Muna xanim lotikek germik avêt

Mistefa Kerkûkî Alîkara Partîya Pêşketin û Reformê ya Turkmenan û Wekîla Parlamentoya Herêma Kurdistanê Muna Kahvecî, lotikek germ û nerm avêt û toz û dûman bi ser serê xwe...

Mistefa Kerkûkî

Alîkara Partîya Pêşketin û Reformê ya Turkmenan û Wekîla Parlamentoya Herêma Kurdistanê Muna Kahvecî, lotikek germ û nerm avêt û toz û dûman bi ser serê xwe xist.

Lotikvana Turkmen Muna Kahvecî, di daxuyanîya xwe de piştgirîya serxwebûna Kurdistanê kir û got: „Ez bi serê bavê we kim, serxwebûna Kurdistanê ne tenê di berjewendîya Kurdan de ye, herweha di berjewendîya hemû xelkên herêma Kurdistanê de ye. Wê xelkên Kurdistanê tev xêrê ji serxwebûna Kurdistanê bibînin. Em piştgirîya Barzanî û referandûma serxwebûna Kurdistanê dikin. Erê îro krîza aborî li Kurdistanê heye, lê ev nabe sedema ku Kurdistan serbixwe nebe“ û pê de çû.

Û hevallerên me çi dibêjin?

Ew jî dibêjin: „Bi şeş telaqên jinberdanê, serxwebûna Kurdistanê ne di xêra xelkên Kurdistanê û Iraqê de ye“ filan û fîstan.

Xanima Turkmen dibêje serxwebûn di berjewendîya Kurdan û xelkên Kurdistanê de ye, û hevaller jî dibêjin naaaaaaaaa, bi telaq derew e!

Îcar em rebenên xwedê emê ji kê yeqîn û bawer bikin qurban?

Ji xanima Turkmen, yan ji berdevkên xelkên dinyayê?

Bi dîn û îman ez bi xwe nizanim.

Tiştê ez zanim wek mirîşka gêj li me hatiye û hûn sax…


Kerkûk

Beş
KadînMistefa KerkûkîQuncik

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

Zêdetir

  • Hesab

    Xêrxwaza Dêrikî Dema em ji serboriyan sûde wernegrin têkçûyîn û windakirin ne dereng e, lewra heke em li xwe werneqilin û neponijin ji vebal, bedel û gunehan berpirsiyar em...
  • Li welatê ku aqil ji seriyan koç kiriye

    Li welatê ku aqil ji seriyan koç kiriye, sohbet û şevbuhêrk hemû li ser siyasetê û dîn e. Wê şevê em li malekê mêvan bûn. Ji xêndî me du...
  • Zikê têr hay ji zikê birçî tuneye.!

    Xêrxwaza Dêrikî Ezê qala salên borîn, zilm û zorê, bedel û têkçûyînê nekim, êdî qala peyvên qelew û kilasîk jî nekim. Çimkî ji dîrokê û virde bi hezaran şîret...
  • MAL NÎNE KERXANE YE!

    Cejna Remezanê derbas bû, çavên zarokan li şekir û peran bû. Dest maç kirin şekir û pere berhev kirin. Ev jî rengînîya cejnê ye. Kevneşopîya bav û kalane ku...
%d Bloggern gefällt das: