• Di. Dez 7th, 2021

Navê vê lotikê çiye ez jî nizanim

VonLotikxane

Jun 23, 2014

Di vê demê de fersendek mezin ketiye destê Kurdan. Fersendek ewqas mezin ku serxwebûna Kurdistanê di rojevê de ye û dinya û alem behsa serxwebûna Kurdistanê dikin. Lê xuyaye kurmê darê ji darê ye. Hinek Kurdên ku xizmetkarên dewletên dagîrker in, naxwazin Kurdistan serbixwe bibe û Kurd bibin xwedî dewlet.

adil muradBerpirsê Encûmena Navendî ya Yekîtîya Niştimanî ya Kurdistanê (YNK) Adil Mûrad, ragihand ku rêxistina DAİŞ bi destê Amerîkayê hatiye damezirandin û hevkarîyê ji Erebistana Siudî, Tirkiye û Qeterê werdigire.

Adil Mûrad begefendî dibêje, mebesta DAİŞ’ê tenê ew e ku İraqê parçe parçe bike û yekîtîya Iraqê nemîne.

Adil Mûrad ku bi xwe Şîeyê Xaneqînê ye û wek xizmetkarê  Îranê tê naskirin, ji rojnama Sebah a hikûmeta Malikî re, got: ‘’Ev beşek ji hewldanên Amerîkayê ye, fikra derxistina tevlîhevîya li Rojhilata Navîn e. Loma divê alîyên İraqî bibin yek da ku wê hewldana dijminên İraqê ji holê rakin“ filan û fîstan.

Adil Mûrad begefendî gotiye ku “ DAÎŞ tenê êrîşî pêşmergeyên YNK dike û êrîşî pêşmergeyên PDK nake“ û pê de çûye.

Ecêb e, çawa meriv Kurd be, li ser navê Kurdan siyasetê bike û rabe li dijî serxwebûna welatê xwe derkeve û yekîtîya xaka dagîrkerên xwe biparêze.

Îcar nizanim ji Adil Mûrad re çi bêjim û çi navî lê bikim wellehil ezîm.

 Silêmanî

Schreibe einen Kommentar

Deine E-Mail-Adresse wird nicht veröffentlicht.

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.