Aha ev lotikek xweş e allahwekîl

Gerîllayê Bênav Hinek dibêjin „Her tişt di navbera herdu lêvên Ocalan de ye. Bêje erê erê ye, bêje na na ye“. Lê hinek caran dixuye ku ne wilo û...

Gerîllayê Bênav

Hinek dibêjin „Her tişt di navbera herdu lêvên Ocalan de ye. Bêje erê erê ye, bêje na na ye“. Lê hinek caran dixuye ku ne wilo û wisa û wer e.

Hikûmeta Kasimpaşalî Erdogan ev serê çend sala ye ku di bin navê çareserî û mizakereyan de Kurdan dixapîne û wek gok û topê bi Kurdên xwelîser dilîze. Armanca sermezino û hikûmeta wî ew e ku PKK bê qeyd û şert çekên xwe deyne û were di gasîn û bênderên Tirkîyê de bê şekal û pêlav bi gok û topê bilîze. Yanî, dixwaze çekên PKK jê bigire, wê bixesîne û ji çap bixe.

Hêvîya AKP û HDP ew e ku tenê Ocalan kare bangê li PKK û Qendîlê bike ku çekên xwe deynin û teslîm bibin. Lê general, başçawîş û onbaşîyên Qendîlê bi daxuyanîyek qerase bi mîrkutan rabûn AKP, HDP û Ocalan û gotin, nabeeeeeeee û nabe!

Generalên Qendîlê dibêjin “ biryara çekdanînê ne di destê Ocalan û HDPê de ye babam, bi şeş telaqên jinberdanê, heta ku Ocalan neyê azadkirin û gavên ciddî neyên avêtin, çek nayên danîn wî, ma em zarok in oxlim“ filan û fîstan.

Hevserokatîya Konseya Rêveber a KCK di daxuyanîyekê de ragihand ş got:“ Nabe ku Ocalan di şert û mercên Îmraliyê de banga çekdanînê li gerîllayan bike, nabe ku ti kes banga çekdanînê li Ocalan ferz bike û eger ferz kir jî ev yek nayê qebûlkirin. Partîya Demokratîk a Gelan (HDP) jî nikare banga çekdanînê li gerîllayan bike, ji ber ku ne partîyek qanûnî ya Partîya Karkerên Kurdistanê (PKK) ye. Bi dîn û îman, bi namûsa mêrên berê, heta pirsa Kurd li Tirkîyê çareser nebe, hêzên gerîlla dernakevin derveyê Tirkîyê û dev ji xebata çekdarî bernadin.Em virde wêde nizanin qardaşim, divê gavên cidî ji bo xurtkirina agirbesta di navbera dewleta Tirk û PKKê de bên avêtin û parlementoya Tirkîyê rola xwe di çareserkirina pirsgirêka Kurd de bilîze, ji ber vê yekê pêwîstîya Tirkîyê bi destûrek nû heye“ filan û xeftan.

Axir, general, başçawîş û onbaşîyên KCK ji ferzkirinên HDP û başqan Ocalan re gotin STOOOOPPPPPPP!

Ê de li ser xêrê be rebbî…

Qendîl

Categories
Kadîn

No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • Talîş kî ne ?

    Ugur Dursun Adsız Îro Kurdên Talîşî bi gelemperî di derdora Çîyayên Talîş, di navbera devletên Azerbaycan û Îranê de nîştecih bûne. Li taya Azerbaycanê de ji bajarên Başûrê Azerbaycanê...