Sermiyanê me bûye masîyê ava şîrîn

Lîztikvan û derhênerê binyatKurd Sermiyan Midyat, beşdarî bernameyek NTV bû û behsa jiyana xwe û fîlmên xwe kir. Sermiyanê me di karê xwe de serketî ye û lotikvanekî temam...

Lîztikvan û derhênerê binyatKurd Sermiyan Midyat, beşdarî bernameyek NTV bû û behsa jiyana xwe û fîlmên xwe kir. Sermiyanê me di karê xwe de serketî ye û lotikvanekî temam e. Her çiqasî bi binyata xwe ji Midyadê be jî, lê wek gellek Kurdên navdar ew jî li metropolên Tirkiyê, li Stenbolê mezin bûye û Kurmancîya xwe ji bîr kiriye.

Sermiyanê me fîlmê xwe yê dawîn „Jina Hikûmetê“ li ser jîyana pîrika xwe çêkiriye. Sermiyan Midyat dibêje: „Ez li dijî her awayê nîjadperestî û cudaxwazîyê me. Di mêzîna edalet û mafdarîyê de li Tirkiyê bûme Kurd, li Almanya bûme Tirk û li Amerîkayê jî bûme çermsor“ filan û bêvan.

Sermiyanê me di derbarê zimanê xwe de jî dibêje: „Hetanî 15 salîya xwe jî min newêrîbû ez navê xwe bêjim. Ji ber navê min kesên ku bawer dikirin ez Ermenî me pir bûn. Ez bi Kurdî nizanim. Belkî jî ji tirsan ez bi Kurî neaxivîm. Ez û kesên mîna min, em Kurdên Stenbolê wek masîyên ava şîrîn in“ û pêde çûye.

Belê, masîyê ava şîrîn, ango Sermiyanê me Kurdî nizane. Belkî jî wek ew dibêje, ji tirsan bi Kurdî neaxivîye û di nava demê de zimanê xwe ji bîr kiriye. Bi deh û sedhezaran Kurdên mîna wî li metropolên Tirkiyê hene. Hem jî navdar in, sermiyandar in, maldar û dewlemend in, lîztikvan in, siyasetmedar in, muzîsyen in, desthilatdar û xwedî gotin in, serokên mafya û çeteyên xurt in. Lê mixabin tenê di gotinê de xwe Kurd dihesibînin. Ziman, mejî, xwîn, fikir û raman bûne Tirk Tirkî. Û aha ev kesên mejî Tirk îro di qada siyasetê de li ser navê Kurdan siyasetek „Tirkmancî“ û „çeqilmast“ dikin.

Îcar wê Kurd bi vê siyaseta Tirkmancî û çeqilmast bigihên kuderê, wê çi bi dest xin hûn texmîn bikin qurban…

Stenbol

Categories
Kadîn
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • Talîş kî ne ?

    Ugur Dursun Adsız Îro Kurdên Talîşî bi gelemperî di derdora Çîyayên Talîş, di navbera devletên Azerbaycan û Îranê de nîştecih bûne. Li taya Azerbaycanê de ji bajarên Başûrê Azerbaycanê...