Jan 28, 2016

    Osmanê me bû lehî

    • by Lotikxane
    • 3 Years ago
    • Kadîn
    • 430 Views
    • 0

    Av.E.Dîlan

    Birastî niznim ne bikenim, ne bigirîm. Em Kurd ketine rewşek wisa ku nayê gotin.

    Qeraseyê zilaman, xalê me Osman Baydemîr, xwest di meclîsa Tirko û Virqo de şowekê bike, lotikekê bavêje û qaşo dilê Tirkoleran bi hal û rewşa Kurdan bişewitîne. Lê lotika wî fêde nekir, xwe di nav Tirkan de kir qirdik, xwe û em Kurd kirin benîştê devê Tirkoleran. Osmanê me di dema axavtina xwe de xwest bala wekîlên meclîsa Tirko-Virqo bikşîne ser şer û pevçûnên li Sûr, Cizîr, Silopî û Nisêbînê û xwêsîya wî di qirika wî de ma, nîvgirî bû. Belkî dilê me Kurdên xwelîser pê şewitî be û me mebesta wî fêhm kiribe.

    Lê Tirk?

    Adinî rojê Tirk çi bêjin başe hûn zanin?

    „Hendekçîler aglamaya başladî – Xendekçîyan dest bi girî kir“ flan û fîstan.

    Law ma meriv li ber Tirkan xwe piçûk dike û digirî xwedêhişto?

    Ma tu Tirkan nas nakî qardaşim?

    Tu hêvî û lavan ji kê dikî babam?

    Ma tu nizanî adinî rojê wê Tirk vê lotika te başûpê û paşpaşkî li te vegerînin cîgerim?

    Yanî bi girî te qencîyek kir?

    Na welle, bille û tille na!

    Tenê te xwe jî û me Kurdên xwelîser jî di çavê Tirkoleran de piçûk xist, belengaz xist û te hişt ku em hew karibin li cem Tirkan devê xwe vekin.

    Ma girî mêranîyek e qurban, mêranî ne girî ye. Mêranî ew e ku hûn terka meclîsa Tirko bikin, dev ji demokratîk û memokratîkbûna Tirkoleran berdin, xort û keçên me di ber wan de nedin kujtin, di xendek û çal û koncalan de bimîzin û sînorekî bikşînin navbera xwe û „Xelklerin Qardaşlixî“ û „Ortax Vatan“ ê xwe. Mêranî ew e ku hûn wêne û sûretê Atavirqo û alên Tirko-Mirko di salonên xwe de hew daliqînin, hew xwedî lê derkevin.

    Berê digotin „Girî karê pîrekan e, zilam nagirîn“ filan û fîstan.

    Lê ez bi serê xalê xwe Osman kim, Osmanê me ev gotin jî serûbinê hev kir û kir „Girî karê zilaman e, pîrek nagirîn“ allahwekîl…

    Ma me ji bo girî hûn şandine meclîsa Tirko yaw, waweylê….

    Girî nîşana belengazî, bêçaretî û teslîmîyetê ye wesselam…

    Enqere

    • facebook
    • googleplus
    • twitter
    • linkedin
    • linkedin
    Previous «
    Next »

    Schreibe einen Kommentar

    Deine E-Mail-Adresse wird nicht veröffentlicht.

    Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

    %d Bloggern gefällt das: