Bi can, bi xwîn, em bi te re ne ey serok!

Belê, lotikvanê Ruhayî, kilê çavê jin û pîrejinên 50-70 salî, bilbilê bexçê îsotên Ruhayê Îbrahîm Acises, biryar da ku di hilbijartinên îsal de bibe namzetê Ruhayê û berê xwe...

Belê, lotikvanê Ruhayî, kilê çavê jin û pîrejinên 50-70 salî, bilbilê bexçê îsotên Ruhayê Îbrahîm Acises, biryar da ku di hilbijartinên îsal de bibe namzetê Ruhayê û berê xwe bide parlamentoya Tirko û virqo.

Îbrahîm Acises, berî niha jî carekê xwe kiribû namzetê Ruhayê û dixwest berê xwe bide nav garana meclîsa Enqerê. Lê wê carê felek pê re xayîn ket û nehat hilbijartin. Lê vê carê serokê serokan Îbrahîm Acises bi xwe emîn e ku wê hemşerîyên wî yên Ruhayî wî hilbijêrin û wek wekîlê xwe wî bişînin meclîsa Kantona Enqerê.

iboLi gor saloxdanên sîxurên me, heke Îboyê me bê hilbijartin û bibe wekîl, xizmetên ku wê ew ji Ruha û Ruhayîyan re bike ev in:

1- Serê malê wê dolimek erdê îsotan bide wan

2-Mehê carekê wê ziyafet û mûlida lehmecûn û ecînê (çîx kofteyê) bide Ruhayîyan.

3- Du mehan carekê wê konserek belaş pêşkêşî hemşerîyên xwe bike.

4- Sê mehan carekê wê qurs û dersa „linhên xwe zêdeyî bejna xwe dirêj nekin“ bide Ruhayîyan ( ji ber wî jî lingên xwe zêdeyî bejna xwe dirêj kir û we dît bê çi tofan hat serê wî, felc kirin).

5- Şeş mehan carekê wê dersa „muzîka Kurdî çawa tê dizîn û çawa dibe Tirkî“ bide stranbêjên Ruhayê.

Û wekî din….

Axir û ez serê we neêşînim, dibêjin di destpêkê de Îboyê me dixwaze bibe wekîl, piştre serokwezîr û piştre jî serokkomarê Demoqratîk Tirko Cimhûrîyetî.

Û heke temenê wî têr bike û wek Turgut Ozal neyê jehirdarkirin, nêta wî heye ku bajarê Ruhayê bike KANTON û Karton û xwarina wê ya millî jî bike Kartol!

Ê de haydê babam, dengê min ji Serok Îbo re ye allahwekîl…..

Ruha

Categories
Kadîn
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...