Pirsgirêka yekem a Tirkiyê pirsgirêka Kurd e

Hamid Mihemed Elî Temenê pirsgirêka Kurd li Tirkiyê ji 100 salan zêdetir e. Ji peymana Sykes-Picot ku biryara parçekirina Kurdistanê hate dayîn û li gel peymana Lozanê ya 1923ê...

Hamid Mihemed Elî

Temenê pirsgirêka Kurd li Tirkiyê ji 100 salan zêdetir e. Ji peymana Sykes-Picot ku biryara parçekirina Kurdistanê hate dayîn û li gel peymana Lozanê ya 1923ê jî biryar hate pêkanîn, heta niha berdewam dike.

Eşkere ye ku heta ev pirsigirêk çareser nebe, li Tirkiyê ewlekarî û aramî bi temamî serdest nabe. Ji ber vê yekê jî pir giringe ku piştî şikestina hewldana darbeya 15ê Tîrmehê û bidawî anîna metirsiyên darbeyê, divê rojeva yekem a Erdogan û partiya wî, vegera pêvajoya aştiyê be û jib o çareseriya vê pirsê gavan biavêjin.

Rast e, dibe ku baweriya AK Partî bi temamî ji berpirsên HDPê û heta ji Selahattîn Demîrtaş neyê. Lê ev yek nayê wê wateyê ku pirgirêka Kurd a li Tirkiyê bê piştguhxistin an jî giringî pê neyê dayîn.

Ji ber ku ev pirsgirêk tenê yê HDPê û herwiha tenê yê PKKê jî nîne. Ji ber ku pirsgirêka axekê fireh û gelekê 25-30 milyonî ye. Pirsgirêka duwemîn mezintirîn neteweya li Tirkiyê ye ku zêdetirê 100 salan e weke “Tirkiyên çiyayî” hatine binavkirin.

Pirsgirêka gelekê ye ku di serdema Osmaniyan de û di serdemên destpêka Komara Tirkiyê de jî beşdarî bidestxistina hemû destkeft û serweriyên Tirkiyê û navçeyê kiriye.

Êdî nayê qebûlkirin ku ev pirsgirêk bê piştguhxistin. Di serdema desthiladariya Erdogan û partiya wî de, vebûnek berçav berbi Kurd û Kurdistana Bakur de pêkhat û di ware çand, medya, xwendin û warênd in de gav jî hatine avêtin.

Nabe ku ji van pêngavan peşde vegerin. Divê bi destpêşxeriyek (înîsîyatîf) nû yê siyasî û bi wêrekî careke din bêne ser xetê, li gel herdu partiyên din ên mûxalefetê, weke pirseke giring ê nîştîmanî li hev bikin û li ser hestyariya gelên Tirkiyê biaxivin.

Nabe AK Partî bi nîgeranî li HDPê û herdu partiyên din binere yan jî bi çavê HDPê û yên din li pirsgirêka Kurd binêre, helwest li hember çareseriyê werbigre.

Berovajî, pêwîste bi çavê vê pirsa giring a dîrokî li HDPê û PKKê binere. Ji ber ku vê pirsgirêkê HDP û PKK ava kir, berovajî HDP û PKKê pirsgirêka Kurd ava nekirine.

Rûdaw

Beş
Mêvan

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

Zêdetir

  • Îxanet!

      Şeyhmûs Ozzengîn Yek ji endamê Meclîsa Netewî a Tevgera Goran bi navê Karwan Haşîm, beşdarî programeke kanelekî Kurdî bû. Karwan Haşîm, di axivtina xwe ya di wê bernamê de...
  • Dawet ferikî, berbûk hetikî

    Hilbijartinên serokkomarî û wekîltîya meclîsa Tirkîyê di 24ê Hezîranê de pêk hat û bi dawî bû. Dîrok dîsa dubare bû, heman tas û heman hemam, heskes gîha meqsed û...
  • Doza Kurd û Hilbijartin

    Xidir Ûso Ev bi dehên salan e ku her dema hilbijartina endamên parlamentoya tirk tê, rojeva cıvata Kurd jî bi nîqaş û munaqeşeya hilbijartin û sîyaseta dewleta tirk tê...
  • Li Bakur Siyaseta Çolkirinê…

    Şerefxan Cizîrî Heke Kurdên Bakurê Kurdistanê di nava xwe de tifaqên Milî ava nekin, ji hêla netewayetiyê de li pêşiya Kurdên Bakur çoleke zıpîzûwa heye… Doz ne ya partiyeke...
%d Bloggern gefällt das: