Jolie girêz bi devê Mêrdînîyan xist

Reşoyê Darî Belê, lotikvan û stêrka Hollywoodê, balyoza dilpak a Yekîtîya Neteweyan Angelîna Jolîe bajarê Mêrdînê tewaf kir û silavek da Mêrdînîyan. Em Mêrdînî ji jinên bedew û seksî...
HOLLYWOOD, CA - AUGUST 10: Actress Angelina Jolie arrives at the premiere of Weinstein Co.'s 'Inglorious Basterds' held at Grauman's Chinese Theatre on August 10, 2009 in Hollywood, California. (Photo by Jason Merritt/Getty Images)

Reşoyê Darî

Belê, lotikvan û stêrka Hollywoodê, balyoza dilpak a Yekîtîya Neteweyan Angelîna Jolîe bajarê Mêrdînê tewaf kir û silavek da Mêrdînîyan.

Em Mêrdînî ji jinên bedew û seksî pir hez dikin. Bi taybet em mirîyê Angelîna Jolîe ne. Ji bo lotik û ramûsanek Angelîna Jolîe, em karin şaredarîya Mêrdînê jî li ser kin û bikin qurban. Ma lê nehêjaye babam? Erê vê dawîyê Angelînka me hinekî jar û zeîf bûye jî, lê ramûsanek ji wan lêvên qaling û têrgoşt bes û zêdeye.

Axxx Angelîna ax…

Xwezî bi lotikek şevê, ramûsanek ji wan lêvên sorgulî û bes. Bela wî çaxî melkemot bihata û xirrê min di qurmik de jêkira û hew.

Axir..

Li gor tê gotin, Angelîna Jolîe ji bo lêpirsîn û xweşhalîya penaberan hatiye Mêrdîn û Midyadê. Gava hatiye dê weledê xwe avêtiye. Bi taybet xort û zilam ketine dora tenûrê ji bo ku Angelîna bibînin, destê wê bigirin yan ramûsanekê jê bistînin û bi xeyalên wê  bi xwe xweş bînin, ji xwe berdin. Dibêjin hinekan destê wê maç kiriye, hinekan hinarkên rûyê wê firkandiye, hinekan xwestiye lêvên wê gez bikin û hinekan jî bi dizî pişta wê firkandiye. Lê li gor li ser tenûran tê gotin, Angelîna guh nedaye van lotikên piçûk û miçûk û tenê keniyaye.

Dibêjin Angelîna Jolîe serdana şaredarîya bajarê Mêrdînê jî kiriye û xalê me Ehmed Tirk ji bîr nekiriye. Li ser bextê fitne û fesadên şaredarîya Mêrdînê be, dibêjin gava xalê me Ehmed Tirk çav li Angelînka me ketiye, girêz bi devê wî ketiye, mûyên simbêlê wî wek şûjinan rep bûne, kember û qayîşa şerwalê wî ji ber xwe ve şemitîye û li şûna oda rûniştinê oda razanê pêş Angelînka me kiriye.

Werhasilî kelam, Angelîna Jolîe bajarê Mêrdînê tewaf kir û Mêrdînîyên me jî Angelîna Jolîe tewaf kirin.

Heta carek din xwedê mezin e.

Mêrdîn

jolie turk

lolii

Categories
KadînMagazîn

No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...