Keçelo kumê me li serê te

Çiqas yekî ku bi kêrî Kurdan neyê û ne di xêra Kurdan de be, wek toqa naletê ketiye stuyê Kurdan û jê re bûye serok û rêber. Kesên ku...

Çiqas yekî ku bi kêrî Kurdan neyê û ne di xêra Kurdan de be, wek toqa naletê ketiye stuyê Kurdan û jê re bûye serok û rêber. Kesên ku li ser keda Kurdan, li ser xwîn û xwêhdana Kurdan diçêrin û bi deng û rayên Kurdan bûne wekîl û parlamenter, îro nankorîyê li Kurdan dikin û pêl namûs û xîreta Kurdên xwelîser dikin.

esrakes-ehme

Xalê me Hasîp Kaplan, ku bi salan bi deng û rayên Kurdan di parlamentoya Tirkan de xwar û vexwar û bêrîka xwe germ kir, îro Kurdan bi tohmeta bêxîretî û xulamtîya desthilatdarîya Tirkîyê sûcdar dike û nankorîyê dike.

Çima ku ji bo girtina wekîlên HDP Kurd derneketine qad û meydanan û xwe nedane kujtin, Hesîbê me rabûye daye zîtirkên bergîlkî û Kurd wek “yavşak – bêxîret, qûnde, jihevdeketî” û xulamên desthilatdarîya Erdogan, wek qewmê kewê daye nîşandan û heqaretek mezin li Kurdan kiriye.

Ê başe oxlim, xalê Hesîb!

Gava we Cizîr, Silopî, Şirnex, Sûr, Nisêbîn û deverên din bi mahneya şerê xendekan dan wêrankirin û kevir li ser kevir nehişt, gava hûn bûn sebebê kujtina 7-8 hezar keç û xort û jin û zarokên Kurd, gava hûn bûn sebebê koçberbûna bi milyonan Kurd, çima we gûyek nexwar û we dev ji parlamentoya Erdogan berneda, çima hûn derneketin qad û meydanan cîgerim? Yan 10 wekîlên HDP ji 7-8 hezar xort û keçên Kurd çêtir û giranbuhatir in? Yan ê we can e, lê yê xelkê xiyar û bacan e? Yan jî hûn ji qutkirina 19 hezar lîreyên meclîsa Tirko ditirsin? Hûn ditirsin ku 19 hezar lîre ji ser we bên qutkirin û bêrîka we qul bibe ne wilo?

Law xwedî wîjdan bin, ne nankor bin gidî.

Madem hûn ewqasî bi xîret in, de mêranîyekê bikin û ji meclîsa Tirko îstîfa bikin, derkevin qad û meydanan, bidin pêşîya Kurdan û sînga xwe ji fîşek û guleyên esker û polîsên dewletê re bikin sîper. Aha wê gavê heke Kurd bi we re derneketin qad û meydanên şer, heqê we heye hûn gazindan bikin.

Na lo!

Hûn di meclîsa Erdogan de li ser kursî û dîwanên çermê xezalan qûna xwe germ bikin, mehane 19 hezar lîre têxin bêrîka xwe (meaşê 15 malbatan e), li ser ked û xwîna Kurdan biçêrin, û dûv re jî Kurdan bikin bêxîret, yavşak û xulamên desthilatdarîya Erdogan ha.

Îcar kî yavşak e, kî tirşikçî ye, kî qewmê kewê ye Hesîb beg?

Ê de here qûna xwe bişo xalo can!

Amed

hasip

 

 

 

 

 

 

 

 

 

 

 

 

 

 

hesibo-kopie

Categories
Esrarkêş EhmêKadînNivîskar
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Sekn û helwesta serek û rêberan

    Di şerê cîhanê yê duyem de nazîyên Hîtler lawê Stalîn ê leşker hêsîr digirin. Rûs jî generalekî almanan hêsîr digirin. Ji bo pevguhertina hêsîran danûsitendin dest pê dikin. Lê...
  • Serok Papa

    Serok Papa siwar hat û peya çû, lê dixan û hicac li pey xwe hişt û çû. Carinan hesabê malê û sûkê li hevdu dernakeve, mixabin û bêhişî û...
  • Rê û rêwîtî û serpêhatîyên şifêran

    Ev du roj in ez rêwî me; ez derketime rêwîtîya peyvan. Heta ev rêwîtî bi dawî bê, ez ê tenê li ser vê rêwîtîyê û serpêhatîyên şifêrên heval binivîsînim....
  • Sernivîs û binnivîs, Arifo hema binivîs!

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...