Xalê Mele lotikek dûrî aqilan avêt

Firildeq Elî Berpirsê polîtburoya YNK xalê me Mele Bextîyar, beşdarî kongreya BDP bû û ji bo xatirê BDP çend lotikên Sorankî avêtin. Xalê me Mele Bextîyar (nizanim birastî mele...

Firildeq Elî

Berpirsê polîtburoya YNK xalê me Mele Bextîyar, beşdarî kongreya BDP bû û ji bo xatirê BDP çend lotikên Sorankî avêtin.

Xalê me Mele Bextîyar (nizanim birastî mele ye, yan navê wî mele ye) di axavtina xwe de çend lotikên dûrî aqilan avêt û dilê BDP û hevallerên me xweş kir, ew anîn galeyanê û ew kirin agir û pizot.

Xalê Mele çi got?

Got: “Canekem, rêberê PKK Abdûllah Ocalan wê rojekê bibe serokê welatê xwe û heke Tirkiye bixwaze pirsgirêka xwe ya hundurîn çareser bike, divê Ocalan serbest bike kaka” û ajot.

Li ser bextê ajansa ANF be, dibêjin Meleyê me gotiye: “Canekem, ruhekem, ez ji Kurdistana Silêmanîyê silavan ji we re tînim. Di tarîxê de Yasir Arafat û Fidel Castro jî wek ”terorîst” hatin bi nav kirin, lê belê paşê bûn serokê welatê xwe. Tirkiye jî wê problema xwe ya navxweyî çareser bike û Ocalan jî wê bibe serokê welatê xwe“ filan û fîstan.

Rast e..

Di dema xwe de Yasîr Arafat û Fîdel Castro jî wek terorîst dihatin binavkirin. Lê ferqa wan û Ocalan ji hev heye xalê Mele. Yasîr Arafat û Fîdo doza serxwebûna welatekî dikirin, ji bo azadî û serxwebûna millet û welatê xwe şer dikirin.

Lê başqan Ocalan?

Başqanê me „ulus dewlet“ ango serxwebûna millet û welat ji Kurdan re heram dibîne, doza welatekî serbixwe nake, dewletbûnê layiqî Kurdan nabîne.

Îcar ji cenabê te dipirsim xalê Mele:

Gelo kesê ku welatekî serbixwe nexwaze, kesê ku dewletbûnê li gelê xwe biherimîne, kare bibe serokê welatê xwe? Tu behsa serokatîya kîjan welatî dikî canekem?

Ez serê we neêşînim, xwezî başqan Ocalan doza Kurdistanek serbixwe û azad bikira û ji qewla Mele Bextîyar ve rojekê ew bibûya serokê welatê xwe.

Lê kaaaaaaaaa xalê Mele ka!?

Kesek bi xwezîyan negîhaye baqê kezîyan xalê meleeeeeeeeeeeeeeeeeeeeeeeeeeeeee!

Stenbol

Categories
Firildeq ElîKadînQuncik
  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...