Erê dinyayê, mamê me jî çû….

Mihemed Soran Ji berê de gotine „Dinya ji kesî re namîne“. Feleka bêbext lotika xwe li mamê me Celal Talabanî jî xist, ew ji nav me revand û em...

Mihemed Soran

Ji berê de gotine „Dinya ji kesî re namîne“.

Feleka bêbext lotika xwe li mamê me Celal Talabanî jî xist, ew ji nav me revand û em bê mamo hiştin.

Mam Celal, 50 salên xwe da tekoşîna Kurd û Kurdistanê û yek ji zîrektirîn û şarezatirîn siyasetmedarê Kurd û Rojhilata Navîn bû. Bi wî ya koça dawîn milletê Kurd siyasetmedar û tekoşerekî xwe wenda kir û wê cîhê Mam Celal zû bi zû neyê dagirtin.

Her çiqasî di demên çûyî de di navbera PDK û YNK de pirsgirêk û şer çêbûn jî, lê Mam Celal xwe ji tekoşînê neda paş û heta bi roja mirina xwe jî dilê wî bi Kurd û Kurdistanê re bû. Mamo, bi zîrektî û siyaseta xwe ji gellek siyasetmedarên Kurd re bû mînak û îlhama tekoşîn û siyasetê û gellek şagirt li dû xwe hiştin. 

Mamê me berî mirina xwe referandûma serxwebûna Kurdistanê bi çavên xwe dît û bi guhên xwe bihîst. Êdî ewê di gora xwe de rehet razê û ewê li axreta gewrik mizgînîya serxwebûna Kurdistanê bide M.Mistefa Barzanî û temamê şehîdên Kurd û Kurdistanê.

Rehmetîyê mamê me ji goştê elokan pir hez dikir. Bi mirina wî her çiqasî em Kurd pir xemgîn bûn û li ber wî ketin jî, lê dibêjin elokên Kurdistanê bi çûna wî hem xemgîn bûne û hem jî kêfxweş bûne. Xemgîn bûne ji ber ku Mam Celal ji wan re jî bûbû mam, sermiyanê wan bû û xwedî li wan jî derdiket. Kêfxweş bûne ji ber ku êdî wê wek berê zêde neyên serjêkirin û goştê wan li ser sifreyên savar û birincê neyê rêzkirin.

Ez serê we neêşînim, Mam Celal di dîroka Kurdistanê de navê xwe da nivîsandin û ewê di dilê milletê Kurd de her bijî wesselam.

Bela serê milletê Kurd û Kurdistanê û malbata wî sax be..

Oxira te ya xêrê be û rehma xwedê li te be  Mam Celal!

Silêmanî

Categories
KadînMihemed SoranNivîskar
  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Lê lê lo

    Min got, „Qîza qereçî nabe xatûn“ tu carî, ji qewla pêşîyan… Û „her teyr bi refê xwe re difire“ jî xweş e û ne xerab e. Pêşî û paşî...