De bela bên ha, serhişkno!

Serokkomarê Dewleta Tirk û qeraseyê zilaman Recep Tayyip Erdoğan, di axaftina xwe ya Foruma Kar a Navneteweyî de, Partîya Ekolojîk û Demokratîk a Gelan (HDP) da ber lotikan û...

Serokkomarê Dewleta Tirk û qeraseyê zilaman Recep Tayyip Erdoğan, di axaftina xwe ya Foruma Kar a Navneteweyî de, Partîya Ekolojîk û Demokratîk a Gelan (HDP) da ber lotikan û bi mîrkutên mîranî rabû ser serê rêvebirên HDP.

ciletci-mihe

Serokê Tirkên sererd û binerd sayin û pir mezin Erdogan, di axavtina xwe de soro moro bû, hêrs bû û got:  “Me ji wan re got; law oxlim, kundirno, serhişkîyê nekin, hevalê lingê şemitî nînin, pişta xwe bi PKK, PYD û YPG qewîn nekin. Lê mêrikan bi ya me nekirin, serhişkî kirin û li zirna xwe xistin. Êêêê, we çi bi ser xist bavê min? Bi qerpika srutê we girtin û hûn xistin qulika hepsê. Ê de bela bên ha oxlim, de bela PKK, PYD û YPG bên û we rizgar bikin ha, tiiirrrrrrrrr û şabaş!” û da bin dûvê HDPî yan..

Wek hûn zanin cîgerno, halîhazir Hevserokên HDP Selahattîn Hesintaş, Fîgen Alçakdag û çend wekîlên din ên HDP bi tohmeta emdantîya PKK hatine girtin û di hepsên dewletê de tizbîyên xwe dikşînin, ji xwe re şelewatan vedidin û li benda rizgarkirinê ne.

Îcar ji qewla Kasimpaşalî Erdogan ve, ê de bela bên we rizgar bikin ha kezebno!

Ka ewên go di şikeftên Qendîlê de rê li ber pêşketina we digirtin û xefik li ber we datanîn lo!

Erêêêêê, erê dinyayê erê!

Heyf û 101 carî heyf!

Çawa meriv di meclîsa Tirko de xwedîyê 80 wekîlên qerase û partîya sêyemîn be, û çawa meriv bi lotik û zîtirkên şaş û siyasetek xelet têkeve vî halî law.

Wey weledddddd û 101 carî wey weled!

Ê de xwedê ahê te ji xêrnexwaz û fitne û fesadan re nehêle Selooooooo!

Stenbol

 

Categories
Cilêtçî MihêNivîskar
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Sekn û helwesta serek û rêberan

    Di şerê cîhanê yê duyem de nazîyên Hîtler lawê Stalîn ê leşker hêsîr digirin. Rûs jî generalekî almanan hêsîr digirin. Ji bo pevguhertina hêsîran danûsitendin dest pê dikin. Lê...
  • Serok Papa

    Serok Papa siwar hat û peya çû, lê dixan û hicac li pey xwe hişt û çû. Carinan hesabê malê û sûkê li hevdu dernakeve, mixabin û bêhişî û...
  • Rê û rêwîtî û serpêhatîyên şifêran

    Ev du roj in ez rêwî me; ez derketime rêwîtîya peyvan. Heta ev rêwîtî bi dawî bê, ez ê tenê li ser vê rêwîtîyê û serpêhatîyên şifêrên heval binivîsînim....
  • Sernivîs û binnivîs, Arifo hema binivîs!

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...