Civata PKK û PYD ê civaka kînê ye

Rebbê zilaman, mêrê bi sed mêrî û gunikreşê me Ahmedê Berazî vê carê berê xwe da xalê me Qado Şêrîn. Me ji Berazo re got: „Kuro xwedêhişto, bela xwe...

Rebbê zilaman, mêrê bi sed mêrî û gunikreşê me Ahmedê Berazî vê carê berê xwe da xalê me Qado Şêrîn.

Me ji Berazo re got: „Kuro xwedêhişto, bela xwe li xalê me Qado mede heyran. Ji xwe rebeno por bi serî ve nemaye û nikare porê xwe biçîne jî, tu çi ji rebeno dixwazî yewel“.

Ahmedê me kirasê xwe çirand û got: „Naaaa, bi telaq heta ez lotikekê li kekê xwe Qado nexim xura laşê min naşkê û xewa min nayê exûyî“ û da lotikan.

Ê de ka bixwînin bê Berazê Kurdan çi lotik li xalê me Qado Şêrîn û şekir xistiye..

Xêr û guneh di stuyê Ahmedê Berazî de be..

——————

ahmedeberazi@yahoo.de

Min nivîsa kekê xwe Qado şêrîn ya bi navê Civata PKK û PYD ê civata kînê ye xwend. Bi ellahwkîl hema ew bû min kirasê xwe ji qehrê wî neçirand. Yawo heyî malnemîrat, hêdî bajo qurban!  Em zanin kêfa te ji wan re nayê, lê bêbextiyan li camêran neke keko. Tu bi qedrê xwedê kî, ma civata kîjan partiyên Kurdî li hemberî rêvebirê xwe gotiya na ? Tu dibê belkî em li Marsê dijîn û ne li Kurdistanê Qado can.

Ha wa ji te re ENKS  bi hezar taqî ji wan wêdetire.

Tirk û axwanan Efrîn xera kirin û hîn jî ji axwan û Erdoxan re li çepikan dixin,

Ha wa ji te re civata li pey PDK û YNK, nîvê Kurdistanê çû hîn jî pêlikan didin ber.

Ha ji te re partîyên bakur, Erdoxan 6 bajarên Kurdên bakur xera kirin û hîn jî newêrin bêjin „virt“ û dengê xwe bikin.

Kuro ma kî û ne kî!

Bi sê telaqên bê fitû, heke mabe dîsa tir di cemawerê li dû PKK û PYD  de maye lo. Qe nebe ji gişan bêhtir xwedî bahwerî ne, hero li çalakiyan e û ji bêrîka xwe dixisirin haa. Tew rebena ne gazinan dikin û ne dikin pitepit. Bi allahwekîl ku yên van partiyên din riba wan derketina kolanan, wê ji Kurdîtiyê istîfa bikirina heyran.

Ica kekê min ê hêja Qado, bi her sê telaqên jinberdanê, min digot belkî ew serê te ji aqil şût û rût bûye. Lê xuyaye kîn û nefretê ew porê te weşandiye.

De Xwedê kîna te li hember van camêran kêm bike rebbî!

Rebê alemê te li ser rêya PYD hedayet bike!

Yê bê şirîk û heval aqilekî zêrîn têxe serê te!

Rebê izetê bike ku tu bi qasî Apociyan xizmeta Kurd û Kurdistanê di piratîkê de bikî!

Hêvîya min ji melayîketên erd û ezmana ku Şêxmuhsin zimanê te kin bike  û piratîka te zêde bike û tu ji min r sax!

 

 

Categories
Ahmedê BerazîKadîn
  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...