Dez 1, 2012

    KÊ BAVÊ ME DİZÎ ?

    Bejin kinik û mirovekî wek zarokek heft salî gewde biçûk bû, Li Almanyayê çû ser dilovanîya xwe. Wesyeta wî hebû, gotibû “ Keça min, ku ez mirim min li vir bin ax nekin, bila gora min li welatê min be. “

     Keça wî laşê bavê xwe kire qutîya televizyonê û da ser banê trimpêlê berê xwe da welat. Hate Bulgarîstanê, westîyabû (betilîbû) dem şev bû. Di trimpêlê de raza, kete xewê. Şefeqê rabû çi bibîne ! Diza ew qutîya televizyonê ku laşê bavê wê tê de bû dizîne. Keçik bi qêrîn û qajîn çû ba polêsên Bûlgar derdê xwe vegot . “ Bavê min mir min jî ew kir qutîya televizyonê anî ku bibim welat gor bikim, lê qutî dizîne. Ji bo xwedê meytê bavê min bibînin !

    Polêsên Bûlgar gotin “ Tu çawa bê destûr û bêagihandin laşê mirîyekî bi xwe re tînî ? Emê di derheqê te de lêpirsînê vekin.

    Keçikê neçar dev ji bavê xwe berda û derbasî Tirkîyê bû. Çû ba mudurê gumrûkê, bi çavên rondik dibarin bûyer jê re got. Mudurê gumrûkê bi hinkûfên Bûlgar re ket têkilîyan. Werhasil meytê bavê wê dîtin û anîn dane keça wî.

    Mirî be jî xwedê tu kesî bê  bav nehêle rebî !

    Ez difikirim bavê me Kurdan jî dizîne, çimkî gelek Kurdan ji xwe re bavên Ereb, Faris an jî Tirk dîtine.

    Hûn dibên çi gelo ?

    • facebook
    • googleplus
    • twitter
    • linkedin
    • linkedin
    Previous «
    Next »
    %d Bloggern gefällt das: