Serokê Partîya Demokrat a Kurd li Sûriyê (El Partî) û endamê şanda Kurdî ya Hevpeymanîya Niştimanî ya Opozîsyona Sûriyê Ebdilhekîm Beşar, ragihand ku „Daxwazîya serekî ya Kurdên Sûrîyê çareserkirina pirsa Kurd di çarçoveya Sûrîyek federal de ye. Beşar her wiha got, Xweseriya Demokratîk a PYDê tê wateya bangewaziya şer, ji ber wê jî Amerîka nehişt PYD tev li Cenêv2 bibe“ filan û fîstan.
Serokê El Partîyê, anî zimên û got: „Welleh û billeh, bi 101 telaqên jinberdanê, em federasyonê dixwazin lê PYD Xwelîserîya Demokratîk dixwaze . Ev jî tê wateya bangewaziya şer . Ji ber wê jî tirrek û fissekên Amerîka û opozîsyonê nehiştin PYD tev li civîna Cenêvê bibe“ fîstan û xeftan
Axir, xalê me Ebdilhekîm Beşar „Demokrasî ji bo Sûrîyê û Federasyonê ji bo Kurdan“ dixwaze.
Û PYD çi quzilqurtê dixwaze?
Xweserîya Demokratîk. Ango „Otonomî“.
Ê law birêz xalê me Ebdilhekîm Beşar, ma PDK Iraq jî destpêkê ne „Demokrasî ji bo Iraq û Otonomî ji bo Kurdan“ dixwest qurban?
Ê law bela herkes ji alîyê xwe de tiştekî bixwaze bavê min, hûn federasyonê bixwazin û bela PYD jî Xweserîya Nîvdemoqratîk bixwaze, ma çi xisar tê de heye exûyî?
Ha federasyon û ha quzilqurta Xweserîya Demokratîk, mesele ew e ku Kurd cîyê lingên xwe bigrin baba.
Êêêêêêê, bav û kalên me çi gotine?
Gotine: „Piçik piçik meriv xwe digihîne kûçik“.
Îcar exûyî, Xweserîya Demokratîk rê ji Federasyonê re vedike. Û federasyon jî rê ji serxwebûnê re xweş dike. Hema kîjan bi destê me ket me qebûl e û xelas….
Qamişlo
nayê bîramin heta naha xalê me kemal(burkay)jî federasyon duxaze, telaqê bifito ne men jê famkirîye ne jî wî jê xwe famkirîye.naha mamê besar jî wê nexwesîye ketîye,dermanê wan jî hotilê benc sterk u gostê mirîskê resen.
ede bavê min yê ku xweseriya demokratik qebul neke weke banga şer fam bike xwedê dizane be federasyonê wê bi qiyamet û tofanê fambikin
Ji Lotikxanê û Rûdaw.netê re. Agahdarkirineke girîng!
Silav birêzan.
Min xwest we ji vê nûçeya nû û girîng agahdar bikim.
We duh vê nûçeyê weşandibû “Ebdilhekîm Beşar: Xweseriya demokratîk a PYDê bangawaziya şer e“, lê
îro li gor ARTA FMê, Ebdilhekîm Beşar daxuyaniyekê daye û gotiye, min tiştekî wisan negotiye, gotinên min şaş hatiye fêm kirin û wergerandin.
Ji xwe we di nûçeya xwe de dest nîşan kiribû ku çankaniya we “televîzyona Al Jazeera Turk“ e, ku em wê dizanin tirk bes dixwazin bera kurdan bidine hevdu û bidine şer kirin. Kerema xwe dema we ji tv/medyaya tirkan tiştekî di derbarê kurdan de wergirtin pêşî bidine rastandin ji devê wê/wî kurda/ê ku ser mijarê axiviye, ku dilxerabiya tirkan di civata me de belav nebin û serê me gişan tevlîhev nebin.
Keremkin nûçeyê guhdarî bikin.
Li girêdankê bitikînin û hinekî rawestin! Dê ew bi xwe di xulek/çirka (5:47)an dest pê bike.
https://soundcloud.com/artafm1/arta-fm-29-01-2014-rojeva-arta#t=5:47
Nûçeya ku we weşandibû ev bû:
Ebdilhekîm Beşar: Xweseriya demokratîk a PYDê bangawaziya şer e
http://rudaw.net/kurmanci/world/270120141
Digel silavên kurdîhezî û serekftinên pak û Kurdistanî bi we re be.
Siberoj ê bakurî/Kurdistanî li Holenda.
(rudaw@rudaw.net)
Waye bi kirafêt e 🙂