Nov 30, 2020

Hesen Almas

Piştî ku serokê dinyayê Donald Trump bû serok û hetanî îro, ji mal û Koşka Spî derneketiye derve. Rebeno wek mirîşka go têkeve ser kurkê, di malê de ye.

Li gor fitne û fesad dibêjin, xwedêgiravî serokê dinyayê Trump di hindur de kufikî bûye, aciz bûye û dixwaze derkeve kêf û seyranê.

Û wê kêf û seyrana xwe ya pêşî li ku bike?

Li Vatîkan a mesîhîyan, li Îsraîl a cihûyan û li Erebistana Misilmanan.

Yanî, wê pêşî tilîyan bavêje bin dûvê girgirekên van welatan.

Yanî, mêro wê ewilî serdana her sê war û welatên pîroz ( di warê olî de) bike û piştre yeko yeko li welatên din bigere.

Piştî me bihîst go wê serok Trump derkeve serdanê, wek Partî Demokratî Lotikxane me jî nameyek qerase jê re şand û ew dawetî Koşka Reş a Lotikxanê kir. Em hîna li bendî bersiva wî ne. Heke hat û bû mêvanê me, helbet emê jî mirîşkekê jê re serjêkin û hêkên wê jî jê re biqelînin. Û heke nehat jî ji xwe wê mirîşka me ji me re kar bimîne wesselam..

Ê de hat ji vî ve….

Û nehat dîsa ji vî ve û hûn sax…

Waşîngton

 


Windows 10 Kaufen Windows 10 Pro Office 2019 Kaufen Office 365 Lizenz Windows 10 Home Lizenz Office 2019 Home Business Kaufen Windows 10 Lisans Office 2019 Mac Satın Al
%d Bloggern gefällt das: