Firildeq Elî
Law ev insan çi zalim e ya staaarrrrrr û ya star! Gava meriv hinek insanên zalim dibîne, heywanên hov û dirinde li ber dilê meriv şîrîn dibin allahwekîl.
Ê de binerin bê lotikvana Tirk Sîbel Pamûk çi lotik û zîtirk avêtiye…
Stranbêja Tirk û zîtirkvana germik û hişkik Sîbel Pamûk, ji bo wêneyên albûma xwe ya 7. kiras û cil û bergên taybet amade kir.
Lê çi kiras û cil û berg yabooooooo, cil û bergên bi perî û perîkên dîkan, kirasê bi xwîna dîkan!
Sîbel Pamûk xanim efendî, ji bo kirasekî taybet ji bo albûma xwe ya 7. çêke, 760 dîk daye serjêkirin. Perî û perîkên dîkên reben 3 hefteyan bi boyaxa sor dane boyaxkirin û jê re kirine kiras.
760 dîk law!
Û ji bo kirasekî!
Her çiqas Sîbel Pamûk dibêje „me goştê wan 760 dîkan li feqîran belav kir“ jî, lê Sîbelkê bû qatil û mirdara 760 dîkî, 760 canî. Û bi ser de 760 mirîşk jî bê mêr û sêwî hiştin.
Hûn zalimbûna insanan dibînin ne wilo?
Ji bo kirasekî bi perîk li xwe bike, xwedênehiştê 760 dîk daye serjêkirin û xwîna wan rijandiye.
Îcar niha 760 mirîşk Sîbel Pamûk bidin Dadgeha Mafê Mirîşkan ne heq e?
760 mirîşk doza curmê li Sîbel Pamûk bikin û heyfa mêrên xwe jê hilînin, ne heqê wê ye?
De îcar yabo, 760 mirîşk niha mane bê mêr û bê fisikandin.
Ê başe Sîbelkê, bê dîk û bê fisikandin wê mirîşkên reben çawa hêkan bikin û çawa çêlîkan derxin porkurê?
Ma tu ji xwedê netirsîya tu 760 dîkên qerase serjêkî û jinên wan sêwî bihêlî kezîkurê?
Wey xwedê ahê dîk û mirîşkan ji te re nehêle rebbî!
Stenbol
Bi Fotoşopê estetîk kirin lê dîsa jî nebû
Xameney jî pê girt
Ji serî de pê girtin, îcar wê dawî çawa be kes nizane