Nov 30, 2020

Hesen Almas

Fûtbolgêrê kevnare û navdar Pele, dîsa lê rabû û cara sêyem zewicî. Her çiqasî me jê re got ku „law mala xwe nebe mîratê, tu du caran zewicî û te têra xwe nîhandin kirin, bes e oxlim“ jî, lê mêro bi ya me nekir.

Axir, lîztikvanê gok û fûtbolê Pele, berî niha du caran mala xwe biribû mîratê û zewicî bû bavê pênc zarokên reşik bû. Piştî ku herdu jinên xwe berdan û ew şandin malbavanan, dîsa lê rabû û hedana wî bê jin nehat. Mêro rabû di 75 salîya xwe de bi xanima germik û nermik Marcia Aoki Cybele re zewicî û dest bi lotikan kir.

Di vê derbarê de me jê pirsî:

„Birêz Pele, law reşo, gelo di 75 salîya xwe de tê karibî jina sêyem îdare bikî oxlim, ma fîşekên te mane?“

Bû tîqetîqa wî, kenîya û got:

„Kuro law ma çawa nikarim jina sêyem îdare bikim xwelîser. Ez bi koka xwe Afrîkî me, reşik û beşik im. Xiyarê nav lingê min nîv metroyê dirêj e, ne ditewe, ne sist dibe û ne jî dişkê. De îcar xweş e ha, law Reşo Beşo Obama 200 milyon Amerîkî îdare dike, ma yekî wek min wê nikaribe jina sêyem îdare bike kero“ û girêza devê wî herikî.

Werhasilî kelam, Peleyê me cara sêyem zewicî û gîha miradê xwe.

Ê de aqûbet li serê we be jî rebbî…

Amerîka


Windows 10 Kaufen Windows 10 Pro Office 2019 Kaufen Office 365 Lizenz Windows 10 Home Lizenz Office 2019 Home Business Kaufen Windows 10 Lisans Office 2019 Mac Satın Al
%d Bloggern gefällt das: