Dez 1, 2020

Sîxura Lotikxanê di dema civînek navnetewî de serokê Amerîka Barack Obama da ber bombebarana zelqan û ew di nav serokên cîhanê de şermezar kir. Çalakîya ku sîxura me bi întîxarwarî pêk anî û kujtina xwe jî dabû ber çavê xwe, bê zîyan encam da û sîxura me bi halla halla, bi kêf û şahî vegerîya lûs û hêlîna xwe.

Ev çalakîya ku bi salan amadekarîya wê dihat kirin û bi taktîk û stratejîyek mezin pêk hat, di nav insan û heywanên cîhanê de deng da. Piştî vê çalakîya bêîman, rêxistina Lotikleaksê bi belavokekê berpirsiyarîya çalakîya întîxarwarî girt ser xwe û xwedî lê derket.

Çalakîya ku sîxura me li Hawaî bajarê Hûnûlûlû li dijî Reşo Obama pêk anî û ew di nav zelqan de hişt, rojeva serokên Asya, Ewrûpa û Îskandînawya serûbinê hev kir û hişt ku serokên dinyayê Reşo Obama wek „Zelqo“ bi nav bikin.

Axir, ji ber germahî û dijwarîya zelqa sîxura Lotikxanê Obama nikarîbû li ber xwe bide, yekser bi serê xwe girt û kir qîr û hewar, tevzînok bi canê wî ket û dest bi xwendina ayet û yasînan kir.

Ji bo vê çalakiya lotikvanî, em wek rêxistina Lotikxanê, lotikvana xwe xelat dikin û „Medaliya Nokên Zêrîn“ (Nehk) pêşkêşî wê dikin (Bi mebesta ewlehiya jiyana wê, em navê lotikvana xwe nehênî dihêlin). Heta deh roj û deh şevan wê sîxura me li ser hesabê Lotikxanê li cihê ku bixwaze seyran û geştê bike û bi dilê xwe zelqan bike. 

Meclîsa Lotikxanê biryar da ku pîlan û projeyên çalakiyên bi vî şêweyî berdewam bikin û vê carê jî wê serê Erdoxan û Beşar Esed bibe armanca bombebarana zelqên sîxurên Lotikxanê.  
Hawaî


Windows 10 Kaufen Windows 10 Pro Office 2019 Kaufen Office 365 Lizenz Windows 10 Home Lizenz Office 2019 Home Business Kaufen Windows 10 Lisans Office 2019 Mac Satın Al
%d Bloggern gefällt das: