Mai 5, 2016

    Şerê kûçikan dest pê kir ma yê pisîkan

    Diyar Baban

    Piştî ku Mûqteda El Sedr alîgir û mirîdên xwe şandin ser parlamentoya Iraqê, parlamento dagîr kirin û nîhan qûna Erebên qûnreş, navbera wî û hinek sofîk û melayên Îranê sar bû. Bi taybet navbera wî Fermandarê Artêşa Qudsê yê Îranê Qasim Silêmanî bûye jehr û ziqûm, yek bûye kêr û yê din bûye penîr.

    Ne li ser bextê me be, li ser bextê fitne û fesadên Tehran û Bexdayê be, dibêjin Qasim Silêmanî peyamek ji xwe mezintir û girantir ji Mûqteda El Sedr re şandiye û şaşika serê wî xwar kiriye.

    Li gor saloxdanên sîxurên me yên sererd û binerd, dibêjin Qasil Silêmanî efendî di peyama xwe de ji şaşikmezin Sedr re gotiye: „Binere oxlim, ezê wê şaşika te têxim devê te. Kûçikên xwe kom bike û biaqil be, yan na ezê kûçikên xwe bişînim ser te û kûçikên te haaaa“ û daye lotikan.

    Ez serê we neêşînim, wer xuyaye wê ji îro û pê de şerê navbera kûçikên Serd û kûçikên Silêmanî geştir bibe. Yanî, şerê kûçikan dest pê kir, ma yê pisîkan.

    Îcar wê kîjan alî di dêlikên hev nin, aha ez wê nizanim wesselam…

    Mahabad

    • facebook
    • googleplus
    • twitter
    • linkedin
    • linkedin
    Previous «
    Next »

    Schreibe einen Kommentar

    Deine E-Mail-Adresse wird nicht veröffentlicht.

    %d Bloggern gefällt das: