Çê kiro bi xwe kiro, xirab kiro bi xwe kiro

Nûrî Çelîk Destkeftîyên Başûrê Kurdistanê û pê re girêdayî nêzîkbûn û hevkarîya hêz û partîyên Rojavayê Kurdistanê, bûne dirî û kelem û di çavên neyarên Kurd û Kurdistanê de...

Nûrî Çelîk

Destkeftîyên Başûrê Kurdistanê û pê re girêdayî nêzîkbûn û hevkarîya hêz û partîyên Rojavayê Kurdistanê, bûne dirî û kelem û di çavên neyarên Kurd û Kurdistanê de radibin. Têkbirina destkeftîyên Başûr û Rojavayê Kurdistanê ne tenê ji dagîrkeran re, herweha ji partîyên taşeron û xêrnexwazên Kurdistanê re jî bûne serêşandin û ev partîyên xêrnexwaz ji bo têkbirin û tunekirina van destkeftîyan, îro di rêza dagîrkeran de cîh digrin û bi navtêdan û piştgirîya wan êrîşên dijminane dibin ser destkeftîyan Başûr û Rojava.

Piştî lihevhatina Hewlêr û Bexdayê ya li ser aramîya Şingalê, êrîş û dijminatîya PKK û çapemenîya wê ya li hember PDK û Barzanîyan zêdetir bû. A balkêştir, çapemenîya dewleta Tirk û çepên Tirk jî bi heman êrîşan dijminatîya pêşmergeyên Kurdistanê, PDK û Barzanîyan dikin. Ango, çapemenîya PKK, dewletê û çepên Tirk ji heman kozikê şerê pêşmerge, PDK û Barzanîyan dikin û di encamê de PKK êrîşî pêşmerge kir û xwîna pêşmerge rijand. Helbet di van provokasyon û êrîşan de divê rola Îranê jî neyê jibîrkirin.

Me berê jî gotibû, hewce nake em bi dûvdirêjî behsa PKK û kiryarên wê bikin. PKK ji roja roj de ji bo yek armancê derket holê. Ew jî astengkirin û têkbirina destkeftîyên tevgera rizgarîxwaza milletê Kurd e. Û sedema ku PKK li her çar beşên Kurdistanê bi cîh bûye û dijminatîya netew-dewletbûna milletê Kurd dike jî ev e. PKK di xeta xwe de zelal e û baş zane bê çi dixwaze û çi naxwaze. Baş zane armanca wê çi ye û ne çi ye. Esas a girîng û aloz ev e ka PDK û Barzanî çi dixwazin û zêdeyî 40 salan e çima ewqasî giringî dane PKK û alîkarîya wê kirine. PDK a ku PKK li Başûr bi cîh kir, pare û çek danê û heta bi radeyekê şirîkê gunehên PKK ye, wê çawa ji vê bela ku wê bi destê xwe anîye serê xwe rizgar bibe, ne diyar e. Lê tiştek eşkere û zelal e. Heta PKK li Başûr be wê PDK û Barzanî nikaribin bi rehetî razên û rakevin. Heta PKK li Başûr be wê nikaribin xwe ji şerê navxweyî rizgar bikin. Siyaseta germik û nermik û mitewazîbûna PDK û Barzanîyan PKK xurttir û wêrektir dike. PKK bi zora çekan xwe li ser serê milletê Kurd hatiye ferzkirin û divê neyê jibîrkirin ku ne bi zorê be jî dev ji kiryar û êrîşên xwe bernade. Helbet em ne alîgirê şerê navxweyî û brakujîyê ne. Lê mixabin rastîya tehl ev e.

Encamên hilbijartinên Amerîkayê îro sibê wê eşkere bibin. Tam di vê dema ku çavê Kurdan û dinyayê li ser hilbijartinên Amerîkayê ye, PKK êrîşî karmendên gumrikê û pêşmergeyan dike, wan dikuje û borîya petrola Kurdistanê diteqîne. Ev provokasyon û kujtin tev ji bo destpêkirina şerekî navxweyî tên kirin û bê guman tirsa serkeftina Joe Biden jî di van provokasyon û êrîşan de heye. Joe Bîden wek dostê Kurdan tê naskirin û heke wek Serokê Amerîkayê bê hilbijartin, tirsa PKK û dewletên li pişta wê ev e ku Joe Bîden zêdetir piştgirîya Kurdan bike û rê ji serxwebûna Kurdistanê re veke. Ji ber vê yekê, bi provokasyon û dixwazin di vê dem û pêvajoya hesas û zîz de PDK û Barzanîyan bikşînin nav şerekî navxweyî û aramîya Başûrê Kurdistanê têk bibin, da ku şert û mercên Kurdistanek serbixwe bên lipaşxistin yan jî ji holê bên rakirin.

Milletê Kurd û bi taybet jî PDK û Barzanîyan ji destê şerê navxweyî û brakujîyê pir kişandine, pir êşiyane. Ev bê guman e. Lê carna hesabê sûkê û malê li hev dernakeve û bela tê devê derîyê meriv. Di vir de du rê li ber PKK û PDK û Barzanîyan hene.
Yek: Yan divê PKK rêzê ji Hikûmeta Kurdistanê û biryarên wê re bigre û di bin sîwana biryarên hikûmetê de tev bigere, xwe ji provokasyon û êrîşan dûr bigre. Yan jî divê terka Başûrê Kurdistanê bike û ji wir derkeve (ku ev jî xeyal e).
Didu: Yan divê PDK û Barzanî qîma xwe bi rewşa niha û êrîşên PKK bînin û wek her carê bêdeng bimînin, yan jî divê dev ji siyaseta nermik berdin û destkeftîyên Başûrê Kurdistanê qurbanî PKK û siyaseta wê nekin. Heger PDK û Barzanî nexwazin Başûr jî wek Bakur kavil û wêran bibe, divê kumê xwe deynin ber xwe û çareyek bingehîn ji vîrûsa Corona re bibînin.

autocad lt lizenz kaufen

Categories
ArşîvKadînNurî Çelîk
  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Sekn û helwesta serek û rêberan

    Di şerê cîhanê yê duyem de nazîyên Hîtler lawê Stalîn ê leşker hêsîr digirin. Rûs jî generalekî almanan hêsîr digirin. Ji bo pevguhertina hêsîran danûsitendin dest pê dikin. Lê...
  • Serok Papa

    Serok Papa siwar hat û peya çû, lê dixan û hicac li pey xwe hişt û çû. Carinan hesabê malê û sûkê li hevdu dernakeve, mixabin û bêhişî û...
  • Rê û rêwîtî û serpêhatîyên şifêran

    Ev du roj in ez rêwî me; ez derketime rêwîtîya peyvan. Heta ev rêwîtî bi dawî bê, ez ê tenê li ser vê rêwîtîyê û serpêhatîyên şifêrên heval binivîsînim....
  • Sernivîs û binnivîs, Arifo hema binivîs!

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...