Dez 1, 2020

Ehmed Beyan

Belê, Leyloka me, ango xaltîka me Leyla Zana, di dema sûndxwarina meclîsa Tirko û virqo de dîsa lotikek paşûpê avêt û deng bi xwe xist.
Wek bê bîra we, Leyloka me di hilbijartinên 7 Hezîranê de dîsa di meclîsa Tirko de sûnd xwaribû. Hem jî wek bilbil xwendibû û bêyî ku gotinekê jî biguhere sûnda meclîsê daqurtandibû. Lê vê carê meqesek li sûndê xist û mejîyê Kurdan dîsa kir şorbe.

Leyloka me vê carê dema sûnd xwar, berê xwe da Kasimpaşalî Receb, got: „Ji bo aştîyek bi rûmet û mayîn de“ û dest bi xwendina sûnda xwe kir. Her tişt temam û bê qisûr xwend. Yanî „devletin bolunmez butunlugune, Atavirq devrim ve inkilaplarina bagli kalacagima“ û quzilqurtên din bêqisur xwend û xwedî lê derket. Lê ku dor hat ser gotina „buyuk Turk milleti„, got „buyuk Turkiye milleti“ û tofan û tirabêlk rakir.

Êêêêêê, yanî te çi qencî kir xaltîka Leyla?

Ha „buyuk Turk milleti“ û ha „buyuk Turkiye milleti„, ma herdu jî ne heman gû ne? Em bêjin bela „buyuk Turkiye milleti“ rîx be, ma dîsa bêhna gû û bêhna gennî jê nayê keçko?

Maden nêta te û guhertina sûndê hebû, madem te dixwest qencîyekê bikî û di nava sûnda Tirkan de birî, qe nebe te bigote „buyuk Turkiye milletleri“ yan „buyuk Turkiye xelkleri“ dîsa me dengê xwe nedikir û meyê bigota „şabaş ji xaltîka me Leyla re şabaş!“.

Lê îcar „buyuk Turkiye milleti“ çi quzilqurt e, çi jehr û ziqûm e xwedêhiştê?

Ez serê xwe û we neêşînim, xaltîka me Leyla Zana hem li nêl xist, hem li bizmêr. Ne xwe ji meclîsa Tirko, sûnda wan û 17 hezar lîreyên wan bi dûr xist û ne jî dilê Kurdan ji xwe hişt. Yanî, ne şîş yansin ne kebab (ne şîş bişewite ne kebab).

Axir û werhasilî kelam, xaltîka me Leyla Zana dîsa jî bi 101 qatî ji wan dewşîrme û çeqilmastên di nava HDP de çêtir e, Kurdperwertir e û dilşewattir e. Erê carna lotikên paşûpê û paşpaşkî davêje jî, lê rebenê ew jê tê û qey nikare derkeve derveyî sînorên sîstema Tirko û Kemalo wesselam..

Dîsa jî ez vê lotika xaltîka xwe Zana pîroz dikim û bi hêvîya ku carek din di meclîsa Tirko de hew vê sûnda nîjadperest bixwîne…

Enqere


Windows 10 Kaufen Windows 10 Pro Office 2019 Kaufen Office 365 Lizenz Windows 10 Home Lizenz Office 2019 Home Business Kaufen Windows 10 Lisans Office 2019 Mac Satın Al
%d Bloggern gefällt das: