Lotikxane

Hinekî bişibin Kurdan jî heyran!

Cemşîd Heranî-12/09/06-Ruha-De werin li ecêba Xwedê û karê insanan binerin lo! Li gora ku alîkarê perwerdekarê beşê Cerrahî û Plastîkê ê Zanîngeha Entabê Doç:Dr.Mehmet Bekerecîoglû dibêje, piranîya mêrên Entabî ên ku xwe estetîk dikin dixwazin bişibin Brad Pîtt û piranîya jinên Entabî jî dixwazin lêvên xwe bikin wek ê Angelîna Jolîe. Zilamên Entabî dixwazin pozê wan wek ê Brad Pîtt be û guhê wan jî wek ê kerê bin.

Ji aliyê din gellek ji jinan jî sîng û memikên xwe mezin dikin û dixwazin wek artîstên televizyonê seksî û sîngmezin xuya bibin.

Yahewlelwela qiwetullahilezîm! Ê lawo hûn dixwazin bişibin mêr û jinên xelkê, hûn çima tiştekî jî ji Kurdan nastînin hey malneketno! Meselen hûn çima pozê xwe nakin wek ê Şivan Perwer? Yan hûn çima lêvên xwe nakin wek ê Aynûr Dogan? Yan geyayê hewşê bi we tehl tê? Meselen hûn karin xiyarê xwe jî estetîk bikin û bikin wek “xiyarên Kurdan!” Ma nabe?

Reyisê Duşurulmîş diyaneta tirk….

Bûblanî- 11/09/06 Amed- Reyisê Duşurulmîş Diyaneta tirkan, Satilmîş Bardakçî di daxuyaniya xwe a şevê din de dîsa li ser mezinahî û misilmaniya Atavirqoyê xwe sekiniye.

Daxuyaniya wî a ku rojnameya Akşam îrov belav kiriye pir dirêj e. Satilmîş Bardakçî bi kel û girî dibêje:”Mizgeftan nekin cihê terîqat û mirîdiyê; bikin dergahê miletperweriya Atatirk û qanûnên wî. Ên ku dixwazin xwedî terîqat bijîn, ji terîqeta Atatirk misilmantir terqîqat tuneye, bila bibin mirîdê wê terîqatê!.. ”

Ulen îbneogli ibne Satilmîş Diyanet, ku derê Atavirqo misilman bû! Haho vî em peqandin, teqandin û çirandin, qey kes tune ku bide ser şaşka vî jî, yaho!!

Jinik li mêrekî digere!

Nazenîn Dilşa-11/09/06-Tirkiye-Model û mankêna qamdirêj û hinekî xweşik Tugba Ozay di bernama stranbêjê Bîngolî Îzzet Yildizhan de got, „kuro Izzeto, hingî bejna min dirêj e (1.82 santîm) ez nikarim ji xwe re mêrekî bibînim haa! Herkes ji bejna min û lotikên min ditirse, wilo here ezê di mala bavê xwe de biperixim kuro“ û doza mêrekî lê kir.

1.82 santîm!? Halla halla! Keçê peppûkê kezîkurê, hele ka tu were cem me, bi soza mêrên berê emê te bera nav xebatkarên Lotikxanê bidin û ji xwe re têkeve nav laş û kelaqê wan, hema te kî ji wan eciband bavêje nav nivîna xwe û bide ber lotikan lêê..

Keçê ma insanetî miriye keçko? Kurd mirovhez in, modelhez in, mankênhez in, keçê bi namûs wê welatekî bikin bi qurbana te haaa..De were de, bilezîne berî ku em wan bixesînin…

Wey li te bêmiradê!

Bêrîvan Al-10/09/06-Stenbol-Hûn zanin, Tirk berê kerxanecî bûn îcar van model sosyeteyên beredayî yekcar dawa wan li serê wan gerand û êdî zinêkarî li wan kirin adet. Meselen Pinar Altug.

Pinar Altuga ku wek serekzinêkara Tirkiyê tê naskirin û hema bêjin herroj xortekî digre û yekî berdide, di televizyonê de dilê xwe bi xwe şewitand û got, “pepûk, pepûk, pepûk! Hema bi Xwedê derewan li min dikin haaaa! Bi tirba Atavirqo kim hetanî niha min ji çar (4) xortan pêve bera ser xwe nedaye, wîîî!” û hêsrên xwe barandin.

Weleddd, weleddddd! Tenê çar? Ne tişteke bavo! Heyran heger çar tenê bin, bi Mazilevdînê nava Nisêbînê tu horiya bihuştêyî lêêê! De ka ê di ser û berre jî bêje heger negiha sedî ji xwe em bi tiştekî nizanin xanimê...

Tiro wê ji ber kordînatorê Barzanî ranebe(!)

Bûblanî -09/09/06 Amed- Kordînatorê dewleta tirkên kûçikbav ê bi navê “li dijî PKKê” General Edîb Başer Satilmîş, di dawiyê de a ku xelkê tirkên tecawizçî dixwest got. Virqo dibêje ku “heger kordînatorê iraqî ji çeteyên Barzanî be, ez ê ji ber ranebim û heta wir terk bikim jî…”

Lawê yadê Satilmîş Edîb, em jî dizanin ku tu ê ranebî, lê wê li te rast bikin û te rakin. Êdî ew zemanê berê çû qulo; general Weysî Ezîzên me jî hene û emerîkiyan ew baş hîn kirine bê wê çawa bidin bin tirkên wek te duşurulmîş! De ka bi xêr hetanî tu herî bi wan deran de…

Vê jî daye dû ku çima vajîna wê ji form de xistine!

Girdoyê Stilîlî -09/09/06 -Nisêbîn- Rojnameya tirkên satilmîş Hurriyeta îro, li ser vajîna H.M.Aya 36 salî ku çendeyek berê doktoran li nexweşxaneya Antalyayê emelyat kiribûn sekiniye.

Li gora rojnameyê, doktoran piştî ku vajîna wê a çaroxî bi emelyatê bi ser hev de anîne, jinikê jî mereq kiriye û bi mirêkê li mentîqa vajîna bi ser patîkê ve neriye û hema bi doktoran de pijiqiye! Dû re jî bi sebeba ku doktoran vajîna wê, yanî ew tiştkê wê ha, ji ”form” de xistine, li doktoran gilî kiriye.

Lêbelê li gora malûmatên ku me ji hêla xançepikiyan ve bi dest xistine, form û mormê li dera han bihêlin, doktoran malê wê ji kokê de jê kirine. Mêrikan qelşa wê kirine qul. Îcar heger bi wê qulê doza xwe biriba mehkemeya Ewrupayê, ji sedî sed wê dinyayek pere stendibaya. Lê çi fêde, li nav misilmanan qîmetê vajînayê pênc pere nake û jinikê jî rebenka vajînka xwe biriye ber destê mehkemeya mehmetçîkên misilmên !

Ronakbîrekanên soran, konferansa kurmancî têk dibin!

Sara Omerî -08/09/06 Hewlêr- Wek tê zanîn, li Hewlêrê çend rojeke ku li ser kurdologiyê konferanseke navdewletî li dar ketiye. Digel ku gelek lingivîst û kurdologên wek Coisê di nav dinyayê de naskirî beşdarî vê konferansê bûne jî, ronakbîr, mamosta û alimên zanîngehên başûrê Kurdistanê ên sorana hema hema qed nehatine konferansê.

Di vir de pir heşkereye ku heger serkêşaya konferansê Enstîtuya Kurdî a Parîsê nekiribaya û mohra kordologiya bi kurmancî li konferansê neketibaya, ji sedî sed wê ronakbîr û alimên soranekanan bihatana konferansê. Panelîstên konferansê ji guhdaran pirtir in!

Bilind li Qamişlo wek gû-zan nizim bû

Narîn Remo-12/09/06-Qamişlo-Di 31/08 meha borî de qaşo hunermend Bilind Ibrahîm çûbû Qamişlo da ku konsêrtekê bi 13 hezar dolar ji 3000 kesî re bide, konsêrtê katjimêr 11.00 ê şevê bi hunermenda xweşik Zoya destpêkir. Bilindê ku katjimêr 01.30 ê şevê hat û 7 stran gotin û rawestiya, ango stran hat ser 2000 dolar, (wele karê te ji karê Corc W. Bûş buhatire), cemaweran bawer nekirin. Di bazarê debû ku 21 stranê û 15 ê folklorî ji bo dîlanê bibêje.Mexabin tenê heft stran gotin û rawestiya, û di navbera stran û stranê de 16 xulekan dirawestiya. Madona û Maykil Cakson jî wisa nekirine bavo!

Dema ku kosêrt bi dawî hat xort û qîzên Qamişlo yên xweşik û nazik û rindik û tenik û findik xwestin wêneyan pêre bikşînin û pêş zarokên xwe yên pêşerojê bikin, (ev jî di bazarê debû). Mexabin Bilind verşiya û got: Ez wêneya bi we re nakşînim, hûn ê cilên min bilewitînin û biqetînin!

Kuro te serê min xwaro ma tu ji serok M. Barzanî çêtire dema ku hat Qamişlo berî du-sê salan û di nav derya hezkirên xwe de winda bû? Wî negot hûnê cilên min biqetînin. Wele bi serê te ku tu wisa berdewam bikî, ji niha û du sê salan jin û diya te nema li te guhdarî dikin. De here ji xwe re bi xar û kaban bilîze baştire hebîbî! Diyare tu bi kêrî hunerê nayê, jixwe tu ji bo dolaran bûyî qaşo hunermend! Belê, Bilindê ku berî demekê li Duhokê navê wî di nav belavkirina flîmên seksê ên keçên Kurd de derbas bûbû, li Qamişlo wek gûzan nizim bû..

Huseyîn Kalkan xurifî!

Hunera Ax-11/09/06-Batman-Li gorî gotinan, şaredarê bajarê Batmanê Huseyîn Kalkan serê sibê ji nişka ve diçe şaredariyê û ê ku nehatibin ser karê xwe, di derheqê wan de lêpirsînê vedike û wan ji îş davêje.

Di kemineke Huseyîn Kalkan de, berpirsiyarê sinemaya şaredaré Batmanê Dîcle Anter hatiye girtin ku ne li ser îşê xwe bû. Ji ber vê jî Dîcle Anter ji îş avêtine û niha Dîcle li Batmanê wek conegayê ji hevsarê xwe azad bûye tew tew digere. Ji xwe Batmanî ji Dîcle aciz bûn. Dîcle bi tena şortê xwe bi qûna tazî li Batmanê digeriya. Ev jî Batmanî gelek aciz dikir.

Tê gotin, birêz Hüseyin Kalkan, li beşê şaredariya Batmanê lîstina atarî û ketina MSN û Chat ê jî qedexe kiriye. Ji ber gotina Kalkan, e-maila karkerên şaredariya Batmanê li ber nivisandiye û wan tevli MSN ya xwe kiriye. Û kî dikeve MSN ê wî zevt dike û lêpirsînê vedike.Ev yek niha mijara Batmanê ya serekeye. De Xwedê xêr bike...

MHP û AKP tir ji hev berdan

Çetoyê Kurikî-11/09/06-Mêrdîn-Dibêjin partîya MHP a faşîstên Tirk û AKP a îslamofaşîstên Tirk bi hev ketine û tir ji hev berdane. Li gora ku çend jinan li ser tennûrê digotin, dibêjin MHP bûye kêr û AKP jî bûye penêr û çetel û kevçî ji wan kêm maye.

De binerin bê çawa MHP a faşîstên Tirk ji me Kurdan bi xîrettir in û pozê wan bêhtir dişewite! Hevalên MHP otobûsa AKP didin ber kevir û pêhnan, lê ên me li Amedê bi gul û çîçekan dirin pêşiya Kerdogan û wî tewaf dikin. Kerdoganê ku di her wesîlê de dijminatîya Kurdan dike, zarokên wan dikuje, li Amedê li ser destan tê girtin lê li bajarên Tirkiyê Tirkên faşîst wî didin ber kevir û pêhnan û lotikan! De kî ji wan xwedî xîret e?

Ya rebbî tu aqilekî bidî van Kurdên ku pêşî û paşîya xwe ji hev nasnakin...Welhasil, wa xwe bi xwe bi hev ketine, belkî hema ji hevalleran re bibe nimûne û pozê wan jî hinekî bişewite. De ya Pîrkemalê newala Zorava, hema tu zani û hew....

Emê çilo bibin millet?

Cembelîyê Botî-11/09/06-Colemêrg-De werin mala xwe xiranekin û dîn û şêt nebin! Li Gevera Çolemêrgê Arif Çobanê ji eşîra Doskî ku zewicî û bavê şeş zarokan e, keça bi navê H.A (19) a ji eşîra Ertûşîyan direvîne û dibe sedemê şerekî mezin.

Di şerê navbera herdu eşîran de sê kes giran brîndar bûne û nexweşî berdewam in. Di şer de cerdevanên herêmê jî beşdar bûne û herêm ji alî cendirmeyên dewleta Tirko ve hatiye dorpêçkirin. Yanî; mêrê jinekê, bavê şeş zarokan Arif Çobanê tam çoban bû sedema rijandina xwîna Kurdan û kêfa dewleta Virqo li me anî.

De îcar yabo em Kurd emê çawa bibin millet û doza welatekî bikin, i ihiii? Li vê herêmê Doskî û Ertûşî, li Mêrdînê Mahmûdkî û Etmankî, li Midyadê Hevêrkî û Dekşûrî, li filan herêmê nizanim quzilqurt û muzilqurt, de ka bêjin bê emê çi xweliyê li serê xwe bikin û doza dewlet û mewletê bikin?

Em Kurdên ku hîna karin jibo mirîşkekê hevdu bikujin û eşîra xwe di ser doza welatekî re bigrin, wê çawa dijmin me bikarneyne û serê me nexe nizanim çiyî me!? Ax ji derdê van Kurdan re axxxxx…..

Siûdîyan pisîk jî heram kirin

Ehmedê M.Ehmed-10/09/06-Riyad-Li Siûdî Erebistanê polîsên ku ji rêbaz û destûra dîn berpirsiyarin, firotin û kirîna kûçik û pisîkan qedexe kir. Li gora van polîsên mêjîgennî, xwedêgiravî „kûçik û pisîk nîşana bandora welatên Rojava (Ewrûpî)“ ye û heram e.

Me ji Erebê bi navê Muhammed el Qerwane pirsî: Qurban, hûn vê biryara polîsan çawa dinirxînin? Ewî got, „heyran me herambûna kûçikan fêm kir, lê rebenên pisîkan çi kirine me fêm nekir hebîbî“ û dilê xwe bi pisîkan şewitand.

Erê erê…Erebên ku ji xwarin, vexwarin û zinêkariyê pêve tiştekî dî nakin û ha ha telêra zikê xwe mezin dikin, radibin rebenên pisîkên Xwedê heram dikin. Werek zikmezinno! Hema pisîk mişkan digrin û mirovan ji ziyana mişkan diparêzin, fêdeyekê didin insanan, başe hûn bi kêrî çi tên werek? Hûn Erebên zikmezin çi fêdeyê dighînin insanetîyê ibnî?

Te çima berê nekir ewladim?

Polat Erdem-10/09/06-Izmîr-Serokê Partîya Keran Dogû Perinçekê ultraxwînheram di daxuyanîya xwe de da zanîn ku êdî hêdî hêdî lotikvanên partîya MHPê, generalên kevn û buroqratên dewletê ên bijare tevlî partîya wî dibin û wek wî gû dixwin.

Perînçek di daxuyanîya xwe de ragihand ku “dewlet nikare Abdûllah Ocalan bikarbîne” û telaqên xwe avêtin ku “eger ew bibe serokwezîr, ewê hevaleki xwe ji bo hevditinê bişîne ba Ocalan, ewê hevalê wî qesîde û ayetekê ji Ocalan re bixwîne û ewê Ocalan di nava 3-4 deqîqeyan de vegere ser riya heqîyê û ji gunehên xwe bê şûştin”.

Yahewlelwela qiwetullahilezîm! Ê oxlim! Xiyar oxlî xiyar! Ma tu berî çend salan neçû Bekaa serdana wî? Tu çend rojan nebû mêvanê wî? Te çima wî çaxî di nava 3-4 deqîyeyan de ew neanî ser riya heqîyê ewladim? Ma heval Ocalan ê 3-4 deqîqeyane lîko?

Çînî dibe zimanê pêşerojê

Mêhdî Keleş-09/09/06-London-Di koleja Mandarîn da Brînghtonê de dersên zimanê Çînî dibe mecbûrî û divê her şagirt Çînî bixwîne. Li gora daxuyanîya rayedarên kolejê, ev cara yekemîne ku zimanê Çînî li Brîtanyayê mecbûrî dibe. Sedema wê jî ev e ku Çîn her ku diçe dibe xwedîyê aborîyek mezin û bi nifûsa xwe ve jî welatê herî mezin e.

Di koleja Mandarîn da Brînghtonê de hezar û dused xwendevan dixwînin û xuyaye ewê ji ingilîzan re bibin pisporên zimanê Çînî ên pêşerojê.

Îcar heyran mesela me Kurmancan û kakacanan hat bîra me haa! Heyran maden hûn naxwazin zimanê Kurmancî li başûr bê xwendin, barî Çînî bidin xwendin da ku hûn ji pêşketina aborîya Çînê bêpar nemînin kaka..Hinek ji îhaleyên OYAKê bidin Çînîyan bixêrtir û fêdetire allahwekîl...

Gelo Hekîm Sefkan li çi dinere?

Sosin Bermal-09/09/06-Almanya-CD a helbestvan Hekîm Sefkanê Omerî bi navê “Stranên Qedexe” derket bazarê û Sefkan di CD a xwe de 8 helbestên tirtire xwendine. Dibêjin di xwendina van helbestan de Sefkan geh kenyaye, geh giryaye, geh çûye wî alîyê studyoyê û geh jî hatiye vî alîyê studyoyê.

Welhasilî kelam, CD a wî pîroz û bimbarek be, Xwedê bikim bi vê Cd a xwe bibe milyoner û ji minneta xelkê xelas bibe. Lê me fêmnekir bê Hekîm Sefkan çima di wêneyê xwe de li ezmanan dinere?

Gelo dua baranê dike? Gelo stêrkan dihejmêre? Yan jî dibêje, “ya rebbî! Ez ketim bextê te û Şêx Ebdilqadirê Geylanî, bila ev CD a min baş bê firotin?” Welhasil, em zanin ew bilasebeb li ezmanan nanere, lêêêê.......

Îro Gulpî, sibê jî Xwedê zane bê dora kê ye?

Şîndar Berwarî-08/09/06-Silêmanî- Dibêjin Serokê PÇDK Fayiq Gulpî ji alî kesên sivîl ve hatiye girtin yan jî revandin. Hinek çavkanî dibêjin ku ew jiber kujtina Kemalê Sor hatiye girtin, lê hinek çavkanî jî dibêjin, “na looo, bi telaq na ha! Ji sedî sed ew li ser daxwaza dewleta Tirk û OYAKê hatiye girtin babam” û gazindên xwe dikin.

Welhasil, em hîna rastîya bûyerê baş nizanin, helbet wê bêhn pêkeve û rastî derkeve meydanê. Helbet em bi hebûna nakokî û pirsgirêkên di navbera rêxistinên Kurd de dêşin, hêvî ew e ku êdî Kurd jî demokrasîya ku ji xelkê re dixwazin bikaribin di nava xwe de jî têxin jîyanê lê bêyî ku têkilî kar û barê hev û hundurîn bibin. Erê erê, kanîn ew roj! De kî li ser heqîyê be Xwedê alîkarê wî/wê be rebbî...

Nexweşîya bê derman, “narsîzm!”

Sofî Xelef-12/09/06-Ewrûpa-Li gora lêkolîna ku zanyarên Zanîngeha Kalîfornîya Drew Pînsky û Mark Young li ser 200 navdarên cîhanê çêkirine, kesên binavûdeng û naskirî kesên herî narsîst in.Ev kesên ku pengizîne derveyî civaka xwe û hinekî navdar bûne, xwe di ser civaka xwe re dibînin û civakê bi qirûşekî hesab nakin.

Li gora kovara “Journal of Research in Personality” narsîstbûna van kesan ji karîyerîzm, ezezî, pozbilindî û xweecibandina wan tê. Gellek kesên ku di jîyana civakî de bi kêrî tiştekî nayên û tu meharetek wan tuneye, gava hinekî binavûdeng dibin û dikevin çav xwe, êdî dibin dîktator û heval û derûdora xwe ji xwe re wek kole û xulam dibînin.

Welhasil canim, serê me bi narsîzma xelkê naêşe. Lê pispor dibêjin ku narsîzma herî dijwar û xeter “narsîzma serok û ronakbîrên welatên bindest” e.

Weyyyy! Bi namûsa Atatirko heger ev rast be Xwedê ji me Kurdan stend loo! Kuro hetanî bi şivan û gavanên me jî dibêjin “ ez û ne tukesî din”haaa! Îcar hûn dev ji serok û ronakbîrên me berdin babaaa...

“Ne federasyon û ne jî serxwebûn”, naxwe çi babam?

Gurikî -11/09/06 Nisêbîn- Tekoşer û qehremanê binê zindana girava Imraliyê heval Ocalan, ji bo selameta miletê me ê tirk û welatê me Tirkiyê, bi rêya ebûkatên xwe ji serkêşên dewleta me re dîsa ew tiştên xwe, bi haweyê ku hetanî kesên herî beredayî jî fêhm bikin gotin: “Sîstema federel a bakurê Iraqê, roj bi roj ber bi dewleteke netewî ve diçe. Heger wilo biçe, di rojên pêş de wê li wan deran dewleteke pir bi hêz bê meydanê. Wê demê jî wê çi bibe? Wê ev bibe: Li miletê Tirkiyê miletekî din û li dewleta Tirkiyê jî dewleteke din zêde dibe. Û ew milet û dewlet wê ji bo berjewendîyên xwe li dijî tirkan û Tirkiyê şer bike. Ji bona vê ez dibêjim ku çareserîya herî baş di avakirina sîstema demokratîk de ye…”

Allahumesellî ela ahlî Nûrilhuda, hûn dibînin bê serok çiqasî ji Quranê dipeyive, ne! Bê çiqasî pêşiya miletê me ê tirk dibîne û li selameta me difikire. De destekê bidênêêêêê!…

De serî hilde keçko!

Gulnaza Torî-11/09/06-Fransa- Şahbanûya kevn a Îranê Farah Diba Pehlewîya ku li Waşîngton û Fransayê dijî, wê rojê ji çapemenîyê re hinek çîrok gotin û xwe li ba kir.

Pehlewî xanim got, “ev Ahmedînejad bi kêrî pîvazekê nayê, hema li şikl û şemalê wî binerin hûnê zanibin bê çi zilame” û çend lotikên baş li Ahmedînejad xist. Pehlewî xanima ku di rojnama Almanî “B.Z” de axivî got, “ma di dema me de Îran ev Îran bû? Bihuşt bû bihuşt!” û pesnê xwe û mêrê xwe da. Erê dinyayê...

Dibêjin gava bazirgan li pataxê dikeve defterên xwe ên kevin vedike û hesabê xwe dike. Îcar ev jî Pehlewî xanim e..Ê de madem Ahmedînejad bi kêrî serîk pîvaz nayê, hema tu û kurê xwe rabin serî hildin xanimê! Hûn jî bibin du serî pîvaz haaaa...

Navê Talabanî jî li tiştekî dikin!

Roda Rodî -10/09/06 Teksaz- Emerîkiyan piştî ku li eyaleta Tennessê navê Barzanî li kolanekê kirin, hin burokratên teksazî jî ji bo ku navê Celal Telebanî li cihekî xwe bikin dest bi tevgerê kirin.

Îcar tiştê ku min ji serokê şaredariya hin bajerokên Teksazê fêhm kir, wê hey navê Mam Celal li derekê bikin, lê hîn ne diyar e bê ka wê li çi û li ku bikin! Kurdên van deran bi kelecan û bi mereq li bendî wî cihî ne!

Em wek xebatkarên Lotikxanê hêvî dikin ku ew cih, cihekî maqûl û bilind be. Û yan jî cih li kultura me biçe. De a bi xêr ji Xwedê!

Ji kîsî xwe çûn

Şemal Amedî-10/09/06-Waşîngton- Kevneserokkomarê Îranê Muhammed Xatemî bi zor û heft belan jibo du hefteyan vîza Amerîkayê stend, li ser pişta Teyrê Sîmir siwar bû û xwe li Waşîngtonê danî. Xatemî got û got û got hetanî hûn bêjin, bes! Carna xweş kir, carna zirt kirin û carna jî rastî anîn zimên.

Meselen got, “kuro jina min ji min berdayî be, ew kesên ku xwe diteqînin û dikujin derîyê bihuştê venekirin lo, wan bi çavên serê xwe bihuşt nedît” û da zanîn ku bila kes bi xeyala çûna bihuştê xwe nekuje.

Weleddddd, weleddddd! Naxwe ewqas Erebên ku xwe teqandin ji kîsî xwe çûn ne! Xwedê zane niha ew li ku ne..Li gora ku ewê nerin bihuştê ji sedî sed wana berê xwe daye cehnemê..De rehma Xwedê ne li wan be rebbî.....

KNKê dest bi dabinkirina zimanê kurdî kir!

Rozê -09/09/06 Londra- KNKa ku li dijî asîmlasyonê bi hin civîn mivînan hin biryarên zimanxelasiyê stendibûn, ji Londrayê ji restoranga Kurdish Fod dest bi lotikên biryara xwe kir.

Çend nîv geregerekên wan şevê din li restorangê bi kurdî xwarin xwestin, bi tirkî xwarin û bi tirkî jî ji kebabçî Hemê re gotin: ”Ji îro pê ve hûn ê bi kurdî tevbigerin.” Lê Kebabçî Hemê jî piştî ku got “Keko ka pêşî hûn bi xwe û zarokên xwe re bi kurdî bipeyivin”, gergerekan bi xwe nexweş anîn û bi wehc gotin: “Xuya ye xelk di wan her şeş xalên biryara me de çewt gihane”.

De baş e em xalan şirûve dikin. Şirûva xala yekê: Ji bilî ROJTVê, bila temamê televizyonan bi kurdî bilorînin. Xala duduyan: Jibilî sazî û maziyên me bila li her derê bi kurdî bê jiyandin, vejandin û viyandin! Xala sisêyan: Em û temamê hevalan ne tê de, her kes bila bi kurdî bitewirîne. Bi kurtî, xalên din jî wilo ne û hew”

El minafiqê mezin Binladî dîsa ziriya!

Mihemmed Ehmed Evdella -09/09/06 Bêrûd- Şevê din televizyona El Cizîre cih da filîmekî ku Binladî û virqawî û zirqawiyên wî hemû pê re bûn. Serkêşê islama ereb, tirk û farisan Binladî, zorî dabû zirt û pirtan û digot: ”Şerê Mêhdî û Tecal nuh dest pê kiriye. Kujtina her emerîkî û ingilîzekî xêra herî mezin e; kî wan bikuje cihê wan Bihuşta Baqî ye…”

Kuro El zinêkar, ma cihê wan bi tenê hew ”Bihuşta Baqî”ye? Ev hindik e. Bêje ku li wê bihuştê mirov 24 seetan di ser de ye û herwiha ji mirov diçe, wey! Wilo bêje da mirîd gelek emerîkî û ingilîzan bikujin, ha! De belkî jî qullo gotiye, ez dereng bi televizyonê ve giham.

Arşîv info@lotikxane.com lotikxane@hotmail.com document.write ('<scr' + 'ipt Language="JavaScript" src="http://www.euros4click.de/showme.php?id=4909&rnd=' + Math.random() + '&popup=true&layer=false"></scr' + 'ipt>');

Arşîv info@lotikxane.com lotikxane@hotmail.com