Ji berê de dibêjin: Deve mezin e lê rêberê wê ker e! Îcar ku hefsarê Recebo jî di destê yên wek Ahmet Davûdoglû de be mala wî çûye mîratê û xelas!

Ehmeqê ehmeqan jî hene bavoooo!

Reza Xan-17/02/07-Pakîstan- Bawerkin me digot qey tenê ker ehmeq in. Lê xuyaye hinek insan hene ku ji keran jî ehmeqtir in û wek insanên dema eshaban dijîn. Bêguman insan insan e. Lê gava sînorên insanetîyê derbas dikin, êdî dikevin sînorê heywanan.

   Werhasil, li Pakîstanê herêma Dera Îsmaîl Xanê di navbera du malbatan de nexweşî û dijminayî heye. Jibo ku vê dijminayîya navbera xwe rakin, radibin malbatek keça xwe ya çar (4) salî dide malbata din û bi zilamê çil û pênc (45) salî re dizewicînin. Îcar keçika zaro ya 4 salî û tirtireyê zilamê 45 salî!? Ma ev bû insanetî yabo? Ma edaleta dinyayê ev e? Ma ji vê re “ehmeqî” nayê gotin? Çawaaaaaaa...Hem jî ehmeqê ehmeqan û hew! Serokê polîsên herêmê Melik Remezan dibêje:”Ev biryara konseya meclîsa eşîrê ye. Em nikarin tiştekî bikin. Lê emê serî li dezgehên mirovperwerî bidin” filan û fîstan. Lawo hey bêbav, piştî ku keçika reben çirya û pêve, we serî li dezgehan xistiye çiye û nexistiye çiye xiyar!

Lotikvanê 7 salî

Zekîyê Serperitî-16/02/07-Hollanda- Dibêjin Lotikvanê heft salî, kilê çavê keçên heft salî Rolan Mihemed di spora jûdo de jêhatî ye û heta niha gellek zarok dane ber lotik û pehînên xwe.

   Li ser bextê cîranên wî be, dibêjin Rolan li herêma Brûnssûmê ji Rambo meşhûrtir bûye û kes newêre xwe bide ser wî. Rolan bi lotikvanîya xwe heta niha gellek xelat stendine û Xwedê bê erê ewê di demek nêzîk de Hollandayê serûbinê hev bike. Hollanda jî têra wî nake îcar dibêjin ew dixwaze di dinyayê de jî bibe lotikvanê yekemîn.

   Werhasil, em serketina Rolan Mihemed pîroz dikin û çavê wî radimîsin. Hêvî ev e ku Kurdên Ewrûpayê tev zarokên xwe bikin xwedî armanc û amadeyî pêşeroja Kurdistanê bikin, wan bikin kadir û navdarên Kurd. Her bijî Rolan Beg!

Agir bi şerwêl ket, revya Îranê

Diyar Baban-16/02/07-Mahabad- Rayedar û çapemenîya Amerîkî radigihînin ku, ”El Sadrê qûnde ji tirsa ku bê girtin re agir bi şerwalê wî ketiye û revî revî bazdaye Îranê.

   Herçiqasî hevalbendên Sadr vê xeberê derew derdixin jî lê Amerîkî bi telaqê jinberdanê sûnd dixwin ku Mukteda El Sadr xwe di bin kon û kirasê Mahmûd Ehmedînejad de veşartîye.

   Werhasilî kelam, xuyaye ava serê Ehmedînejad û Mukteda El Sadr dikele û Amerîkî ha ha dar û êzingan dixe bin beroşa wan. Dibêjin hindik maye dereca germîya ava serê wan bigihê 180 derecî.

   De ser xêrê be û Xwedê li pişta Conîyên Amerîkî be rebbî....

Şoreşa Mehmedê Reş

   Farûqê Devliken-15/02/07-Mêrdîn-Rojekê Mehmedê Reş, bi qenala hevalik xwe ya jin, xanimek navsere û diya du zarokan nas dike. Xanimê, him jin û him jî rindik û mindik e; canik e û dilê tu kesan jî ji xwe nahêle; qîza camêra ye weyy!

    Werhasilî kelam, eynî rojê Mehemedê Reş û jina canik û xweşik bi destên hev digirin û qederê du-sê saetan li nav dar û berên seyrangeha Maçqayê (Seyrangeha Stenbolê ya bi nav û deng…) lotikan didin xwe!…

   Di hundurê wan herdu-sê saetan de;

               Hev bêhn dikin!…

               Hev dialêsin!...

               Hev dipelînin!...

               Û hev difirkînin!...

(Dewama nivîsê wêne bitikînin)

Kurte hozanek bo evîndarên Kurd

Diyar Kurdiyar-15/02/07-Kurdistan-

Di şevek tarî de, ez digirîyam û ez ji derdê evînê pir diêşiyam.

Çavê heyvê bi min ket û bangî min kir û got: Eger evîndarî rondika ji çavên te bibarîne û te bigirîne! Çima dest ji evîndara xwe bernadî?

Min çavên xwe ji rondikan malîn û bersiva heyvê da û min gotê: Heyvê, ma tu dikarî dest ji ezmanê xwe berdî?

Tacdîn Baran-24/02707-Elmanya-Wek hûn zanin, Robîn Hood qehremanekî dîrokî yê Ingilîzan e. Di wextê xwe de li dijî zalim û dagîrkeran şerbaz bû û hevalê jar û hejaran bû. Îcar dibêjin niha Robîn Hoodekî Kurdan jî çêbûye û hema seeta ku çêbûye gotiye „Esselamunaleykum!“

   Werhasil, Xwedê kurek daye herdu nivîskarên Kurd Hêvîdar Zana û Dilbixwîn Dara. Navê wî kirine Robîn! Me jî Hood lê zêde kir û ew bû Robîn Hood!

   Li ser bextê fesad û ewanan be, hinek dibêjin:“ Robîn Hood 2.840 gram û dirêjîya wî jî 50 cantîm çêbûye“. Hinek dibêjin:“Na kuro na, bi telaq ji bavê xwe girantir û jê dirêjtire, wîî!“ û hinek jî dibêjin:“Bi namûsa Beşar Esed, ew bi rîh û simbêl çêbûye!“ û herkes ji xwe re senaryoya romanekê dinivîsîne.

   Werhasilî kelam, bila Robîn Hoodê me bi dê û bav mezin bibe, emrê wî hezarsalî be rebbî! Êdî mîratxurê Avesta û Lotikxanê çêbû..Bi telaq emê herdu malperan li ser navê wî tapo bikin, xelas!

Ez hatim hatim, ez hatim hatim!

Sebra Dila-24/01/07- Elmanya-Dibêjin kurek ji Dilbixwîn Dara, xwediyê pirograma 40 deqîqe di tişk.tv de û malpera avesta.net re cêbûye, bi giranbûna 40 K.G ..wey maşelaaah ji dana xwedê re.

   Xwedê alîkarê diya wî Hêvîdar be. Xwedê bide yekî nabêje tu kurê kê ye? Ser xêrê be rebbî û xwedê wî bi dê û bav mezin bike. Lê em nizanin ka wê sebra wî bê pêşkêşkirina bernameyên telefizyonê bê yan na. Hema ji niha de bavê wî sûnda mezin xwariye, divê ya kurê wî bibe wezîr yan textor yan jî bibe rojnamevan.

   Dibêjin piştî ji dayik bûnê di bin çavan re li bavê xwe nerîye û di bin simbêlan re bi wî re kenyaye û lotikek daye xwe. Ya staaaar! Xwedê mirov bistrîne ji a ku mirov ha jê tune, dawiya dunyayê hatiye wîîî.

**Ji dil û can em kurê te pîroz dikin kekê Dilbixwîn û hêvîdarin ku ne ê dawîyê be.**

Lotikxaneya herî mezin li Swêdê ye

Ji pênc jinan yek jê lotikan li mêrê xwe dixe

 Gabar Çiyan/Lotikxane- 23/02/07-Stockholm-Rojnemaya herî nasdar li Swêdê Aftonbladet diyar kir: Ji sedî 37 prosent ji jinên Swêdê bi dost û yar in, anku ji dawî ve lotikan li mêrê xwe dixin û bi kesên din re radizên. Li gorî lêkolîna hatiye kirin, ji pênc jinan yek jê fersenda ku dikeve dest xwe bi şêweyek profesyonel bikartîne, û mêrê xwe dike qurbana zewq û eşqa xwe.

   Yek ji wan jinan Helena Ferlander e. Xanim Ferlander dibêje ku, ew gelekî hez ji mêrê xwe dike. Lê yê kevn heyecanekê mezin dide wê.  Û wisan berdewam dike: ``Ma mirov nikare du gulan bi hevûdu re bêhn bike. Yek jê di nava hefteyê, yê din jî di dawiya hefteyê de. Yek jê heyecanê dide, yê din jî barê malê hildigre.`` Destê wê ji herduwan jî nabe. Ferlander di dema semesterê de hevalê xwe yê kevn dîtiye. Qewetek îlahî ew avêtin ser nivînan û li wir hetanî berê sibehê di ber stirana ``sêvê gundê me erzanin werin sêva`` de kumên rengîn ji mêrê xwe re çêkirine. Xanima hêja soz dide ku wê deriyê wê ji evînên nû re vekirî be...

   Lotika duwê ew e ku anketek hatiye çêkirin. Li gorî anketê, ji sedî 35 prosent ji jinan hizir dikin di demek nêzîk de lotikekê li mêrê xwe xin û mêrê xwe berdin. Mêrberdan bûye şêweyê tolhildanê. Psîkologên civakî diyar dikin ku lotikên jinan ne bê sedem in. Lê gelek ji wan dikarin li malê çareser bibin. Ew, ji bedêla çareseriyê, rêyên kin û qut baştir dibînin...

Kerên Mêrdînê jî ketin grevê

Cercûro- 23/02/07-Mêrdîn-Bajarê Mêrdînê ji derencan û kûçeyên teng pêk tê. Ji bo paqijiya bajêr, hêza mirovan têr nake. Pêwîste kerên taybet û canfeda bên bikaranîn. Ji bo paqijiyê û barkirina zibil nêzî 39 kerên belediyê hene. Ew mîna mamûrên belediyê serê sibê derdikevin kar. Di gel karkerên bajêr ên paqijiyê, tax bi tax digerin. Zibilên li ser pişta xwe dibin cihê komkirinê. Nîvroyan bêhna xwe vedidin û êmê xwe dixwin. Ev karê wan yê giran hetanî ber êvarkî didome.

   Karkerên paqijiyê pir diwestin. Li hemberî karê wan ê giran mehaneyên xwe pir kêm in. Belediya Mêrdînê meaşê wan di wextê xwe de belav nake. Serokê belediyê dibêje ku: Exuyî, jina min ji min berdayî be, Allah bide min ezê jî bidime we. Perê we ye. Dikeve ser hevûdu. Rojek bê ezê li ser hevûdu bidime we.

   Li gorî ku tê gotin Belediya Mêrdînê karkerên xwe û kerên belediyê fêrî şixûlê giran û gelek, û xwarin û meaşê hindik dike. Lê kerên bajêr bi karkeran re li dijî vê zilma şowenîstî ketine grevê.  Li gorî kovara Noktayê, belediye 21 mîlyon lîre deyndarê wan e. Hetanî pere bi şêweyekî ``yalla yalla`` neyê dan, wê grev berdewam bike. Ji ber ku ji bilî nanê hişk û avê pêve çi tiştek xwarinê nemaye, kerên Mêrdînê ketine grêva birçîbûnê. Û dibêjin, “Bimre zilma faşîstî ya petêxên Mêrdînê. Bijî nanê tisî!”

Li gorî tê gotin çi pere ji bajariyên Mêrdînê dernakeve. Karkeran jî biryar daye ku zibil nedine hevûdu. Ev çend rojin bêhn bi bajêr ketiye. Xetera herî mezin ew e ku xatûnên bajariyê Mêrdînê nikarin di nava genîtiyek wisan de bijîn. Ewê di demek nêz de piştgiriya kerên welatperwer bikin û ambargo deynin ser mêrê xwe. Ambargoya jinan di serî de wê bi çênekirina xwarina ``belohî``, ``iroq`` û ``kibê`` dest pê bike. Paşê jî ji bo karê êvarî wê xwe giran bikin...

Kampaniyayên pêşxistina kurdî !?

Hejarê Amedî-22/02/07-Amed-Ez dikim û nakim nema dikarim tiştekî ji hev derxînim. Li Amedê tiştin bi serê ecêba çêdibin, yek ji wan ev e ku Yekîtîya Nivîskarên Kurd li Amedê di kongireya xwe ya dawî de hin guhertin û biryarên nû girtin . Ez serê we bi wan guhertinan û derxistina navê penê naêşînm lê tiştê herî bi serê êcêba ew bû ku nivîskarek kurdînezan ku berhemên xwe bi tirkî dinvîse kete rêvebiriya Komeleya Nivîskarên Kurd. Yanî ev xanima bû rêvebera derdora 80 nivîskarên endamê vê komeleyê. Nizanim bêjim pîroz be û nizanim bêjim xwelî li serê wan kesan be ku yeke kurdînezan kirin seroka xwe ….ya baş ez vê lotikê ji xwendevanan re dihêlim, kî çi dibêje bila ew bêje….

    Mijara din jî komeke ku navê komputergerên kurd li xwe dikin li Amedê piştî xebata bi salan dikaribûn pergala xebitandinê ya Linux ubuntu yanî( kurtçe işletim sistemî ) wergerînin kurdî ku êdî kurd bikaribin bi kurdî komputerên xwe bikarbînin û lotikan li gor dilê xwe bavêjin. Min bihîst ku niha ew kom ji ber kesek destekê nade wan mane koma sêwiyên berdîwara.Ê kardaşim, ka kampaniyên zimanê kurdî ? Ka we digot bila her tişt bi kurdî be? Ka saziyên perwerdeyê ziman? Ka şaredariyên kurdan?  Mixabin ku her tiştê kurdan hê jî beravêtî ne …

Heqaretê li heywanê Xwedê jî dikin, ya starrrrrr!

Hecî Beşîrê Sêrtî-21/02/07-Sêrt- Elhemdulîllah ez jî misilman im û îbadeta xwe dikim. Lê ev Tirk û diyaneta wan tiştên wisa ecêb dibêjin û dikin ku meriv ji eyarê xwe derkeve allahwekîl. Em tev zanin ku beraz heywanekî Xwedê ye, Xwedêteala qismetê wî jî daye dinyayê. Herçiqasî di dînê îslamê de xwarina wî heram be jî, lê dîsa jî meriv nikare haşa têkildarê karê Xwedê bibe.

   Îcar niha jî rayedarên Diyaneta Tirkiyê bêbextî û heqaretek wisa mezin li rebenê berêz dikin ku dilê meriv pê dişewite. Serokatîya diyanetê di daxuyanîya xwe de dibêjin çi hûn zanin? Dibêjin:”Xwarina goştê berêz bandorek (tesîrek) neyînî li ser hormonên zayendî (cinsî) dike.Kesên ku goştê berêz dixwin karin ji mêranî bikevin û nema li wan rabe” filan û bêvan.

   Ya starrrrrr! Lawo ma heta kengî hûnê xelkê bi derewên xwe bixapînin hey kafir kurê kafiran? Me herambûna goştê berêz fêhm kir, lê kîjan ayet dibêje “eman eman, goştê berêz nexwin hûnê ji mêranî bikevin” hêê? Hey Xwedê topek li we xistino!

Wile yabo wê bişibe Atatirk, heheyyyyyyy!

Zinar Qelemşûr-21/02/07-Stenbol- Kuro bi namûs xelk aqilê xwe xwariye bavo, wîî! Lawo niha yekî cahil, yekî nezan tiştekî bike meriv lê nagre û dibêje.“De dev jê berdin, nezan  û xeşîm e“.Lê gava yekî jixwerazî û xwedêgiravî şareza derkeve û lotikên ecêb bavêje, meriv matmayî dimîne wesselam. Lê xuyaye carna mirovên şareza jî rêya xwe winda dikin û xezeb ji wan dibare.

   Werhasil, dibêjin lotikvana navdar Gulben Ergen û Mistefa Erdoganê Colemêrgî rabûne bi dizî çûne Enqerê û li nêzîkî Anitkabîra tirba Atatirk rovîka heram a kurê xw veşartine da ku kurê wan bişibe Atatirk. Dibêjin herdu lotikvanan jî ev ecêbakesanedî sediqandine û gotine:“Raste me rovîka kurê xwe li kêleka Anitkabîrê veşartiye. Em dixwazin kurê me wek Atatirk biaqil be“ filan û fîstan.

   Kuro bi namûs heger hûn kurê xwe li bendî şibandina Atatirk bihêlin we kir tirrrrrrr û hew! Ê lawo, çavên Atatirk hewl (şaş) in, Atatirk li Selanîkê, li ciyekî pîroz çêbûye, Atatirk bi sedan heval û hogirên xwe dane kujtin, Atatirk mala Kurdan viritand û serî li wan gerand, îcar bila kurê we bişibe çiyî Atatirk hêê? Kuro Colemêrgîyo, ma ev jî ji te lawo?

Lotikxane bû 1 salî

Sofî Xelef-20/02/07-Lotikxane- Belê, par vî çaxî me ji we re gotibû “selamunaleykum” û me dest bi weşana xwe kiribû. Sal çi zû derbas bû kuro, weyyyy! Lotikxana me sala xwe dagirt û bi firê ket. Di nava salekê de bi xêr û gunehên xwe ve me gavek berûpêş avêt û em bawerin me di xizmeta Kurd û Kurdistanê de texsîr nekir. Lotikxane pêwistiyek bû. Ji valahiyekê derket holê. Gava em çend dost û hogir hatin cem hev û me bi henekî giringîya malperek bi vî awayî anî zimên, ji me re wek “xweşgotinekê” hat.

   Dibêjin:”Gotinên êvara dikevin qulê dîwara” û tên jibîrkirin. Me jî digot qey ew xweşgotina me wê têkeve qula dîwêr û serê sibê emê jibîr bikin. Lê na!  Malperek bi vî awayî pêwist û girîng bû. Werhasil, piştî çend rojan gava me biryara xwe da û hevalan pirsî:”Êêêêê, emê nav bikin çi?”  Braderekî ji aliyê din got: “LOTIKXANE!” Piranîya hevalan keniyan. Îcar Lotikxane haaa!? Werhasilî kelam, navê me ma Lotikxane.. (dewama nivîsê wêne bitikînin)

 Yek ji me û yek ji wan

Cemîl Cewher-20/02/07-Hewlêr- Belê, dewleta sererd û binerda Tirko jibo hebûna Kurdistana azad qebûl nekin serî li her şêweyî dixin û didin zîtirkan. Berê Serokwezîr Recebo û Wezîrê Derve Evdo gotin:”Em karin bi Kurdan re li ser masekê rûnên û çay û qehwê vexwin”. Lê piştî ku serekerkanê sermezin Yaşar Buyukanit lotikek li wan xist û got:”Zimanê xwe dirêj nekin lan! Kîjan mêr dibêjin emê bi Kurdekan re qehwê vexwin haa? Bi telaq ezê we bixesînim, okey!” îcar Recebo û Evdo li gotinên xwe poşman bûn û polîpoşman li ser dûvê xwe rûniştin.

   Werhasil, Serekerkan Yaşar Buyukanit gotibû:”PDK û YNK alîkarîya PKK dikin, çek û cebilxane dide wan. Nahêlin em di ber jinên xwe de bi rehetî razên” filan û bêvan. Yanî, jibo ku bi Kurdan re rûnenên û silavekê li wan nekin, her derewê dikin.

   Îcar rayedarên PDk û YNK jî bi lezûbez lotikek li Buyukanit xistin û di daxuyanîya xwe de gotin:”De herrrreeeeeeeeeeeee sermezino! Me kîjan rojê çek û cebilxane daye PKK kurê min? Em bidin nedin ma serê te pê dêşe, ma emê ji te destûrê bixwazin kundir?” û gotinên Buyukanit derew derxistin.

   Werhasilî kelam, lotikek ji Kurdo û yek ji Tirko. Îcar wê lotika kê ji me kê serxweş bike em nizanin....

De biçirîne baboo!

Ehmed Beyan-19/02/07-Enqere- Dibêjin “gava agir bi çiyê dikeve ter û hişt pevre dişewitin”. Îcar xuyaye ev jî mesela me û Tirkan e. Pêşketinên başûrê Kurdistanê, pirsgirêka bakurê Kurdistanê, guhertina nexşeya Rojhilata Navîn tiştekî wilo anîye serê Tirkan ku êdî xew li wan herimîye û virikî bûne.

    Heçê radibe lotikekê davêje derûdora xwe û êrîşî başûr dike. Wek dibêjin:”Nikarin bi kerê dibezin kurtên”. Rebena nikarin bi Amerîkayê îcar başûrê Kurdistanê ji xwe re kirine qûç û nîşan. Werhasil, niha jî korgeneralê teqawitbûyî Hasan Kundakçi dest bi zîtirkan kir û verşîya. Kundakçi dibêje:”Bes ku em bixwazin, ciyê ku Tirk nikaribin têkevinê tuneye.Em jî bi kêmanî wek Kurdan wê herêmê nasdikin. Emê têkevin her qul û şikeftê. Ciyê ku em nikaribin lotikan têde bavêjin tuneye, Amerîka hebe çiye û tunebe çiye” filan û fîstan.

   Ê lawo me kesî destê te girtiye kurê min? De ka têkevin wan qul û kewarên Kurdistanê emê bibînin bê bi rastî hûn derpî dadigrin yan na! De biçirîneeeeeeeeeeeeeeeeeee....

Yek bû kêr yek bû penêr

Zinar Qelemşûr-18/02/07-Stenbol- Wek hûn zanin, berî demakê Wezîrê Derve yê Tirkiyê Abdullah Gul efendî çûbû Amerîkayê û destvala bi ser jin û zarokên xwe de vegerîya bû. Piştî wî îcar Serekerkan Yaşar Buyukanit gotibû;“Hûn hilînin ji ber min, go ne ez bim kes nikare çewal têxe serê Amerîkîyan“ û berê xwe dabû Waşîngtonê.

   Xuyaye ew reben jî destvala ji Amerîkayê vegerîya nav Mehmetçîkên xwe û zirt û fortên wî pûç û vala derketin. Îcar dixuye ku di mesela hevdîtina bi Kurdekanên başûr re di navbera esker û sivîlên Tirk de pirsgirêkek mezin derketiye holê. Sivîl û rayedarên hikûmetê dibêjin:“Bi sê telaqan em û Kurdên başûr karin hevdu bibînin û çayekê bi hevre vexwin“. Lê Serekerkan û general jî dibêjin:“De herin avekê li qûna xwe kin lan! Bi Anitkabîra ku em nadin bi malê dinyayê em bi Kurdekan re rûneniştin“ filan û fîstan. Ji xwe Buyukanit meselê tîne ser sîyasîbûna PKK û weke ku nuh ji xew şiyar bûbe, ji pêşeroja sîyasîbûna tevgera Kurd ditirse.

   Werhasil, dibêjin ne şev li wan şev e û ne roj li wan roj. Bi roj xeyalên sîyasîbûna tevgera bakurê Kurdistanê û bi şev jî xewnên serxwebûna başûrê Kurdistanê dibînin. Yanî, qiraseyê tevgera azadîxwazîya Kurdistanê li ser kezeba wan sekinîye û hûn sax!

Qûnbigûyê heram!

Ednan Stêr-18/02/07-Batman- Fûtbolcîyê Tirk Emre Belezoglû li Ingilîztanê çi kiriye hûn zanin? Hê doza wî ya nîkadperestîyê ne qedîya bû, nîjadperestîyeke wî ya din derket holê. Di maça Newcastle-Boltonê de fûtbolcîyê reşik El Hadî Dîouf çûye 2 gol xistine taximê Belezoglû, tir ji Belezoglû berdaye û zora qûna wî biriye.

   Li ser vê tirjêberdanê Emre Belezoglû bi qama xwe ya hacûcî çûye ji fûtbolcîyê reşik El Hacî Dîouf re gotiye:“Meymûn!“. Li ser vê lotika nîjadperestîyê Hacî Dîouf zehf qehiriye, wî bi zorê zeft kirine û gotiye:“Min berdin, min berdin., bi telaq ezê pehînekê li qûna vî kurê qehpikê xim û wî bişînim kerxana ku jê hatiye!“ Li ser vê bûyerê Federasyona Ingilîztanê doz vekirîye û gotiye:“Wele Berazoglû te rêya xwe wnda kiriye, evder ne cihê hacûcên xwînheramên mîna te ye. Ku tu neçî piyê (lingê) Hacî neramîsî emê te paşûpê biçînin ciyê ku tu jê derketiye. Te famkir lan?“ û lotikek bêîman li Berazoglû xistine.

   Werhasilî kelam, nîjadperestîya Tirkan sînoran nasnake. Tev ji hev xerabtirin anasini sîr bikutim!

Naûzûbilleh! Jinên wan bexdûnis, sîr û pîvazê dixin xwe!

Dr.Mihyedîn-17/02/07-Hûn zanin gelî xwendevanan, wilo li zimandirêjî, paparazzî û televoleyên çapemenîya Tirkan nenerin. Bi telaqê jinberdanê ji Tirkan zircahiltir milletekî din nehatine dinyayê. Lê çi heyf û mixabine ku em Kurd jî bûne hêsîr û koleyên vî milletê zircahil!

   Werhasil, dibêjin Tirkan di warê TIB (Tenduristî) ê de şoreşek mezin kirine. Şoreş çiye hûn zanin? Ji sedî 64.7ê jinên wan narin ser textoran û xwe bi geya û nebatan derman dikin. Çawa xwe derman dikin hûn zanin? Bexdûnis, sîr, pîvaz, gezgezok û gîzeran dixin arkuna (vagîna) xwe.

   Li gora lêkolîna ku Dibistana Bilind a Zanîngeha Egeyê Beşê Hemşîretîyê li ser 143 jinan kiriye, derketiye holê ku ji sedî 26.1 wan bi gezgezokê, û ji sedî 17.4 wan jî xwe bi nane,leymûn û geyakê sêvan derman dikin. Lê tiştê ecêb çiye hûn zanin? Prof.Dr.Ahsen Şîrîn dibêje: Ji sedî 75ên nexweşên min ên jin dibêjin, “em bawerîya xwe bi textoran naynin. Gava em nexweş dikevin em bexdûnis, sîr, pîvaz û gîzeran dixin arkuna xwe. Hetta car caran em xiyaran jî dixin xwe” filan û bêvan.

    Naûzûbilleh! Ya rebbî tu bexdûnis, sîr, pîvaz, gîzer û xiyaran ji tenûra jinên wan kêm neki rebbî...Amînnnnn!

Yûnanîyan lotikek paşûpê li Misto xistin

Bawer Bejinsêmetro- 17/01/07-Atîna- Endamekî meclîsa bajarê Selanîka Yûnanîstanê xwest ku meclîsa bajêr bavê Tirk û Virqan Atatirk payedar bike û wî wek zarokê bajarê Selanîkê qebûl bike.

   Endamê meclîsê Mîhalîs Tremopûlos di civîna meclîsê de got:”Divê Selanîkê Atatirk payedar bikira jiber ku Atatirk jî zarokê vî bajarî ye” filan û fîstan. Lê meclîsa bajarê Selanîkê bi pirdengî biryar da ku Mistoyê kor di kerxana bajêr de hatiye dinyayê û jiber vê jî nabe ew bê payedarkirin.

   Werhasilî kelam, Yûnanîyan lotikek paşûpê li Mistoyê kor xistin û esl û peslê wî anîn bîra Tirkekan...Xwedê xêra wan qebûl bike rebbî.....

 Ednan Stêr-16/02/07-Batman-Her roj qanalek alewîyan derdikeve,tu dibê qey moz li pey wan e, baz didin baz didin em nagihijin lezûbeza wan.  Sû TV, Düzgün TV, Cem TV, Yol TV... Ev hindik bûn yeke din li wan zêde bû: DEM TV. Ev qenal xwe bi „sosyal demokratiyê“ kuştine, pirsgrêka Kurd di teorîkê de tînin zimên lê di pratîkê de, yanî di weşanên xwe de kêm dimînin.

   Dewleta Tirk bi antenên Roj TV lîztiye, xistiye xwe û asteng kiriye. Li Batmanê Roj TV nakşîne. Televizyonên Başûr jî bi zimanê Soranî weşana xwe dikin, tu dibê qey me Kurmancan mala wan xirakiriye. Em gelê bakur mane bi hesreta televizyonek bi zimanê Kurmancî û bi qenalên alewîyan îdare dikin. Ev jî na be,bi çend stranan be, çend stran zikê me têr nakin. Ez li televizyonan digeriyam, hatim ser DEM TV. Min meyizand,aha ew çi ye? Şivan Perwer strana Helepçe dibêje,nava dilê me dihelîne.

   Her tişt baş bû lê Şivan wextê dibê „Heyfa Kurdistan ku îro

dişewitînin,agir li serê me Kurdan dibarînin“,  dengekî ji kerê Bismilê

xeraptir dixin ser û cihê ku navê Kurdistan derbas dibe asteng dikin. Wey di mêjiyê we de Hebîbo û Yilmazê dîn mîz ke rebbî!. Ma înkarkirina welatê me bûye mode? Hûn çima qebûl nakin berazno!? Kurdistan rastiyek dîrokî û coxrafi ye.

   Gerek Şivan Perwer ji sedema pêlîztina dengê wî wan bide mehkemê allahwekîl! Yaw em 40 milyon Kurd in, ma em televizyonek Kurmancî jî heq nakin bavê min? Heyla min di edaleta dinyayê de...!

Hûnê kê perwerde bikin û kê nekin?

Şîndar Berwarî-16/02/07-Dihok-Dibêjin Şandeya Enstîtuya Komarî ya Navnetewîya Amerîkayê (IRI) serdana serokê Kurdistanê kiriye û hinekî behsa xebatên xwe kirine.

   Xwedêgiravî serokê şandeyê mîster Loran Craner gotiye:”Kaka, em amadene alîkarîya hikûmeta Kurdistanê bikin, rêxistinên sîyasî, karmendên sazîyên dewletê perwerde bikin da ku hînî lotikavêtinê bibin” filan û bêvan.

   Heyran mîster Craner, Kurd hemi hewceyî perwerdeyê ne qurban. Ma hûnê kê perwerde bikin û kê nekin? Ez dibêjim a herî baş û bixêr, rayedarên başûrê Kurdistanê di warê “xwedîlêderketina Kurmancî” de perwerde bikin te go çi? Li başûr 2 milyon û 200 hezar Kurmanc ji mafê perwerdeya Kurmancî bêpar in. Ma ji vê mezintir xêr hene kaka? Na!

Herdu jî xwînheram derketin!

Sosin Bermal-15/02/07-Awûstûrya-Li ser bext û namûsa fesad û ewanan be.Dibêjin serokê El-Kaîdeyê Ûsama Bîn Ladîn di avdestxanê de ji hevalekî xwe re gotiye:"Tu zani, pîrika min Tirk bû" û lotikek li xwe xistiye.

   Êêêê! Başe kalikê te kî bû kurê min? Ne Kurd be? Hema bi namûsa Tirkên doşirme, ji sedî sed kalikê te Kurd bû lo, wîî! Te go çima? Ma ne çima qurban! Ma di dema Osmanî de ji Kurdan pêve kî diçû wan çol û xerabeyên Erebîstanê û xwe di ber îslamê de feda dikir? Kuro bi telaqê Kurdên Ewrûpayê heger pîrika te Tirk be, kalikê te jî Kurd e û tu ji lotikên Kurdan xuliqîyî û hew! Zêde virde wêde nebe...

   Ji alîyê din, dibêjin di xwîn û gena lotikvana nîjadperesta Awûstûrî Paûlîne Hanson de jî vîrûsek Tirkan derketiye û Hansonê nîjadperestîya xwe ji wê virûsê girtiye.Li ser bextê fesadên Awûstûrî be, dibêjin piştî Hansonê ev xebera nexêrê bihîstiye, xwestiye jehra mişkan vexwe û xwe bavêje nav lep û neperûşkên pisîkekê. Ji alîyê din tê gotin ku jiber ku di xwîna Ûsama Bîn Ladîn û Paûlîne Hanson de vîrûsa Tirkan derketiye, îhtîmal heye ku herdu bihevre bizewicin û hevdu bidin ber lotik û pehînan. Werhasil, Xwedê ji herduwan stendiye û hûn sax!

Îro roja lotikvana ye

Gulnaza Torî-14/02/07-Fransa- Dibêjin xwedêgiravî îro roja hezkirî û evîndara ye. Heçê ku ji hezkirîyê xwe hez bike wê gulekê yan diyarîyekê jê re bikire û xwe li ber dilê hev şêrîn bikin.

   Bi serê we, min jî îro ji dergistiyê xwe re baqek kerbeş, gezgezk û strî kirî û min da wî. Gava wî lê nerî, bi dilek şikestî got:”Keçê porkurê, ev  kerbeş e? Ma ez ker im?” Min jî bi dilovanî gotê:”Kuro peppûko, xelkê gul nehiştibûn, min jî kerbeş û gezgezk ji te re kirî, wîî!”

   Werhasil, niha navbera me jiber mesela kerbeşê xerabûye û em bi hevre naxivin. Îcar heyran, heger hûn jî naxwazin wek me li ber çavên hev bibin wek marê reş, herin gulek sor ji evîndar yan evîndara xwe re bikirin berî ku gul nemînin...

Min jî bizewicîne Mamo!

      Farûqê Devliken-13/02/07-Mêrdîn-Na mamê min, na; te vê neqlê zir ecêba darê ji binî de birî û xwe jî di bin de hişt.

      Me gişa bi serê te sûnd dixwar; te jî çû bi qûna George Bûsh efendî girt û jinek Emerîqanî ji lawê xwe re xwest.

     Hey malneket, lê ku jin sîxwir be? (Dewama nivîsê wêne bitikînin)

Lehmecûncî Îbo dest bi lotikên siyasî dike

Rojda Aydin-13/02/07-Stenbol- Hunermendê Ruhayî, dengxweşê îsotçî, bazirganê lehmecûnan Îbrahîn Tatli lotikek avêt û got:”Dilê min ji hunermendîyê xeliyaye. Ji xwe piştî vî temenî ez hunermend bim çiye û ne hunermend bim çiye, hêçç! Ez di çavê xelkê de bûme wek golkê nav garanê. Nebixêr piştî min dest bi bazirganîya lehmecûn, dew û mast kir, êdî xelk henekê xwe bi min dikin û dibêjin “kuro lehmecûncî!” Îcar jibo ez vê îmaja xwe biguherim û dîsa bêm ser sêhra erê, divê ez jî wek siyasetmedarên Tirkiyê xwe bavêjim meydana siyaseta derewîn” filan û bêvan.

   Belê, lehmecûncî Îbo bernama xwe jî amade kiriye û dibêje:”Ezê ji Ruhayê wek wekîlê serbixwe têkevim hilbijartinê Îsotçîyên Ruhayî ji min pir hez dikin, ez ji wan re bêjim bimrin wê bimrin. Gava ez bûm wekîl û ketim Lotikxana meclîsê, ezê hewl bidim ku rê li ber anîna zarokên zêde bigrim. Ji xwe hingî zarok li Tirkiyê zêde bûne, bêkar û perîşanin, îcar kaset û CDyên min didizin, kopî dikin û nahêlin ez têr ecîn, lehmecûn û îsotan bixwim. Herî zêde sê zarok bes in!”

   Werhasil, xwezî bi wê rojê ku em ji “Şow” û mowên te, ji zîtirk û tir û fisên te yên Tirkîtîyê xelas bin û hew! Yaaaa! Hûn dibînin bê lehmecûncî Îbo çawa siyaseta dewletê dimeşîne ne? Zarokên zêde kuro? Ew ji Kurdan re dibêje ha. Ji Kurdan re dibêje:”Hûn zêde zarokan tînin, gava ez bûm wekîl ezê zilaman bixesînim û malzarokên jinên Kurd jî jêkim”. Yaaa! Heyla topa qiyametê li nav şeqê te keto rebbî!

Ednan Stêr-12/02/07-Kurdistan-Hûn zanin, bi navê „Newala Kûçikan-Terör“.. dizîya faşîstên Tirk dîsa destpêkir. Ev kûçik sixêfa li Kurdan dikin, Kurdên me jî bêfedî wan temaşe dikin. Hinek Kurdên me jî qaşo wan şikayetî RTUKê dikin.. Yaw babo, ma RTUK çiye û kî ye? Ma ji xwe RTUK  ne sazîya dewleta virqo ye? Wîî!

   Werhasil, xuyaye kûçikên Tirk dîsa wek demên berê bûye ewte ewta wan û direyên. Hûn zanin, di biçûkanîya xwe de kûçikekî min hebu şaredarîyê çû ew bi derzîya harbûnê  kuşt. Ez dibêjim heqê van kûçikên Tirk jî kuştin e. Gerek ev kûçik nekevin televizyonên Kurdistanê û Kurd temaşeyî wan nekin. Ê ku şeref û namûs pêre hebe li wan temaşe nake û rûn li nanê wan naxê.

   Tiştên ku ji alî dewleta Tirko ve hatine çêkirin dixin sûcê gerîlla û pê Kurdan sûcdar û gunehbar dikin. Heger birastî şêrgeleyên „Newala Guran“ xwedî cesaret bin, bila çûbana ev flîm li Kurdistanê çêkirana. De werin haaaa! De werin Kurdistanê vî flîmî bikşînin ey şêrgeleyên „Newala Qehpikan!“ De werin em qûna reş û spî li meydana şer bibînin ey pêxwasên kolanên Stenbolê! Herkes kare „Newala Qehpikan“ li bajarekî mîna Stenbolê bikşîne kurê min!

   Hûn zanin tiştê herî xerab çi ye gelî xwendevanan? Tiştê xerab ev e ku piranîya lîztikvanên „Newala Kûçikan“ bi eslê xwe Kurdên asîmîlebûyî ne. Yanî, kurmê darê ne. Werhasil, xwezî bi wê rojê ku Kurd jî xwe nasbikin û flîmên bi navê „Newala Şêran“ bikşînin û hûn sax!

Anderson Mam Celal da ber Lotikan

Mihemed Soran-12/02707-Silêmanî-Dibêjin rojnamevanê The Guardian Jon Lee Anderson li Bexdayê hevpeyvînek li gel Mam Celal kiriye û dibêje "naskirina wî gelek zehmete, hem hevalê Amerîka, hem hevalê Îranê ye... Ew xwe wek Maoyî dide naskirin, xwedî mal û milkekî mezin e û pirsiye gelo Talabanî kiye?”
Anderson nivîsandiye ku Celal Talabaniyê 73 salî siyasetmedarekî hez ji xwarinên xweş (bi taybet goştê elokan) û puroyên giranbuha dike. Her wiha Anderson dibêje Mam Celal xwedî şexsiyetek guhêrbar e.

   Nivîskar dibêje:”Yabo ma Mam Celal kes nehiştiye ku maç nekiriye wey. Wê rojekê rûyê Coondeleezza Rice maçî bike,roja din rûyê Ehmedînejad maçî bike. Hema bi namûs kî têkeve ber wî heta maçî neke dev ji wan bernade” filan û bêvan.

   Dibêjin siyasetmedarê şiî Muvaffak El Rubayî jî gotiye:” Kes nikare bi Mam Celal bavoooooooo! Mêrik hem Marksîst e, hem misilman e, hem zimanzan e, hem xwarinzan e, wek bilbil ayetên Quranê dixwîne, hetta bi zimanê Elokan jî zane.. Ma kî kare pê?” filan û fîstan. Werhasil, berdewama nivîsê di malpera www.dengebotan.com de bixwînin û hûn sax....

Ji dêrê jî bûn û ji mizgeftê jî

Ednan Stêr-11/02/07-Colemêrg- Wek hûn zanin, şaredarîya Geverê jibo asîîlekirina jinên Kurd dest bi qursên xwendin û nivîsandina zimanê Tirkî kiribû û projeya wan ji alî Yekîtîya Ewrûpayê ve hatibû qebûlkirin. Yekîtîya Ewrûpayê jibo serketina vê projeyê (projeya asmîlekirina jinên Kurd) 63 hezar euro alîkarî da xwedîyên projeyê. Li gora vê projeyê, xwedêgiravî wê 120 keç û jinên Kurd ên di navbera 18-80 salî beşdarî projeyê bibûna û lotikên Tirkîwarî bavêtina.

´  Werhasil, li gora gotin û fesadîyên ser tenûrên Geverê, dibêjin jinên navsere yên ku beşdarî vê qursê bûne, wek mirîşkên gêj li serê wan hatiye. Hem Kurdîya xwe jibîr dikin û hem jî hînî şildim bildima Tirkî nabin. Yanî; rebenên jinên Kurd ku bi sedê salane zimanê Kurmancî paraztine û hetanî bi îro anîne, ji alî zarokên xwe ve tên asîmîlekirin û siyasetmedarên ku qaşo li ser navê Kurdan lotikan davêjin, dibin şirîkê asîmîlekirin û tunekirina zimanê Kurmancî.

   Ê başe lawo, heger birastî hûn dixwazin jinên Kurd hînî xwendin û nivîsandinê bikin, çima hûn qursên zimanê Kurmancî jibo jinên Kurd venakin baba? Yan zimanê dijmin ji we re siviktir û xweştir tê? De herin loooooooo...Bi telaq hûnê xêrê ji xwe nebînin û hew!   

Rekor ev e!

Şîndar Berwarî-14/02/07-Dihok- Ji xelkê we ye ku Kurd ji rekor mekoran fêmnakin. Lê bi serê we Kejal Ehmed xanim rekora dinyayê çikand û hewceye ew têkeve pirtûka Guînnessê.

  Kejal Ehmeda ku li Kelara Kurdistana azad dijî, heşt zarokên wek berxikan bi carekê anîn û rekorên dinyayê serûbinê hev kir. Kejal Ehmeda ku berê jî çar zarok anîbûn, êdî ji cêwîk, çarwîk û heştwîkan pêve nayne. Li gor gotinan xelkê herêmê dibêjin ku, “Ew qîma xwe bi anîna zarokekê nayne. Yan divê cêwîk bin yan heştwîk. Ji xwe tê gotin ku bixêr sala bê jî ewê dehwîkan bîne” filan û bêvan.  

   Xuyaye hîna haya Kejal Ehmed xanimê ji pirtûka rekoran a Guînnessê tuneye. Yan na, niha ji zûde serî lê xistibû û ketibû dorê. Werhasil, îcar hûn fêmdikin bê çima dijminên Kurd ji zêdebûna nifûsa Kurdan ditirsin ne wilo?

Ya starrrrrr ev çi ecêbe? Gilgamiş bû maço!

Serdar Mirad-13/02/07-Amed- Kuro bi namûs xelkê aqilê xwe xwariye bavo. Ji xwe piştî ku nebixêr fikra “azadîya jinên serberdayî” derket holê, yekcar civak serûbinê hev bû û jinan serê hefsêr berda û hey berda. Hûn namînin ecêbmayî, jinên Amedî û endamên partîya DTP radibin li dijî peykerê Qral Gilgamiş derdikevin û naxwazin peykerê wî di parka belediyê de bê çikandin.

   Hûn zanin çima? Jinên DTP çûne cem serok Osman Baydemîr û gotine:”Qral Gilgamiş berî zayînî (berî çêbûna Hz.Îsa) di sedsala 27an de maço bû û li jinan dixist. Em naxwazin peykerê yekî maço li parkê bê çikandin”filan û fîstan.

   De îcar li ecêba Xwedê û li jinên me yên serberdayî binerin! Başe keçko, ma dewleta Tirko jinên Kurd nakuje, dest navêje namûsa wan, wan naherimîne, bi emrê Atatirko çend jnên Kurd hatin kujtin, hûn çima behsa van nakin? Çima hûn li dijî peykerên Atatirko dernakevin sayin xanimên femînîst? Yan ew zirav bi we re tune? Lê hûn gurê Gilgamişê peppûk in ne?

   De îcar yabo destê xwe deyin ser wîjdanê xwe û bêjin: Di welatê ku hîna zilamên Kurd bindestin, wê çawa jinên Kurd azad bin? Ma ev ne derew e? Ûûûûûûûû, bi telaq heta hefsarên mêrên Kurd di destê femînîstan de bin, wan negot xwezî bi îro û hew!

Berxê nêr jibo kêr!

Serdar Mirad-24/02/07-Amed- Rayedarên dewleta heramzadeyên Tirk Serokê DTP a Amedê Hilmî Aydogdû girtin û berê wî dan zindanê.

   Hilmê Aydogdû berî niha gotibû:“Emê êrîşa ser Kerkûkê wek êrîşa ser Amedê bihesibînin“ û lotikek bêîman li dewleta virqo xistibû. Lê xuyaye lotika wî hewqasî Tirk êşandibûn ku brînên bê derman di doxîna wan de vekiribûn.

   Dibêjin piştî gotinên Aydogdû xew neketiye çavê general, çeqel, mît û îtên wan. Hema rabûne bi navê demokrasîyê (!) bi namûsa demokrasîya xwe lîztine û Hilmî Aydogdû şandine zindanê.

   Bav û kalên me dibêjin:“Berxê nêr jibo kêr!“ Îcar bi namûs, Hilmî Aydogdû berxê nêr e, mêr e û kurê bavê xwe ye û hûn sax! Serketin bê bedel nabe heyran…Li kezebşewitîyên wek Hilmî Aydogdû xwedî derkevin! Lê mixabin dîsa Amed bêdeng di xew re çû..Waxxxxxxx!

Pornocî Nadî!

Sîpan Nas-24/02/07-Tirkiye- Dozgerê Tirk, doxînqetyayê heram Nadî Turkaslan jibo eyba qûna xwe û milletê xwe veşêre, radibe zinêkarî û bênamûsîyên xwe dixe stuyê Kurdên başûr û wan gunehbar dike. Heger hûn çapemenîya Tirkan û ya Ewrûpîyan bişopînin, (ku isbat jî bûye) ji sedî 95ê pornoya zarokan bi destê Tirkan tê kirin. Hem jî piranîya wan textor, parêzer, profesor, mamoste û dozgerên dewletê ne.

   Îcar xuyaye ev payedarîya bênamûsîyê li zora qûna dozgerê dewletê Nadî Turkaslan çûye ku radibe dibêje:“Pornoya zarokan ji bakurê Iraqê (başûrê Kurdistanê) tê belavkirin“ û dixwaze bênamûsî û zinêkarîya xwe û milletê xwe qaşo bişo.

   Ûlan ewladim! Oxlim! Hûn çi veşêrin hûn nikarin kerxana Selanîkê veşêrin lan! Ma serokê we Atazirto ne ji kerxana Selanîkê derket kurê min? Ma ew jî Kurdan derxist? Te go çi? Te go Kurdan lotikek li Zubeyde xanimê jî xistibû? Na lo! Wey amînnnnnnnn!  Bi telaq roj bê emê yeko yeko we têxin dorê brakoooooo!

Mexlûqatê heram navê xwe li xelkê dike

Av.A.Dîlan-Enqere- Dibêjin “şûjina çavê xwe nabîne lê derzîya çavê xelkê dibîne”. Tu dibê qey ev metelok ji sedî sed jibo Tirkan hatiye gotin. Qaşo koordînatorê Tirkiyê Orgeneral Edîp Başerê ku kes nizane bezê binguhê bavê wî ji ku ye, ji Serokê DTP ê Amedê Hilmî Aydogdû re dibêje:”Mexlûqat” û navê xwe li wî kir.

   Mexlûqat yanî “ne tiştek, ne insan, ne heywan”. Îcar heger hûn herin lêkolînekê li ser binyata Başero çêkin, hûnê bibînin ku ew yan Arnavût e, yan qereçîyê Bûlgarîstanê ye, yan dizê Bosnanê ye, yan jî dêya wî Tirk û bavê wî ne kifş e. Yanî, tam mexlûqatekî temame allahwekîl! Îcar, navê xwe li xelkê meke kurê min, eybe eyb!

   Wekî din Başer dibêje:“Gellek hevalên min ên Kurd jî hene. Em wek goşt û nenûkê ne, kes nikare me ji hev veqetîne“ filan û fîstan.

   Weyla ez di nava wilo goşt û nenûk de bimîzim û hew, amînnn!

Tirk dibêjin:

Bayram degil seyran degil, ABD nin Adana konsolosu DTP ye niye girdî? Halla halla!

Mîrxan Mêrdînî-23/02/07-Mêrdîn- Hûn zanin, bi sê telaqan,  me  millet dîtin lê me wek Tirkan bêbav, doltajî, çeqel û zinêkar nedîtin. Howehhh kuro! Ya rebbî, te çima em kirin hêsîr û stuxwarê vî milletê ku ne adet heye ne tore, ne dîn heye ne îman, ne bext heye ne wîjdan? Yaw xelk nema wêrin tirekê di mala xwe de bikin, te nerî Tirkan got: “Ahaaaa! Ewî bi Kurdayetî tir kir!” Na nizanim “Bêhna Kurdayetîyê ji fisa wan tê” û jehr û ziqûm.

   Niha jî bela xwe li Balyozê Amerîka yê bajarê Adanayê Erîc.F.Green dixin û dibêjin:”Çi îş û karê wî li Mêrdînê di avanîya partîya DTP de heye?” Yahewlelwela quwetullehilezîm! Ê lawo belkî rebeno tî bibû, belkî birçî bibû, belkî mîza wî dihat, belkî rêya xwe winda kiribû, ma hema serdana DTP jibo karên siyasî û Kurdewarîyê ye kurên min!

   Ê lawo Green efendî çû DTP çû, de werin qebûl nekin ha, qûnekno! Kuro bi namûs, hema go DTP hinekî xwe dawşîne, ewê heta bi kabokê doxînê li we sist bike looooooo! Xwezî bi wê rojê û hew......

Pirtûkek li ser dîroka Colemêrgê

Pirtûk ji alî Ihsan Colemerîklî ve hatiye nivîsandin. Herçiqasî bi zimanê Tirkî be jî, lê xezîneyek dewlemend e û têde behsa dîroka dûr û dirêj a Colemêrgê (Hakkarî) dike.Pirtûk ji alî weşanên LÎS ve hatiye weşandin. Kesên bixwazin karin pirtûkê ji navnîşana li ser pirtûkê bixwazin.

Kê mirîşka min biriye, oy serê min dêşe!

Ednan Stêr-21/02/07-Batman- Îsal tiştê hatin serêBatmanîyan nehatine serê mirîşkên kelandî. Tofana lehîyê û serma qeşayê ne bes bû, îcar tiştekî din jî derket. Nexweşîya mirîşkan! (şewba çûkan).

  Hinek zilamên bi maske û pêşmalspî jibo nexweşîya mirîşkan hatin Batmanê te digot qey cenawir in. Dev ji cenawiran jî berdin, te digot qet sîxurên CÎAê ne û li terorîstan digerin. Rebenê mirîşkan gava çav li wan diketin, ji tirsan re ne hêkek û lê pênc hêk bi hevre dikirin allahwekîl!

   Werhasil, hinekan fesadî kirine û gotine:“Xaltîka Fatê mirîşkên xwe vedişêre“. Zilamên cenawir çûne mala wê lê xuyaye xaltîka Fatê xwe ji şer re amade kiriye û dibê:“Wellehî û billehî ez mirşkên xwe nadin we. Doh min tiliya xwe xist qûnka wan, qûna wan germ bûye û ji hêkkirina wan re hindik maye. Ma ez bêaqilim mirîşk û zîxankê xwe yên rexl (taze) bidim we! De herin berî ku ez hilê we li milê we kim, yallaaaaaaaa!“

   Erê lo, destûrmend dibêjin mirîşkan nexwin hûnê bimrin. Lê bi telaqê jinberdanê heger Batmanî goştê mirîşkan nexwin wê ji birçîna bimrim, wey!

  Televizyonek din li me zêde bû, wey maşelle!

Miradê Torî-21/02/07-Bruksel- Erê dinyayê....Kê digot wê rojek ji rojan Kurd bibin xwedî televizyon û dengê xwe li dinyayê belav bikin. Hem jî ne yek, ne du, ne sê û ne çar. Dibêjin kanalek bi navê NEWROZ TV ji Ewrûpayê dest bi weşana xwe ya testê kiriye û çend silavên lotikvanî ji Ehmedînejad re şandine. Xuyaye Newroz TV wê berê xwe bide rojhilatê Kurdistanê û serê Îranê bêşîne. Werhasil, çi kanala ku bi Kurdî weşanê bike xêrekê bi xwe dike û lotikekê li dijminên gelê Kurd dixe. De ser xêrê be rebbî ! Pîroz û bimbarek be ! Frakuansên NEWROZ TV ev in :

 (Sat): Hot Bird 8 at 13.0°E
Frekans:12476
Symbol-Rate: 27500
Fec:3/4
Polarision:Horisontal
Sid:10606
Audio: 703
Nid - Tid:318-8900

Ha wilo qurban, cîh li Tirko teng bikin!

Serdar Mirad-20/02/07-Amed-Serok Osman Baydemîr lotikek baş li dewletê xist û bêhn li dewleta kûr û nekûr çikand. Tam di vê dema ku Serekerkan Yaşar Buyukanit digot:”Em bi Kurdên başûr re rûnanên”, Serok Osman Baydemîr got:”Emê di Newroza îsal de Serokê Kurdistanê Mesûd Barzanî û Serokkomarê Iraqê Celal Talabanî dawetî Newroza Amedê bikin”.

   Li ser vê xebera xweş, hinek ji çapemenîya Tirko xwe li erdê xistin û kirin qareqar. Wey bavo “Osman Baydemîr ji qazî ve, ji qehra me re dixwaze wan dawet bike” filan û fîstan.

   Oxxxxxxx! Wey tu her bijî Osman Baydemîr! Bi namûs te Tirk qolincî kirin lo, wey! Ma ka ji vê xweştir?

Nema karîbû veşêre, rastî got

Av.A.Dîlan-20/02/07-Enqere- Carna meriv hinek tiştan di nava xwe de dihêle û dernaxe yan jî nikare derxe der. Bi taybet di meselên dewletî û gîzemî (sirrî) de meriv kerr û lal dibe. Ji xwe nivîskar û pisporên Tirk di vî warî de yek û yek in. Kelbetan jî devê wan venake. Lê carna jî êdî hingî zikê meriv dinepixe, gaz û tir û fis dikevin ser hev, êdî meriv nema kare xwe bigre û ji behcan re meriv rastîyan eşkere dike û vedirşe.

   Ev jî mesela nivîskarê Tirk Taha Akyol e. Taha Akyol nema karîbû rê li ber gaz, tir û fisên xwe bigre û di derbarê Kerkûkê de gaza rastîyê berda û xwe rehet kir. Akyol di nivîsa xwe de dibêje:”Em hertim dibêjin Kerkûk bajarê Tirka ye, lê di hejmarên ku Ismet Înonu di sala 1926an de dabûn Lozanê jî li Kerkûkê û gundên derûdora wê Kurd di piranîyê de bûn” filan û bêvan. Akyol herweha dibêje:”Ji dêvla ku em bêjin Kerkûk bajarê Tirka ye, divê em bêjin Kerkûk bajarê Iraqîya ye”.

   Yaaaaaa! Hûn dibînin bê rastî çiqasî tehl e ne wisa? Ma te berê jî ev rastî nizanîbû qullo? Yan li hesabê te nedihat? Xêre tu îro vê rastîyê dibêji cîgerim? Lê te dîsa kêm gotiye haaa...Rastîya wê bêje kurê min, bêje “Kerkûk dilê Kurdistanê ye” sayin Tirk kardeşîm!

Tu li wî û tu li taca serê wî!

Polat Erdem-19/02/07-Izmîr- Serokê BBP Muhsîn Yazicioglûyê ku esl û peslê wî ne kifş e, dewleta kûr kir taca serê xwe û got:”Ezê dewleta kûr bikim taca serê xwe”. Dewleta kûr a ku di eslê xwe de vekirî û eşkere ye, di devê gellekan de bûye wek benîşt û dixwazin dewleta eşkere pê rûspî derxin. Lê dewleta kûr jî û ya eşkere jî heman gû ne û bêhna miraran jê tê. Yazicioglû herweha dîsa zimandirêjîya Kurdên başûr kir û lotikek li serokên Kurdan xist.

   Qûneko dibêje:”Tirkiye bûye wek lîztika Amerîkayê. Amerîka bi projeya xwe ya Rojhilata Navîn dixwaze serokên eşîrên başûr (Barzanî û Talabanî) li ser serê me bike qehreman. Ew serokeşîrên ku hetanî doh pasaportên Tirkan di bêrîka wan de bûn, îro sermezintiyê li me dikin, bi lotikên xwe brînan di bedena me de vedikin” filan û bêvan.

   Lan ewladim, ne ji başûrîyan be hûnê sîyaseta xwe li ser çi bimeşînin hê? We başûrî di devê xwe de kiriye benîşt û “virt û zirt başûrî, virt û zirt serokên eşîran”, ma ev çîrok xelas nebûn? De herin ûlannnnnnnn.....Dinya bi dorê ye oxlim!

   Ma Demîrel nedigot: ”Demokrasîlerde çare tukenmez” cîgerim! Ax demokrasî û wax demokrasî...Bi telaq emê rojekê li ser serê we bibin qazî!

Qere Fatma kirin Asîye Xatûn!

Rojda Aydin-18/02/07-Stenbol- Qere Fatmaya Kurd di dîroka Kurdistanê de xwedîyê ciyekî taybet e. Di dema şerê Osmanî û Rûsan de (1820-1865) serkêşîya eşîra xwe dikir û wek şêrekê liberxwe dida.

   Li gor ku lêkolînerên Tirk dibêjin, navê wê yê rastî Asîye Xatûn e. Asîye Xatûn bi Qelender Paşayê Mereşî re dizewice û piştî mirina mêrê xwe dibe seroka eşîra xwe û bi navê “Qere Fatma” navdar dibe. Îcar Tirk dîsa wek hercarê rabûne Asîye Xatûnê wek “Tirk” nîşan didin û ruyê xwe reş dikin.

   Qere Fatmaya ku di dîroka Ewrûpîyan de jî wek “Şahbanûya Kurdan- La princesse Kurde” tê naskirin, bû Asîye Xatûn û Tirk dixwazin wî navê ku ji Kurdan re bûye mal (Qere Fatma-Fatma Qer-reş) bidin jibîrkirin.

   Werhasil, dibêjin:”Malkambaxîya herî mezin ewe ku dîroka milletekî bi destê dijminê wî bê nivîsandin”. Îcar xuyaye heta em Kurd nebin dewlet emê hîna gellek lotikan ji dîrokzan û lêkolînerên Tirko û Virqo bixwin û hûn sax!

Quwa-î kûçikîye!...

 Farûqê Devliken-18/02/07-Mêrdîn Salên xweş, geş, germ û tije hêvî!

 Salên ku gel, şervanên xwe diparast û li wan xwedî derdiket!...

 Salên ku çongên Tirko difisîyan û ji qudûm de diketin!

Salên ku nijadperestên Tirk xwe di qulên cûr be cûr de vedişartin!

Salên ku nav nigên dê û jinên wan jî bi dest wan nediket!

Salên ku şêr, şêr digot û kûçik jî kûçik!...

Ji nişkê ve giş bû keldûman û tevli hewê bû...

Agir bi derbekê vemirî!

Leskûçikên Tirko gur, geş û pir bûn!

Ne xweşî ma, ne geşî, tîna rokê jî li me çû gilî! (Dewama nivîsê wêne bitikînin)

Qemerê Canê heyva li ezmana

Mihemed Soran-18/02/087-Bexda- Dibêjin Wezîra Derve ya Amerîkayê Coondeleezza Rice ji nişkê ve li Bexdayê daketiye û gotiye „Selamunaleykum!“ Hinek rayedaran jî gotiye“Wey aleykume selam we rehmetullahul we berekatû“ û destên hev hejandine. Îcar çapemenîya dinyayê meraq dike û dipirse:“Law ev Qemerê çima ji nişkê ve çû Iraqê bavo?“ û bi darkê xwe axê vedidin. 

   Rabû me jî li salona balafirxanê ji xanima qemer û çîkolatayî pirsî: „Keçê porkurê, kezîkurê, tu vê seetê li Bexdayê çi diki? Ne telefonek, ne emaîlek, hema te go virt û tu ji tiyarê daket, ma xêr e?“ Ewê jî got:”Go go lotikvan! I am here because I kafe would like to drink“ (Here here lotikvano, ez li vir im jiber ku ez dixwazim qehwakê vexwim) û berê xwe da cem Nûrî El Malikî.

   Werhasil, dibêjin piştî qehwevexwarinê îcar wê di 19 mehê de jî bifire Îsraîlê û çaya xwe jî bi Ehûd Olmert re vexwe. Çûn û hatinek zêde li Rojhilata Navîn destpêkiriye. Rice hat Iraqê, Beşar Esed çû Îranê, Serekerkanê Tirk çû Amerîkayê, Abdullah Gul çû Erebîstanê, filankes çû cehnemê. Yanî, tê gotin ku ava serê Ehmedînejad dikele wesselam! Îcar wê kengî pelûl bi serê Îranê de birje kez nizane

Em bi te re ne Apê Îsmaîl!

Ednan Stêr-17/02/07-Batman- Wextê ku Apê Mûsa Anter sax bû jibo birêz Îsmaîl Beşîkçî gotibû : »Gerek em heykelê wî li Kurdistanê çêkin ». Îsmaîl Beşîkçî bi eslê xwe Tirk e, lê mirovatîyê di jîyana xwe de Tirkekî wisa bi namûs, şeref û bi rûmet nedîtiye.

   Apê Îsmaîl Beşîkçî dîsa lotikek avêtiye dewleta Tirko û dibêje : »Çima zarokên Kurdistanê her roj dibêjin « ez Tirkim, rastim, zîrekim!» Ma li Yewnanîstanê zarokên Tirk dibêjin « em Yewnanin, hebûna me li milletê Yewnanan pîroz be ? Divê li Tirkiyê em li dijî vê helwestê derkevin » filan û bêvan.

   Apê Îsmaîl Beşîkçî 17 salên jîyana xwe kir qurbana pirsa Kurd û Kurdistanê û di zindanan de raza. Ji dîtinên xwe tawîz neda û wek mêran li gotinên xwe xwedî derket û hîna jî derdikeve. Divê Kurd zanibin ku Îsmaîl Beşîkçî xwe kir qurbana Kurdan.Divê zanibin ku Îsmaîl Beşîkçî emanetî Kurda ye. Divê Kurd bi her awayî lê xwedî derkevin û wî nekin qurbana berjewendîyên xwe yên sexsî û rêxistinî.

   Erê Apê Mûsa erê....Tu rehet razê, gotina te deynê stuyê me ye. Helbet wê rojekê Kurd peykerê Apê Îsmaîl Beşîkçî jî li kêleka yê te biçikînin ! Xwezî bi wê rojê......

Birêz Serokwezîr Neçîrvan Barzanî

Xemgînê Welat-Amed-Wekî Kurdên welatparez dîtina pêşveçûnên başûrê welatê me û bûyîna we ya serokwezîrê Hikumeta Yekbûyî, me pir serbilind dike. Em ji dil bawerîya we dikin ku hunê vî karî bi serfirazî bicîh bînin û xîzmeta netewa xwe bikin.

   Wekî Kurdên bakur ku bi sedan sal in bûne mexdûrên sîyaseta zilm û zordarîya dewleta tirk û ji ziman û nasnameya xwe bêpar mane, me berê xwe daye başûrê welatê xwe ku hûn jî jibo 25 mîlyon Kurdên, li mezintirîn perçê Kurdistanê hinek pêngavên pêşçav bavêjin. (Dewama nivîsê wêne bitikînin)

Xwînheraman xortekî Kurd şehîd kirin

Ehmed Kurdî-16/02/07-Îskenderûn- Nîjadperest û xwînheramên Tirk roj bi roj hartir dibin û êrîşî ser Kurdan dikin. Li bajarê Hatayê xwînheramên doşirme êrîşî ser çend xortên Kurd kirin û Metîn Kurt ê ji Licê (21) şehîd xistin. Xuyaye wê dijminatîya navbera Kurd û Virqan zêdetir bibe.

   Herçiqasî dijminatî ne tiştekî başbe jî lê ji Kurdan re ji vê pêve tu alternatîfên din nemane. Heta em Kurd xwe nasnekin û bi ruhê neteweperestî aqilê me neyê serê me, wê tim kurtanê xelkê li ser pişta me be.

   Ma emê çî din bêjin? Hema Xwedê bikin tofana Nebî Nuh li serê Tirkan rabe û heta bi mirîşkên wan jî sax nemînin û hew!

Mêrik bi gotinekê rê li çûna çiyê girt. Pekkkkkk!

Ehmed Beyan-14/02/07-Enqere- Erê lo, serokê partîya DYP Mehmet Agarê qesasê serê Kurdan got:”Herin lê bikolin, min bi gotinekê rê li ber çûna çiyê girt. Êdî xort nema diçin çiyê û tev li PKK nabin” filan û fîstan.

   Halla halla! Ma çawa çêbû lawo? Qey te nivişt û bazbend ji xortan re çêkirine bavo, wey! Agar efendî çi gotibû? Gotibû:”Bila ji serê çiyê dakevin bên li berîyê siyaseta xwe bikin”. Îcar jibo vê gotinka te xort nerma diçin serê çiyê? Pekkkkk!

   Kuro bi telaqê bê fitû heger xortên Kurd bi ya yekî wek te Kurdkuj bikin, hema bela bi xwe de birîn û hew!

Piştî Bill Clinton niha jî

Chirac ji ber tolaziya xwe gelekî poşman e

Astrologê Lotikxanê-14/02/07-Serokkomarê Fransayê Jacques Chirac di pirtûkek nû ya bi navê ``Mêrê Elysseyê ku nayê nasîn`` de qal dike ku jina xwe, Xanima hêja Bernadetteyê xapandiye, bi jinek e din re razaye. Lê poşman e, qet nafikire ku hevûdu berdin. Bi rêz Chirac dibêje: ``Kêfa min ji gelek jinan re dihat, lê ez wurya bûm. Min ji wan nefret ne kir, lê bi wan ve zêde nehatime girêdan``...

   Li ser vê bûyerê, me nameyek dostanî ji bermaliya Chirac, hêja Bernadette re şand: (Dewama nivîsê wêne bitikînin)

Dêrikî efendî ne Nisêbînî fûtbolcî ne!

Cercûro-13/02/07-Nisêbîn- Dibêjin piştî ku Bûbê Eser pirtûka “Sîno bû efendî” derxistiye, civaka Kurdên derûdora Mêrdînê serûbinê hev bûye û hema bêjin wek tsûnamîya Asyayê li serê wan hatiye.

    Li ser bext û namûsa Abdulkadir Aksû be, dibêjin çend xortên Nisêbînî pirtûka “Sîno bû efendî” xwendine û wek mirîşka go meriv serê wê jêke li wan hatiye. Rebenan di navbera Xelîl û Celîl de mane, nema zanin ne ew jî wek Dêrikîyan bibin efendî yan jî bibin fûtbolçî.

   Werhasil, henek li alîyekî, dibêjin Kutbettîn Orakê 12 salî yê Nisêbînî bala mafya Fenerbahçeyê kişandiye û serokên mafya Fenerbahçeyê ew xwestine cem xwe. Îcar dibêjin Nisêbînî ji kêfan re wextî bifirin ber perê ezmanan û dibêjin:”Heta niha em Galatasarayî bûn.  Îcar emê demakê Fenerbahçe jî biceribînin. Heger me xêr jê dît ji xwe emê lotikên Fenerbahçekî bavêjin, na heger me xêr jê nedît ji xwe emê jî wek Dêrikîyan di mala xwe de bibin efendî û hûn sax!”

   De ser xêrê be rebbî....Kuro bi telaqê Kamûran Înan we ne xêr ji Galatasaray dît û ne ji Fenerbahçe lo, wîî! A baş efendîyê mala xwe bin û hew.....