Heçê Kurdan bikuje mala wan ne ava!

Dibêjin „Kurmê darê ne ji darê be zewala darê nîne„. Îcar ev jî mesela me Kurda ye. Kurd ji herkesî zêdetir dijminê qewmê xwe ye. Ji xelkê re hêkan...

Dibêjin „Kurmê darê ne ji darê be zewala darê nîne„. Îcar ev jî mesela me Kurda ye. Kurd ji herkesî zêdetir dijminê qewmê xwe ye. Ji xelkê re hêkan lê ji xwe re zelqan dikin. Ji xelkê re masîyan lê ji xwe re kûsîyan digrin. Qewmê kewê ye wesselam.

ypg li qamislo Kopie

Ne li ser bextê me be, li ser bextê fitne û fesadên bajarê Qamişlo, Efrîn û Amûdê be. Dibêjin lotikvanên YPG û PYD li bajarê Amûdê êrîşî Kurdan kirine û hema bêjin „nîv qetlîamek“ wek a Helepçe pêk anîne. Dibêjin çima ku Kurdan helwesta YPG û PYD bi çalakîyên demokratîk şermezar kirine û dest bi lotikên demokrtîk kirine, lotikvanên YPG jî li wan reşandine û di encamê de gellek Kurd hatine kujtin û zêdeyî 50 Kurdî jî brîndar bûne.

Dîsa li ser bextê fitne û fesadên bajarê Qamişlo be, dibêjin li gora ku jinik û minik li ser tenûran dibêjin, dibêjin lotikvanên YPG li Qamişlo wêneyê Mistefa Barzanî, ala Kurdistanê û ofîsa Al Partî jî şewitandine û şoreşek mezin li dar xistine.

Ez serê xwe û we neêşînim, dibêjin xalê me Salih Mislim jî di çapemenîyê de daye lotikan û ev kiryara hovane wek „komplo„ya li dijî PYD bi nav kiriye û bi heft qalib sabûna Helebê xwe û partîya xwe ji vê kiryarê şûştiye.

Werhasilî kelam, kî dibe bela bibe, heçê Kurdan bikuje û xwîna Kurdan birjîne, rebbê alemê mala wan bibe mîratê û hûn sax…

Qamişlo

 

Categories
Kadîn
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • Talîş kî ne ?

    Ugur Dursun Adsız Îro Kurdên Talîşî bi gelemperî di derdora Çîyayên Talîş, di navbera devletên Azerbaycan û Îranê de nîştecih bûne. Li taya Azerbaycanê de ji bajarên Başûrê Azerbaycanê...