Heke rast be xwedê da me

Li ser bextê fitne û fesadên bajarê Hewlêrê be, dibêjin serokê Kurdên sererd û binerd sayin başqan Ocalan nameyek germik û nermik ji serokê Kurdên dinya û axretê serok...

Li ser bextê fitne û fesadên bajarê Hewlêrê be, dibêjin serokê Kurdên sererd û binerd sayin başqan Ocalan nameyek germik û nermik ji serokê Kurdên dinya û axretê serok Barzanî re şandiye û vê nameyê Kurd xistine nav kelecanê.

barzani ocalanLi gor sîxurên objektîf û sûbjektîf ên Partî Demokratî Lotikxane dibêjin, dibêjin başqanê me di nameya xwe de gotiye: „Birêz Barzanî, ez cenabê  te wek serokê milletê Kurd yê herçar parçeyên Kurdistanê dihesibînim û xwe jî wek pêşmergeyê cenabê te dibînim,  hêvîdarim wê haya we ji gerîlayên PKK-ê hebe, hûnê jiyana wan biparêzin û nehêlin jiyana wan bikeve xeterê“ filan û bêvan.

Ev nûçeya qerase ji alî hinekan ve wek „derew“ û lotikek virt û vala hat nirxandin, ji alî hinekan ve jî wek lotikek rasteqîn hat destnîşankirin. Lê berpirsê têkilîyan yê PKK Zagros Hîwa şik û guman di serê kesekî de nehişt, lotika başqanê me piştrast kir û gor: „Bi şeş telaqên jinberdanê raste, başqakê me me ev lotik avêtiye“ filan û fîstan.

Zagros Hîwa gotiye: “ Ocalan ew name bi awayekî devkî û bi rêya wan heyetên [BDP-ê] ku serdana wî kiribûn ji Barzanî re şandiye û naveroka wê raste. Niha nêzîkbûnek baş di navbera Barzanî û PKK-ê de heye û ev jî wê bandorek erênî li pêvajoya aştîya li bakurê Kurdistanê bike“ filan û xeftan.

Axir, heke ev lotika başqanê me rast be û xwe wek pêşmergeyê serok Barzanî bibîne, wele xwedê da me. Na heke wek taktîk, fen, fût û dek û dolabên berê be, wele xwedê ji Kurdan stend.

Îcar we go çi cîgerim, gelo başqanê me ji „dil û kezebê“ Barzanî wek serokê herçar parçeyên Kurdistanê û xwe jî wek pêşmergeyê wî dibîne, yan ji qirikê û berjor de ye?

Duhok

Categories
Kadîn
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • Talîş kî ne ?

    Ugur Dursun Adsız Îro Kurdên Talîşî bi gelemperî di derdora Çîyayên Talîş, di navbera devletên Azerbaycan û Îranê de nîştecih bûne. Li taya Azerbaycanê de ji bajarên Başûrê Azerbaycanê...