Jan 10, 2015

    Kobanê safî kirin, ma dora Parîsê

    • by Lotikxane
    • 5 Years ago
    • Kadîn
    • 438 Views
    • 2

    Nizanim van hevaller û refîqên me mejîyên xwe xwarine, yan henekê xwe bi Kurdan û dinya û alemê dikin. Kesên ku hîna nikarin gund û bajarên xwe rizgar bikin, radibin doza tiştên mezin dikin û mirovan dixin şûna ker û bergîlan. Kesên ku hîna qûnekên DAÎŞ ji gund û bajarên xwe dernexistine, tirrê bergîlan dikin û bi qûna tazî tembûrê dixwazin.

    Axir, ne li ser bextê me be, li ser bextê Twîtterê û malpera Avestakurd be, li gor generalê Avestakurd Dilbixwîn Dara dibêje, xwedêgiravî rêveberekî TEV-DEM ê (Dr. Nasir Hecî Mensûr) li ser malpera xwe ya Twîtterê dest bi zîtirkan kiriye û lotikek bêîman avêtiye.

    Çi gotiye Dr. Nasir Hecî Mensûr efendî?

    mansurGotiye: „Gelo wê Fransa alîkarîyê ji YPG û YPJ bixwaze ji bo ku alîkarîya wê bikin û Parîsê ji DAÎŞê pakij bikin? Yekîneyên paraztina jinê (YPJ)amadeye demokrasîya Fransayê biparêze“ filan û fîstan û xeftan.

    Ê de werin û kirasê xwe neçirînin û nedirînin!

    469.461 hezar leşgerên Fransayê hene. Bi dehhezaran polîs û endamên dezgehên ewlekarîyê hene.

    Û Dr. Nasir Hecî Mensûr efendî wê bi çend endamên YPJ asayîş û demokrasîya Fransayê biparêze ha!?

    Yanî, zêdeyî 500 hezar hêzên ewlekarîya Fransayê nikarin asayîş û demokrasîya Fransayê biparêzin, lê wê çend jinên YPJ bi çend keleşkofan karibin Fransayê biparêzin.

    Îcar ev ne henekpêkirin be naxwe çiye babam?

    Axir, li gor fitne û fesadên Fransa û Amerîkayê dibêjin, dibêjin Amerîka, Almanya, Fransa, Hollanda û Belçîka, bi kurtî NATO, amadekarîyê dikin ku li dijî El Kaîde, DAÎŞ û Boko Haramê alîkarîyê ji YPG û YPJ bixwazin û bi alîkarîya YPG û YPJ asayîş û demokrasîyê li cîhanê pêk bînin.

    We go çi, gelo dikeve serê we?

    Parîs

    • facebook
    • googleplus
    • twitter
    • linkedin
    • linkedin
    Previous «
    Next »

    2 Comments Already

    1. Madem Derewe bila Dereweki Mezin be..

    2. kushhhh dunya

    Schreibe einen Kommentar

    Deine E-Mail-Adresse wird nicht veröffentlicht.

    Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

    %d Bloggern gefällt das: