Gunikreşên Sûdanê

Reşoyê Darî Kurd li seranserê dinyayê belav bûne. Ji ber ku dewletek wan a serbixwe tune, wek libên hinarê ji hev belawela bûne û li bin guhê welatên cuda...

Reşoyê Darî

Kurd li seranserê dinyayê belav bûne. Ji ber ku dewletek wan a serbixwe tune, wek libên hinarê ji hev belawela bûne û li bin guhê welatên cuda ketine. Yek ji wan jî Sûdan a Afrîkayê û Kurdên Sûdanê ne.

Kurdên Sûdanê ji dema Selaheddînê Eyyûbî de li wir mane. Ne tenê li Sûdanê, li gelek welatên Afrîkayê belav bûne. Ji dema Selaheddînê Eyyûbî de li wan deveran mane û venegeriyane.

Li Sûdanê zêdeyî 100 hezar Kurd hene. Piranîya wan dewlemendên Sûdanê ne, di hikûmet û dezgehên girîng de cîh stendine. Lê çi heyf e ku zimanê xwe ji bîr kirine û bûne Sûdanî. Her çiqasî hinek tore û adetên xwe paraztibin û zanin ku bi koka xwe Kurd in jî, lê ziman ji bîr kirine. Balkêş e, her çiqasî zimanê xwe ji bîr kiribin jî, lê di nasnameya wan de dinivîse ku Kurd in û piranîya paşnavê wan jî „Kurd“ yan „Kurdî“ ye. Wek „Miho Kurdî“, „Ebdullah Hesen Kurdî“, Omer Kurdî“ û wekî din.

Di dîrok û edebiyata Sûdanîyan d gelek navdarên Kurd hene. Qehremanê dîroka Sûdanê Osman Diqne ye, ku bi eslê xwe Kurd e û zora Ingilîzan biriye. Cîhirê wezîrê naxwe yê berê Omer Kurdî sê zanîngeh damezirandine û bi xwe profesorekî naskirî ye. Ebdullah Hesen Kurdî helbestvanekî nasdar e û helbestên wî di dibistanên Sûdanê de tên xwendin. Û gelekên mîna wan.

Kurdên reşik, ango Kurdên Sûdanê, her çiqasî zimanê xwe ji bîr kiribin jî, lê di warê nîjadî de ji brayên xwe yên Kurd û tekoşîna wan bêpar namînin, wan dişopînin û haya wan ji bûyerên li Kurdistanê dibin heye. Heta wê astê ku hinek Kurdên reşik di nava rêxistin û şerkirên Kurd de jî cîh girtine û ji bo azadkirina Kurdistanê canê xwe jî dane.

Ez serê we neêşînim, Reşoyên me li Sûdanê û gelek welatên Afrîkayê jî reştir bûne. Hinek bûne wek tenîya binê beroşê, hinek jî wek çîkolata qemer û şîrîn bûne wesselam..

Ê de rebbê alemê ahê me ji dijminên me re nehêle rebbî…

Sûdan

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Beş
KadînNivîskarReşoyê Darî

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

Zêdetir

  • Hesab

    Xêrxwaza Dêrikî Dema em ji serboriyan sûde wernegrin têkçûyîn û windakirin ne dereng e, lewra heke em li xwe werneqilin û neponijin ji vebal, bedel û gunehan berpirsiyar em...
  • Li welatê ku aqil ji seriyan koç kiriye

    Li welatê ku aqil ji seriyan koç kiriye, sohbet û şevbuhêrk hemû li ser siyasetê û dîn e. Wê şevê em li malekê mêvan bûn. Ji xêndî me du...
  • Zikê têr hay ji zikê birçî tuneye.!

    Xêrxwaza Dêrikî Ezê qala salên borîn, zilm û zorê, bedel û têkçûyînê nekim, êdî qala peyvên qelew û kilasîk jî nekim. Çimkî ji dîrokê û virde bi hezaran şîret...
  • MAL NÎNE KERXANE YE!

    Cejna Remezanê derbas bû, çavên zarokan li şekir û peran bû. Dest maç kirin şekir û pere berhev kirin. Ev jî rengînîya cejnê ye. Kevneşopîya bav û kalane ku...
%d Bloggern gefällt das: