Gelo dawet kengî ye?

Şîndar Berwarî Serokwezîrê berê yê Iraqê Nûrî Malikî wek Saddamê duyem tê naskirin. Malikî dijminê riknê milletê Kurd e, zilamê Îranê ye û ji bo tifaqa Kurdan parçe bike,...

Şîndar Berwarî

Serokwezîrê berê yê Iraqê Nûrî Malikî wek Saddamê duyem tê naskirin. Malikî dijminê riknê milletê Kurd e, zilamê Îranê ye û ji bo tifaqa Kurdan parçe bike, çi ji qûna wî tê dike.

Piştî demek dirêj, pozmezinê Nûrî Malikî hat Silêmanîyê û ji alî girgirekên Tevgera Goran û YNK ve wek serokê dewletekê hat pêşwazîkirin. Malikî, Goran û YNKî ewqasî li hev germ bûbûn ku, te digot qey zarokên malzarokekê ne û brayên hev in. Helbet ji bo ku referandûma serxwebûna Kurdistanê çênebe çi ji destê sofîk û melayên Tehranê tê, dikin. Serdana Nûrî Malikî jî lotikek ji lotikên Tehranê ye helbet. Sedema ku Malikî neçû Hewlêrê lê çû Silêmanîyê ev e ku nîfaqê têxe navbeya partîyên Kurdistanê û bi taybet jî Tevgera Goran û YNK li hember PDK û Barzanî sor bike, wan ji referandûma serxwebûna Kurdistanê dûr bixe.

Lê tiştê balkêş germbûna navbera Malikî û Serokê Goranê Newşîrwan Mistefa bû. Malikî û mamê me Newşîrwan Mistefa ewqasî li hev germ bûbûn ku, te digot qey yek bûk e û yek jî zava ye. Wek keç û xortê dergistî destê hev girtibûn û kêfa li ser kêfê dikirin.

Li ser bextê elokxurên nava Goran û YNK be, dibêjin Malikî soz daye Goran û YNKê û gotiye: „Kaka, heke hûn alîkarîya min bikin û li şûna Heyder Ebadî min bikin serokwezîr, bi sê telaqan ezê jî bajarê Silêmanîyê bikim bajarekî xweser“ û girêz ji devê wî herikî ye.

Yanî, qûnreşo dixwaze tilîya xwe têxe nava hingiv, têxe devê Tevgera Goran û YNK, bajarê Silêmanîyê ji Kurdistanê cuda bike û bike bajarekî xweser.

Çima?

Ji bo ku Tevgera Goran û YNK ji Hewlêrê û ji referandûma serxwebûna Kurdistanê dûr bixe.

Axir…

Em zanin, di vê serdana Malikî de wê serê gelek elokan bê jêkirin û wê Malikî, mamê me Newşîrwan û lotikvanên YNK têr goştê elokan bixwin.

Lê em tenê tiştekî meraq dikin:

Gelo daweta Malikî û mamê me Newşîrwan kengî ye?

Li gor ku wek Leyla û Mecnûn destê hev girtine, helbet divê zewac jî li dû vê evînê be yan na!

Dihok

nuri mistefa2

Beş
KadînQuncikŞîndar Berwarî

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

Zêdetir

  • Hesab

    Xêrxwaza Dêrikî Dema em ji serboriyan sûde wernegrin têkçûyîn û windakirin ne dereng e, lewra heke em li xwe werneqilin û neponijin ji vebal, bedel û gunehan berpirsiyar em...
  • Li welatê ku aqil ji seriyan koç kiriye

    Li welatê ku aqil ji seriyan koç kiriye, sohbet û şevbuhêrk hemû li ser siyasetê û dîn e. Wê şevê em li malekê mêvan bûn. Ji xêndî me du...
  • Zikê têr hay ji zikê birçî tuneye.!

    Xêrxwaza Dêrikî Ezê qala salên borîn, zilm û zorê, bedel û têkçûyînê nekim, êdî qala peyvên qelew û kilasîk jî nekim. Çimkî ji dîrokê û virde bi hezaran şîret...
  • MAL NÎNE KERXANE YE!

    Cejna Remezanê derbas bû, çavên zarokan li şekir û peran bû. Dest maç kirin şekir û pere berhev kirin. Ev jî rengînîya cejnê ye. Kevneşopîya bav û kalane ku...
%d Bloggern gefällt das: