Şîrêza Tirkmancan

Aram Serhedî Tirk, Tirkên dewşîrme û çeqilmast li serê me Kurdan bûne belayek mezin û em dikin û nakin nikarin xwe ji vê vîrûsa sedsala 21ê xelas bikin. Hinek...

Aram Serhedî

Tirk, Tirkên dewşîrme û çeqilmast li serê me Kurdan bûne belayek mezin û em dikin û nakin nikarin xwe ji vê vîrûsa sedsala 21ê xelas bikin. Hinek ji van Tirkên dolheram bi paraşûrê dadikevin ser serê Kurdan, hinek ji kîsikê tombalayê derdikevin û dibin nesîbê Kurdan, hinek jî wek kêzikên nava rêxê bi Kurdan ve dizeliqin.

Aha ji we re xaltîka Tirkmancan û koçbera Bûlgarîstanê Nursel Aydogan.

Gerçî heqê me lê tune em vê xanima germik û nermik rexne bikin. Ji ber xanimê rastîya xwe û partîya xwe dibêje û venaşêre. Rexneyên herî mezin, ew Kurdên me yên xwelîser, ewên ku dane û didin dû qûna van Tirkên dewşîrme û cilika wan dikşînin serê xwe, heq dikin.

Axir…

Mesela me li ser xaltîka Kurdên xwelîser Nursel Aydogan bû.

Nurselka me berî niha jî, çend carên din jî bi mêranî derketibû pêşberî çapemenîyê û gotibû: „Ne ji Ocalan û PKK bûya Kurdistan ji zû de çêdibû. Yê ku li pêşberî serxwebûna Kurdistanê asteng in, Ocalan û PKK ye“ û rastîya xwe, partîya xwe HDP û PKK anîbû zimên.

Piştî wê lotikê, niha jî dîsa lotikek avêt û dîsa bi mêranî rastîya xwe û partîya xwe HDP anî zimên.

Keçê wey aferîn ji te û lotikên te re!

Xaltîka Nursel vê carê çi got:

Siyaset û helwesta hikûmeta AKP rexne kir û got: „Ji tasfîyekirina HDPê tiştek dernakeve. Di eslê xwe de HDP ji bo Tirkîyê şansekî mezin e. HDP xelkên Tirkîyê wek zemq û şîrêzê bi hev ve dizeliqîne û li hev radigire“ filan û fîstan.

Yanî, xaltîka we Nursel xanim dixwaze bêje ku „Ne ji HDP be, wê Tirkîye parçe bibe. HDP rê li ber parçebûn û parçekirina Tirkîyê digire û nahêle Kurdistanek serbixwe ava bibe“.

Heyran, ez bi serê te û bavê te kim Nursel xanim, ji rastîyê xweştir tiştek tuneye.

Tu rast dibêjî û xweş dibêjî.

Lê ka ew Kurdên ku te fêhm bikin?

nurselke

Beş
Aram SerhedîKadînQuncik

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

Zêdetir

  • Hesab

    Xêrxwaza Dêrikî Dema em ji serboriyan sûde wernegrin têkçûyîn û windakirin ne dereng e, lewra heke em li xwe werneqilin û neponijin ji vebal, bedel û gunehan berpirsiyar em...
  • Li welatê ku aqil ji seriyan koç kiriye

    Li welatê ku aqil ji seriyan koç kiriye, sohbet û şevbuhêrk hemû li ser siyasetê û dîn e. Wê şevê em li malekê mêvan bûn. Ji xêndî me du...
  • Zikê têr hay ji zikê birçî tuneye.!

    Xêrxwaza Dêrikî Ezê qala salên borîn, zilm û zorê, bedel û têkçûyînê nekim, êdî qala peyvên qelew û kilasîk jî nekim. Çimkî ji dîrokê û virde bi hezaran şîret...
  • MAL NÎNE KERXANE YE!

    Cejna Remezanê derbas bû, çavên zarokan li şekir û peran bû. Dest maç kirin şekir û pere berhev kirin. Ev jî rengînîya cejnê ye. Kevneşopîya bav û kalane ku...
%d Bloggern gefällt das: