Okt 13, 2016

    McGurk tir ji Kurdên xwelîser berda

    Azad Koçer

    Kuro ma em Kurd Kurd in?

    Roja ku cîh li me fireh bû û me ber xwe dît, emê rabin hev û dîsa berberîya hev bikin.

    Aha gotina Nûnerê Taybet ê Barack Obama Brett McGurk jî ev mesele ye.

    Nûnerê Taybet ê Barack Obama û qeraseyê zilaman Brett McGurk, di panêlekê de behsa şerê Mûsilê û derxistina rîhdirêj û zinêkarên DAIŞê kir.

    Qeraseyê zilaman McGurk, mesele anî ser Kurdên xwelîser jî û got: “Ez bi serê bavê we kim, erê zirt û gefên li ser Kurdan kêm bûne, lê roja ku Kurdên xwelîser ber xwe dibînin û cîh li wan fireh dibe, îcar wek dîk û mirîşkê radibin hev û berberîya hev dikin. Kuro oxlim, di dîrokê de belkî fersendek wek fersenda îro nekeve destên we ehmeqno, de ji hev re qenc bin, yekdeng û yekrêz bin ku em jî karibin sitarekê ji we re çêkin, em jî karibin welatekî ji we re çêkin. Ma heta kengî hûnê wek mişk û pisîkê neperûşkan ji hev bidin û tirba hev bikolin xwelîserno“ û tir ji me Kurdan berda.

    Aha mesela me Kurdên xwelîser ev e ha.

    Em wek dîk û mirîşkê, wek mişk û pisîkê radibin hev û tirba hev dikolin. Car caran bi xêra xelkê em bêm cem hev û çayekê bi hev re vexwin jî, piştî me ber xwe dît û piçekî qûna me erd girt, emê dîsa rikberî û berberîya hev bikin û kêfa xelkê li xwe bînin.

    Ax Kurdo ax…

    Zaxo

     

    • facebook
    • googleplus
    • twitter
    • linkedin
    • linkedin
    Previous «
    Next »

    Schreibe einen Kommentar

    Deine E-Mail-Adresse wird nicht veröffentlicht.

    %d Bloggern gefällt das: