Mrz 13, 2016

HBDH li me zêde bû, wey bavooooo!

Sofî Xelef

Belê, Halklarin Birleşîk Devrim Hareketî kêm mabû, wa ew jî li me zêde bû. Yanî, zêdebûna ser kezebê ha.

PKK a ku li ser nav û xwîna Kurdan dide lotikan, çi hikmet be bi rêxistin û partîyên Kurdan re yekîtîyê çênake û wan wek dijmin dibîne. Lê ku mesele tê ser qûnbigûyên Tirkan, bi hev dibin şîr û şekir û bi hev re dizeliqin. Ne tenê bi hev, herweha li Kurdan ve jî zdizeliqin. Bingeh Kurd, lê serî Tirk in. Yên tên kujtin Kurd, lê yên dijîn Tirk in. Yên mal û bajarên wan dişewitin Kurd, lê yên ku di jiyanek xweş de dijîn Tirk in. Yanî, xelklerên li hember kujtin û wêrankirina Kurd û Kurdistanê bêdeng û dilxweş in, bi saya serê Kurdên xwelîser kêfa li ser kêfê dikin wesselam.

Axir..

Dibêjin li Kantona Qendîlê Halklarin Birleşîk Devrim Hareketi (HBDH) – Tevgera Yekgirtîya Şoreşa Xelkê hatiye avakirin û li Kantona Qendîlê dê weledê xwe avêtiye. Ev yekîtîya qerase bi def û zirne, bi slogan û stranên wek „Xelklerin Gumburtusu“ û „Oynama Şiqidim şiqidim“ hatiye pîrozkirin.

Li gor tê gotin, ev yekîtîya qerase ji van rêxistin û partîyên Tirkoleran pêk hatiye:

1-PKK
2-TKP/ML
3-THKP-C
4-MLSPB
5-MKP
6-TKEP-LENİNİST
7-TİKB
8-DKP
9-DEVRİMCİ KARARGAH
10- MLKP

Ev rêxistin û partîyên ku nikarin jin û zarokên xwe jî bikin şoreşger û her yek ji wan belkî çend mirîdên wan hene, dixwazin li Tirkîyê û Kurdistanê qaşo şoreşa xelkleran pêk bînin û tofanê bi serê hikûmeta AKP de bînin. Ev rêxistinên ku hemûyên wan çep û repên Tirkan in û bekçî û parêzerên sînorên dewleta Tirk in, yanî temamê wan Kemalîst in, bêguman parêzerên yek al, yek dewlet, yek milletên Tirkîyê ne. Tu derdê wan û têkbirina dewletê nîne, tu derdê wan û avakirina Kurdistanek serbixwe nîne, ew jî wek hevallerên me tenê li dijî AKP ne. Yanî, beroş û qapaxê hevdu dîtine û wê di wê beroşê de li gor dilê xwe û li dijî Kurd û Kurdistanê şorba xwe bikelînin.

Ez serê we û HBDH neêşînim, Tirkên ku bi kêrî xwe û şoreşa Tirkîyê nayên û nikarin hikim li jinên xwe jî bikin, wê bi saya serê PKK û hevallerên me li ser ked û xwîna keç û xortên Kurdan biçêrin û kabên xwe bavêjin.

Êh, werin kêfa li ser kêfê!

Ma heta go kerên mîna me Kurdên xwelîser hebin, çima wê zarok û çêlîkên Kemalîst xelkleran li me siwar neyên babam!

Ê de li ser xêrê be rebbî…

HBDH li Kurdên xwelîser û li Tirkên kurtanker pîroz û bimbarek be û xelas..

  • facebook
  • googleplus
  • twitter
  • linkedin
  • linkedin
Previous «
Next »

Schreibe einen Kommentar

Deine E-Mail-Adresse wird nicht veröffentlicht.

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

%d Bloggern gefällt das: