Xalê me Mislim xwe ji PKK daweşand

Bavê Cengo Hûn dev ji mirovan berdin, bi allahwekîl heta bi çîçik û mirîşkan jî zanin go PYD bask û şaxê PKK ye. Heta bi dîk û elokan jî...

Bavê Cengo

Hûn dev ji mirovan berdin, bi allahwekîl heta bi çîçik û mirîşkan jî zanin go PYD bask û şaxê PKK ye. Heta bi dîk û elokan jî zanin go PKK dê û bavê PYD ye.

Kuro ma hewceye meriv hevdu bixapîne û vir û derewan li hev bike qurban, na canim..

Meriv çi be, çi tişt be, ew e wî..

Ne eyb e û ne jî qebhet e.

Werhasil…

Serokê PYD û qeraseyê zilaman xalê me Salih Mislim, ji Dengê Amerîkayê re axivî û çend lotikên ekolojîk û demokratîk avêtin.

Xalê me Mislim, bi serê Donald Trûmp sûnd xwar û di derbarê çek û sîlehên ku Amerîkayê ji YPG re şandine got: ” Ez bi serê we û Donald Trûmp kim, em zêde têkildarî kar û barên leşkirî nabin. PKK bûyerek cuda ye. Şêwaz û kiryarên wê bi xwe hene. Lê wê tucarî çek û sîlehek neçe ji PKK re. Ez bawerim kesên go çekan didin me jî tedbîra vê yekê distînin, garantîya xwe distînin“ filan û bêvan.

Xalê we Salih Mislim, di axavtina xwe de eşkere kir go tu daxwaza Kurdan a go korîdor û navgînekê heta bi Derya Spî vekin û xwe bigihînin Derya Spî, tuneye. Di vî warî de tu plan û projeyên wan tunene û got: „Bi allahwekîl, ez bi serê Beşar Esed kim,  cîhên go Kurd lê dijîn em jê re Rojava dibêjin. Em xwe diparêzin, ango bi mafê xweparaztina meşrû tev digerin. Em êrîşî kesekî nakin û herêma xwe berfirehtir nakin. Em bi pêkhatên Sûriyê re li çareserîyek demokratîk digerin. Li şûna go kêfa Tirkiyê ji vê helwesta me re bê, radibe li dij derdikeve û lotikên çewto mewto davêje. Bi namûsa mêrê çê, di şeş salên borî de li hember Tirkiyê tu tehdît û çalakîyên me çênebûne. Tirsek Tirkiyê heye, ew jî fobîya Kurdan e. Kurdek li kuderê hebe Tirkiye dixwaze rê li ber bigre û destûrê nade go Kurd bigihên mafên xwe yên demokratîk. Ev dijminatîya Kurdan e, ne tiştekî din e. Fobîya Kurdan bê wate ye û Tirkiye ji ber vê yekê gellek tiştan wenda dike“ filan û fîstan.

Werhasilî kelam, xalê me û we Salih Mislim xwe ji PKK dawşand û toza wê li xwe dananî. Mislimê me bi serê Îsa, Mûsa û Mihemed pêxember sûnd xwar go tu nêta wan û xwegîhandina Derya Spî tuneye û dewleta Tirk belasebeb bi xwe de dîrî û ditirse.

Ê de lotika xalê me Salih li ser xêrê be, siyaset û zimanê dîplomasîya wî pîroz be rebbî…

Qamişlo

Categories
Bavê CengoKadînNivîskar
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Sekn û helwesta serek û rêberan

    Di şerê cîhanê yê duyem de nazîyên Hîtler lawê Stalîn ê leşker hêsîr digirin. Rûs jî generalekî almanan hêsîr digirin. Ji bo pevguhertina hêsîran danûsitendin dest pê dikin. Lê...
  • Serok Papa

    Serok Papa siwar hat û peya çû, lê dixan û hicac li pey xwe hişt û çû. Carinan hesabê malê û sûkê li hevdu dernakeve, mixabin û bêhişî û...
  • Rê û rêwîtî û serpêhatîyên şifêran

    Ev du roj in ez rêwî me; ez derketime rêwîtîya peyvan. Heta ev rêwîtî bi dawî bê, ez ê tenê li ser vê rêwîtîyê û serpêhatîyên şifêrên heval binivîsînim....
  • Sernivîs û binnivîs, Arifo hema binivîs!

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...