Feb 21, 2016

    Ji dil e, yan ji qirikê û jor de ye?

    • by Lotikxane
    • 3 Years ago
    • Kadîn
    • 427 Views
    • 0

    Abdûllah El Kurdî

    Hûn zanin, çi dema ku Tirk, Faris û Erebên zikmezin dikevin tengayîyê, hew we dît şaşikên xwe li serê Kurdên xwelîser kirin, pesnê wan dan û ew firandin ber perê ezmanan. Lê ku cîh li wan fireh bû û bi firê ketin, hilê Kurdan li milê wan dikin û di kodika wan de dirîn. Siyaseta bratîya îslamê ji wan re bûye wek çîroka axirzemana û ha ha pê Kurdan dixapînin wesselam.

    Alimê Siûdî Erebistanê Dr Şeyh Muhammed El Arifî, da lotik û zîtirkan, şaşika xwe ji serê xwe avêt, bi 101 telaqên jinberdanê sûnd xwar û got: „Exûyî, li ser bextê min û bavê min be, Kurd xwedîyê dîrokek bi şan û şeref in. Kurdan di dîroka xwe de herdem xizmeta îslamê kirine. Ji Kurdan alim û hafizên navdar derketine. Kurd leheng û qehreman in. Xwedê wan biparêze“ serê hefsêr berda.

    Ma kî van gotinên şahîk û girover ji Kurdan re nabêje qurban?

    Ka go hûn ji dilê safî bêjin û derewan nekin.

    Gava mesele dibe bratîya îslamê, Kurd li ber dilê wan dibin şîr û şekir, dibin dims û hingiv. Lê ku Kurdan behsa serxwebûn û dewleta Kurdistanê kir, hew we dît rû û mikûsê wan bû gû û jehr jê barîya. Ew Kurdên ku xizmeta îslamê kirine û dikin, di dema serxwebûn û dewletxwestinê de li ber çavên wan dibin kafir, dibin terorîst, cudaxwaz û dijminên îslamê.

    Gava berjewendîya wan tê de hebe û çêbû, Kurd bra ne.

    Gava berjewendîya wan tê de hebe û çêbû, Kurd qehreman in.

    Gava berjewendîya wan tê de hebe, Kurd Ristemê Zal in, Selaheddînê Eyyûbî ne.

    Lê ku li dijî berjewendîyên wan rabin, kole, parsek û sêwî ne.

    Hey min di siyaseta we û şaşikên we kirinoooooo!

    Erebistan

    • facebook
    • googleplus
    • twitter
    • linkedin
    • linkedin
    Previous «
    Next »

    Schreibe einen Kommentar

    Deine E-Mail-Adresse wird nicht veröffentlicht.

    Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

    %d Bloggern gefällt das: