Nov 30, 2020

Ma Kurd ji kê re ne dost û heval in?

Ji xeynî xwe, hema bêjin Kurd dost û hevalên herkesî ne. Ji xelkê re can û ceger, ji Kurdan re jî kurtan û ker in.

Nevîya Saddam Hisên Beanan Hisên Kamil, çend lotik avêtine û daye zanîn ku nêzîktirîn hevalên wê Kurd in.

Ê helbet canim, ma dost û hevalên herî nêzîk yên bapîrê te Saddam jî ne Kurd bûn keçko?

Belê welleh û billeh Kurd bûn!

Dehşik û mehşikên Kurd hemû hevalên bapîrê te Saddam bûn xanimê. Çima wê Kurd hevalên bapîrê te bin lê ne hevalên te bin delalê, ma Kurd nankor û bê wefa ne bavo.

Û birastî lê, gelo hevalên herî nêzîk yên dayika te jî ne Kurd in gelo?

Ew dayika te ya go dixwest heyfa bavê xwe hilîne û serweta xwe xist bin xizmeta DAÎŞ û ÎŞÎDê.

Erêêêê erêêê….

Em Kurd in serbilind in..

Ji neyar re pir rind in,,

Ji xwe re peppûk û kund in…

Kîne emmmmm!

 


Windows 10 Kaufen Windows 10 Pro Office 2019 Kaufen Office 365 Lizenz Windows 10 Home Lizenz Office 2019 Home Business Kaufen Windows 10 Lisans Office 2019 Mac Satın Al
%d Bloggern gefällt das: