Bi Koreyîyên bakur re ez Kurdê bakur jî dinalim

Tiştê hatî serê Koreya Bakur xwedê neyêne serê êsîrê destê gawiran! Serokê wan yê bêhempa, yê deha, yê zana, yê şareza ku ev 17 sal bûn aştî, azadî, dewlemendî...

Tiştê hatî serê Koreya Bakur xwedê neyêne serê êsîrê destê gawiran!

Serokê wan yê bêhempa, yê deha, yê zana, yê şareza ku ev 17 sal bûn aştî, azadî, dewlemendî anîbû welêt û gelê xwe kiribû nav hizûr û xweşiyek kesanedî, ji ser ruyê erdê koçî binê erdê kir.

Erê, ev dinya zalim û bêwijdan ku ji kesî re nemaye, Kîm Jong Îl jî bir.

Îcar kî wê riya rast nîşanî Koreyîyên bakur bide?

Kî wê bejinqutan bilind bike?

Kî wê mîna rojê li wan hilê?

Ji bo ku pêşengtiya wan ya di warê robotolojî, ehmeqolojî, qedexolojî, nefikirolojî ji dest neçe, kî wê ji niha û pê de rêbertiya wan bike?

Erêêê, erêêê dinyayê zalimê!

Te serokê serokan, aqilmendê rojhilat, mamoste, general, fizîsyen, kîmyager, muhendiz, astronom, bav û bapîrê Koreyîyan Kîm jî bir.

Îcar de were û pora serê xwe nede ber cuzdan û meqesan!

De were û serê xwe li dîwaran nexe!

De were û bi neperûşkan bi xwe nekeve û neke zûrezûr!

Bi şeş telaqên bêfitû, Koreyîyên bakur çiqas binalin, ji vir û heya mala xwedê mafdar in.

Û bi Koreyîyên bakur re ez Kurdê bakur jî di nav êş û janê, di nav hezn û şînê de me. Axîn û zarîna min ne li ser halê Koreyîyan, lê li ser halê me Kurdên bakur e.

Yê Koreyîyan qet nebe şens û siûda wan heye. Kurek Kîm yê jîr û jêhatî ku inşelleh dewsa bavê xwe bigre heye.

Lê serok û rêberê me Kurdên bakur, me malwêranan, me çavrijiyan, me xwelîseran, ne law e, ne ewlad e, ne jin e, ne mal e, ne mindal e, ne zar e, ne zêç e. Kurdûnde ye.

Roja ku xwedê neke, xwedê neke ew here, em Kurdên bakur wê çawa bikin? Aha ji niha de ez li ser wê roja reş digirîm û dinalim. Min por bi serê xwe ve nehişt.

Ya rebî tu wê rojê bi me nede dîtin! 

Li hezn û şîna Koreyîyan temaşe bikin

http://www.youtube.com/watch?v=2kRFXmCFwk0

Categories
Kadîn
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...