(Ji bo lehengên greva birçîbûnê)
Zeviya jiyan û evînê me ez
Li ser min şîn bûn hemî bedewî
Di nav gemariyên dîrokê de hatime veşartin
Li ser sînga min avabûn împaratorî
Zilmê kelehan ava kir
Zevî bi sedan caran ji nû ve hat ajotin
Xudawend cotyar, li pêş wan gayê esmanî
Gîsnên har li nav sînga min
Şopên kûr, tovên zilmê, yên gemariyê
Şerê pakiyê, navê jiyanê me ez
Caran dibime Kawayê hesinker
Caran Fravartîşê dilêr
Caran qîrîna Mazlûm, Kemal û Xeyrî
Giraniya Akîf û Ciwaniya Alî
Neviyê Zal´im
Gurzê li destê min e rastiya min
Xweş dihejînim li ser serê zilmê
Birçiyê jiyanê me ez
Da bo wê bimirim
Ger azad nebin giyan dê çi bikim ez ji jiyan
Bi dil û mêjiyê xwe ve heme û mayende me
Lewra hêza li dilê gelê xwe me
Li ber xwe didim dibime jiyan
Û ji nû ve şîn dibim li nav dilê zarokan
Ta paqij bikim ji nav lepên dêleguran
Jiyan û van zeviyan.
Amîda Kurd
Zêdetir
Şahê Îranê lotikek avêt û bang li Îranîyan kir
Îranê tir ji Îsraîlê berda
Sûdanî lotikek avêt û pesnê Amerîkayê da