Osmanê me rojev germ û nerm kir

Xalê me Osman, ango Şaredarê Amedê Osman Baydemîr, wek her caran, vê carê jî çend lotikên bêîman avêtin û çend mîrkutên Kurdewarî li nav serê Kasimpaşalî Receb û dewleta...

Xalê me Osman, ango Şaredarê Amedê Osman Baydemîr, wek her caran, vê carê jî çend lotikên bêîman avêtin û çend mîrkutên Kurdewarî li nav serê Kasimpaşalî Receb û dewleta wî xist. Osmanê me ji malpera Beroj re axivî û serê hefsarê hespê xwe berda, şûrê xwe kişand û berê xwe da dewletê.

Osmanê me di axavtina xwe de gotiye: “Binerin cîgerim, ezê helweta xwe ya wîjdanî û exlaqî raxim holê. Berxwedana me berxwedana Kurd û Kurdistanê ye. Daxwazên mafdar ên gelê Kurd rojekê her wê bi selametê encam bide. Wê gelê Kurd bigihê azadîya xwe û nîrên koletîyê ji stuyê xwe bavêje” û sincirî.

Osmanê me pêde çûye û gotiye: ”Binerin qurban, em ji bo gelê Kurd û Kurdistanê azadîyek li ser bingeha wekhevîyê dixwazin. Li ser vê xakê çi mafên Tirkan hebin wê heman maf ji bo Kurdan jî hebin. Yan na navê vê nabe azadî, nabe bratî. Dersa bijarte ji bo Kurdan heqaretek mezin e, ev ne reform e, ev lotika Erdogan ne ronesans e, çeqilmas e. Heke ez di xaka xwe ne nikaribim zarokên xwe bi zimanê zikmakî perwerde bikim, heke ez nikaribim navê erdnîgarîya xwe bi bînim ser zimên, heke îradeyek ku erdnîgarîya min temsîl bike tunebe, heke hilbijartinên azad nebin û sembolên vê erdnîgarîyê neyên bikaranîn, wê navê vê zîtirkê nebe azadî. Azadî ne azadîya kes û şexsa ye, azadî ev e ku millet bi çand û nasnama xwe li ser xaka xwe bi azadî bijî” û hespê xwe ajot.   

Xalê me Baydemîr lotikek din avêtiye û behsa helwesta Kurdan û partîyan jî kiriye. Wele xweş gotiye, xwedê heye. Çi gotibe başe? Ji Kurdan re gotiye: ”Binerin qurban, baş guhê xwe bidin min. Li gor min divê Kurd êdî berê xwe bidin milletê xwe. Divê dev ji dûviktîya AKP, CHP û MHP berdin. Bi dehan alternatîf hene bbam, ciyê Kurdan ne AKP, CHP û MHP ye. Ciyê Kurdan li cem gelê xwe ye. Heke hûn BDP, Hak-par ê, KADEP ê naecibînin û ji wan ne razî ne, partîyek nû damezrînin û têra xwe tê de lotikan bavêjin. Ewqas rehet û hêsan e babam” û pê de çûye.

Werhasilî kelam, Osmanê me germ bûye û bûye pizot. Hem mîrkutek li nav serê Tirkan xistiye û hem jî lotikek li Kurdên derveyî BDP, Hak-par û KADEP ê xistiye.

De xwedê xêra Osmanê me qebûl bike rebbî…

Birastî ez jî meraq dikim lo, ev Kurdên li derveyî BDP, Hak-par û KADEP ê, çima nayên cem hev û partîyek netewî – Kurdistanî danamezrînin? Yan ji jinên xwe ditirsin?

Amed

Categories
Kadîn
One Comment
  • Barzan
    27 Juni 2012 at 00:46

    De beji mal ne mirato. kà iskanek zeyta Derikè bidin bla dakùltinè.Tu key dibeji 4 kilo isota Riha xwariye.Dik u hilm li ser seren me kùrdan bavi§and. Amir mùfrezeya Lotikxanzede bla 5 kilo titùna qùrse bo cigerim bi lez bez rè bikit.Xemi serxo§ u jiletvan.sutal u pèxwuasèn Bajaren AMED gori te bit.Kà mi berdin.ez,e bicim li ser kebrà kemo bimizim.tu para ji nadim.

  • Leave a Reply

    Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

    • Radyoya Êrîvanê sêwî ma

      rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
    • Lotika Papa xweş lotik bû

      Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
    • Başûrî, mîrasê serokê nemir Mistefa Barzanî dixwin…

      Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
    • BARÎNA KUTILKAN

      M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
    • Radyoya Êrîvanê sêwî ma

      rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
    • Lotika Papa xweş lotik bû

      Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
    • Başûrî, mîrasê serokê nemir Mistefa Barzanî dixwin…

      Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
    • BARÎNA KUTILKAN

      M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...